Izikiɛ 13:22 - Yálá laawoo hɛɓɛ (dc)

²² Yii ka kɛ tələnmomun ɉupui mą a lɛɛ wooɠaa, ya pa ɲą́ą́i vá gwəi pili mą; yii ka kɛ wɛa mun ɲee kɔ́n gɛi ɉu, ɛlɛɛ hva ɲee kulɔ nwɔ tuwɔ pələ ɲɔ̨n hu, yɛ pɛli yɛnɛ̨ɛ̨ hɔlɔɓoi.

Yálá laawoo hɛɓɛ

²² Yii ka kɛ tələnmomun ɉupui mą a lɛɛ wooɠaa, ya pa ɲą́ą́i vá gwəi pili mą; yii ka kɛ wɛa mun ɲee kɔ́n gɛi ɉu, ɛlɛɛ hva ɲee kulɔ nwɔ tuwɔ pələ ɲɔ̨n hu, yɛ pɛli yɛnɛ̨ɛ̨ hɔlɔɓoi.

Bible

²² “Ka ŋánûai líi su kpanaŋ a ká lɛ́ɛi, berei máŋ ḿve dílii-su kpanaŋ ni lai. Ka ŋwana-lɔ̂ɔ ƃelai líi kula a gɛɛ dífe kpera dí-ŋwana-lɔɔ̂ tuai mâ dí díƃalo-laai sɔlɔ ƃo.

Izikiɛ 13:22 Referans Kwoze

Ɉeremi 23:14

Kɛlaa, kɛɛ kala mɛ̨nįi gáá gaai Ɉerusalɛmə, Yálá kwəi mɛ̨nį hukulɔ nuą yee pɔ, ya ɓaa, wɛli mɛ̨nį, da lɛɛ mɛ̨nį; diɛ mɛ̨nį ɲɔ̨n gɛ nuą hvaŋąlɔ, mɛ̨nį kɛ pələi tii, nu ta hva pɛli ɲee kulɔi túwɔ́ pələ ɲɔ̨n ɉu. Di kəlee daa kɛ ɲɛ̨́i ɓa yɛ Sodomə nuą, Ɉerusalɛmə nuą kaa yɛ Gomorə nuą.»

Izikiɛ 13:16

Israɛlə nwɔ Yálá kwəi mɛ̨nį hukulɔ nuąi kɛi mɛ̨nį ɓo, yɛ hvilɛn na Ɉerusalɛmə ɓa, di hva kɛa da ɓo. Diɛi kɛi liilaa kɛɛ kaa, ya pa liilaa hvo kɛ laa. Mɛ̨nį kəlee ŋą Hééɓomun Yálá wóó li.

Izikiɛ 9:4

Yai-Laa yɛ mą: «'Hvilən daa pɔ, Ɉerusalɛmə taa pɔ; nuąi kpɔ ɲįŋɛ̨i, diɛ di woolaa dúwɔ́ pələ ɲɔ̨nŋąąi nuą kaa gulɔi daa kwəi mąą mɛ̨nį ɓa, ə́ ə́ pɔɔ kɛ mąą nuą tɔwɔla.»

Ɉeremi 23:17

Nuąi da Yai-Laa woo ɓɛlɛkpɛɛmą, diɛ kɛ yiliɠaa diɛ: ‹Ka wɛi hu kaa pai nɛɛi.› Nuąi di yee kaa di túwɔ́ pələ ɲɔ̨n ɉu, diɛ kɛ yiliɠaa diɛ: ‹mɛ̨ni ta hva həli kaa.›

Izikiɛ 18:21

«Nu ɲɔ̨nwɔ̨ɔ̨ yaan a bulu tɔɔ gɛ nɛ̨ŋɛ̨nŋaa diɛ, yɛ nwɔ́ tiɓoɠaai kəlee pɔ mɛ̨nį kɛ, yɛ hiɛ a ɉaŋaa, a kwəi kwələ laa, mąą nui a lɛɛ yɛnɛ̨ɛ̨, ɉəɠə mąą hvo mą.

Ɉeremi 29:32

Yili mąą mɛ̨nį ɓa, ɲą́ą́ Yai-Laa, gáá ɲéé pɛlɛi Nehelamə mun Semaya ɓa, da ɉuwu kəlee. Di ta lɔpee hvo pai ɉeei hɔlɔɓoi nuą ŋɛ̨i lɔwai, di ɲɛ̨i hva tɔɔ mɛ̨nį lɛlɛɛɠaa gáá pai gɛi nwɔ́ nuą diɛ, da ɓa. Mąąhɔlɔɓo, ə nuą ɲąątɔɔ, diɛ kulɔ Yai-Laa woo mu. Yai-Laa woo li!›»

Ɉeremi 28:16

Ə həli kɛa yɛ́; Yai-Laa woo ka, yɛ diɛ: Gaa pai ə́ həɠəi nɔi ŋɛ̨i mɛ̨i, ə́ kaa pai haai gwɛlan ŋɛ̨i yee mu. Mąąhɔlɔɓo, yáá nuą kwɛli tee Yai-Laa ɓa.»

Ɉeremi 23:9

Yii hvilɛn na Yálá kwəi mɛ̨nį hukulɔ nuą diɛ: Níí aa yali gwə́i. Gɔ́lɔ kəlee yɛ kpɛlin mą́ą́, gáá yɛ lɔɔ hon, yɛ nui lɔɔ aa gɛlɛ, Yai-Laa da nwoo mąąhəɠɛɛ tii mąą mɛ̨nį ɓa,

Ɉeremi 8:11

Di kaa nwɔ́ nuą di wɔ mąąwɛli mɛ̨nį hali kɛi a hviikpɛɛ, diɛ kɛ diɛ: «Ka ka liilaa! Ka ka lilaa.»

Ɉeremi 6:14

Di kaa nwɔ́ nuąi kili nwɔ pɛlɛ́i di wɔ mąąwɛli kɛnɛ̨i hu, diɛ kɛ diɛ: «Mɛ̨ni ta holi mɛ̨nį kəlee ɲąą nɛɛi,» ya pa, mɛ̨nį ta ɲąą hvo nɛɛ li.

Ɉeremi 4:10

Ya ɓə ŋį́ kɛ diɛ: «Ə́kə́! Hɛn Gəlee Nąmu Yálá! Akɛti, yáá kani nuą ŋɛ̨i ɓowo kɛnɛ̨-ee! Yáá Ɉerusalɛmə taa ɓowo, a ə́ woo kwɛlɛi ə́ mo mą, yɛ́ kɛ diɛ: ‹Ka kaa pai kɛi ka nɛɛ hu,› ya ɓə kɔ́ kɔ́ ɓɔwa kaa ku kwąnąai!»

Azaya 28:15

Ka káá kɛi diɛ: «Kwa haa ni kwaa mįnɛ̨ həɠə, kwa ɲąmuątaa ni kwaa mįnɛ̨ həɠə; gɛɛ kala ɲɔ̨n tii ə mą pa pai, hvo pai həlii kuɔ; mąąhɔlɔɓo, kwaa lɛɛ kɛ a ku mąąkɔ̨nwɔ̨ hɛn, kuɔ nu ɓowɔɔ kɛ a ku mąąkilɛi.»

Ɉeremi 29:31

«Nuą kpɔ luwɔlaa hu, mɛ̨nįi ŋɛ̨i ɓo, diɛ, yɛ́ diɛ: ‹Mɛ̨nii Yai-Laa kaa moi a Nehelamə mun Semaya laa, ya ka, yɛ diɛ: Semaya kaa mɛ̨nįɠaa ɓoi kaa a náá, yaan, ɲą́ą́ hvəi dɔɔ la, gaa ka kili nwɔ pɛlɛ́i a lɛɛ woo.

Ɉeremi 34:16

Kɛlaa, kaa pənə kaa ka woo kala, kaa náá ɓɛlɛ too la tii. Ka kəlee káá pənə káá ka wɔ luwɔɠaai hon nwɔ̨nɔ̨; ɉinąą mąn nɛ̨ą mąn. Diɛi tii kɛ kaa ka yee ɓo diɛ, káá pənə káá di tɔ̨nɔ̨ mį́i yɛ luwɔɠaa.»

Ɉeremi 34:22

Yai-Laa yɛ diɛ: Gáá moi di pənə di pa, di pɛlɛ daai ŋɛ̨i ɓa. Di kaa pai woloi mą, di ɉon, di gələn, gáá Ɉuda taaɠaa kɛi a taa kpoloon, nu hva kɛ ɉu.»

Izikiɛ 18:27

Nu ɲɔ̨nwɔ̨ɔ̨ a bulu tinɛ̨n nwɔ túwɔ pələ ɲɔ̨n ma, yɛ tɛ̨ą da tələnmo yíi ɓo, gaa pai lɛɛi yɛnɛ̨ɛ̨;

Amɔsə 5:12

Mąąhɔlɔɓo, ɲą́ą́ Yálá, ka wɔ nwąnąlɔ túwɔ́ɠaa tii, ŋį́ gəlee kɔ́lɔn. Ka kɛ nɛ̨ŋɛ̨n damąą tii, gíli kaa gəlee hu. Nui hɔn və mą, ka káá a mąą nu ɲowo, nɔgwəi hɛn mə ka ka yee hee mu. Ka wɔ kiti tee pɛlɛ́ɠaai mu, ka hva tɛ̨ą tɛɛ yee hvowolo mun bɔ.