Izikiɛ 13:11 - Yálá laawoo hɛɓɛ (dc)

¹¹ Yili mąą mɛ̨nį ɓa, 'mo bɛlɛ́ tɛ-nuąi ti diɛ; yɛ́ diɛ: Tulɔ kɛnɛ̨ kaa pai, hanwon ɲɛ pu, ɛlɛɛ kaai ɲɛ̨́i a ɉanwon gbuɠuluɠaa ka káá pai pui, ɛlɛɛ tulɔ hvaŋą kaa pai mu həɠəi.

Yálá laawoo hɛɓɛ

¹¹ Yili mąą mɛ̨nį ɓa, 'mo bɛlɛ́ tɛ-nuąi ti diɛ; yɛ́ diɛ: Tulɔ kɛnɛ̨ kaa pai, hanwon ɲɛ pu, ɛlɛɛ kaai ɲɛ̨́i a ɉanwon gbuɠuluɠaa ka káá pai pui, ɛlɛɛ tulɔ hvaŋą kaa pai mu həɠəi.

Bible

¹¹ M̀o ŋâla-woo ƃó ƃelai ŋí ziaŋ mɛi pɛlɛ a ŋ̀wée-kolei dîa a gɛɛ dísiaŋ tí a pâi tôoi ǹɔii ma. Tuna kɛ́tɛ a pâi pûi. Sãɔɔ kɛ́tɛ a pâi pûi. Fãa kɛ́tɛ é tɛ́ɛ.”

Izikiɛ 13:11 Referans Kwoze

Izikiɛ 38:22

Gáá pai ɉu tɔɔi a ɲɔ̨n da ɲąmą; yaa mąn, da nwɔ kɔ́kulááɠaa, da nu kpulu tamąąi tii pai kɛi bɔi; ŋą́ tulɔ kɛnɛ̨ pu di mɛ̨́i, da hɔ̨n gbuɠulu, da nwɔ̨n, ɛlɛɛ, da nwɔ̨n maɠa.

Azaya 28:2

Ną́mu nwɔ kɔ́ kuláa huwalawalaai ka, gɛ pələ ə ɓo yɛ hanwon tulɔ, yɛ kɛɛ kala hvaŋą; yɛ yánwąną kulɔ tulɔ; gaa pai hɛn gəlee ɓəleen ɉii yɛ di pu lɔi ɓa,

Maafîu 7:27

Ɓɛlɔwai hvaŋą ə dɛɛ la, tulɔ ə pu, ya ə hvɛɛ, bɛlɛi tii pɔ ə kulɔ, ə pu. Ə kala kpɔ tɛ̨ɛ̨tɛ̨ɛ̨?.»

Maafîu 7:25

Hvaŋą a kɛlɛ ɉu, tulɔ ə pu, ya nwaną ə hee mą. Kɛlaa, hva mɛ̨nį ta kɛ a bɛlɛi tii. Mąąhɔlɔɓo, dɔɔi kɛ kwɛni mɛ̨i.

Nahumə 1:3

Tɛ̨ą li Yai-Laa liihvoli laa walaai, ɛlɛɛ, vaŋą kɛnɛ̨ɛ̨i, Kɛlaa, Yai-Laa hva mɛ̨nį ta lɛɛ laa hvo tɛɛ lɔ tii, a kɛ hiɛi tulɔ hvaŋą hu, yələi ə ɓo ɉuwu ɉuwu, gɔwɔ mu muluun gbala ka tii a tulɔ kpinįn.

Azaya 32:19

Kɛlaa, daa hu kaa pai kalai a hanwon gbuɠulu laa pɔɔ ɛlɛɛ, daa mąą yɛ yɛɛ kpɔ kɛnɛ̨.

Azaya 29:6

Yai-Laa Mɛ̨nį Kəlee ŋą Hééɓomun, kaa pai woloi lɔ yɛ́ kpulu, yələgbąnąą hu, lɔi kpɛlinŋąą hu, tin gɛnɛ̨ɛ hu, hvaŋą kɛnɛ̨ɛ̨ hu, a tulɔ hvaŋą kɛnɛ̨, da kɛɛ kala nwɔ̨n nən ɉu.

Azaya 25:4

Mąąhɔlɔɓo, nui ɲee hva lɔ, mąą kɔ́nwɔ̨mun maa a Yɛ́, Yɛ́ mąąwɛlimun mąą kɔ́nwɔ̨ nwɔ mɔ̨nɔ̨i hu, Ə́ ɓo a nu mąąkilɛi, tulɔ hvaŋą tɔwɔ, Ə́ kaa a nįnįn, wəleen dɔwɔ; mąąhɔlɔɓo, wea-tɔɔɓɛlaa nɔ̨ɔ̨ kaa yɛ, tulɔ hvaŋą a kɛi kɛlɛ bɛlɛ́ nwąną hu.

Mąątɛ̨nɛ̨ 32:6

Bələ ɓə kwəi kwələmun a Ə́ hvɛli la, a ɲələi ka yáá ka kwiɛn na, ə mą kɛ, yá kpɛa-kpɛaa di mąn hvɛɛ, di hva həli mą.

Mąątɛ̨nɛ̨ 11:6

'Ə nwɔ̨n ɲɛhɛ-yɛhɛ pu a tulɔ nwąnąlɔmun mɛ̨i. Nwɔ̨n, hvąŋą, da ɉigilin, yili ɓə di kpələ gbąmą hu, diɛ gbələ.

Zôo 27:21

Hvaŋą a həɠə hvóló kulɔi pələ, ə li la kwɛa la, vaŋąi ti a gulɔ ɲii pɛlɛ́ mu.

Zôo 38:22

Yá ta həli ɓɛi kwɛlɛ kpuwulu puɔ laa gee mɛ̨i, da ɓɛi hanwon gbuwulu kaa la gee mɛ̨i, ya ta naa kaa?

Izikiɛ 1:4

Ɲɛ̨́i ə lɛɛ laa, tulɔ hvaŋą ə kɛi həɠə ɲánwuɔ̨ pələ, tulɔ kpinįn ɉu wiaa da nwɔ̨n gɛnɛ̨, ɛlɛɛ, gwɛ́lɛ́ kəlee pɔ̨nɔ̨ɔ̨ kɛ a nwɔ̨n nə́n; ɛlɛɛ, nwɔ̨n tii hąą ə kɛ yɛ nwɔ̨n gbaalən gbɔluɔ tamąą da kɛi kulɔ nwɔ̨n tii hu.

Izikiɛ 13:12

Bɛlɛ́ nwąną a pa tooi, di kaa pai kɛi kaa: ɉɛn ka kɛi dɛ la ə wɔɔ?

Zôo 38:23

Diɛi ŋį́ di pɛli nuą mɔ̨nɔ̨ ɓo yələ mąą mɛ̨nį ɓa, a lamun kɔ́ yələ da kɔ́ kɔ́ yələ mąą mɛ̨nį ɓa.