Izikiɛ 11:2 - Yálá laawoo hɛɓɛ (dc)

² Yai-Laa yɛ mą́ą́: «Hulɔnu lon, nuąi da kɛ piɛn doo mɛ̨nįɠaa mąą kili teei di kwəi, diɛ mɛ̨nį ɲɔ̨n mąą nwun dɔɔ kɛ daai ŋɛ̨i hu, diɛ ka.

Yálá laawoo hɛɓɛ

² Yai-Laa yɛ mą́ą́: «Hulɔnu lon, nuąi da kɛ piɛn doo mɛ̨nįɠaa mąą kili teei di kwəi, diɛ mɛ̨nį ɲɔ̨n mąą nwun dɔɔ kɛ daai ŋɛ̨i hu, diɛ ka.

Bible

² Yâwɛɛ è mò mâ ǹyɛɛi, “Núu-kpune ǹóŋ, ǹûai ŋí ni ƃé da ŋ̀wana-lɔɔ mɛni kpɛtɛ díkɛ lia-woo nyɔ́mɔɔ kɛ̀ daa-leei ŋí su.

Izikiɛ 11:2 Referans Kwoze

Azaya 30:1

Kpalo ɓɛlaai gulɔ nwoo mu nuąi ŋɛ̨i diɛ! Yai-Laa woo li. Da kɛ kóloɠaa kɛi, kɛlaa di hva di kɛ mą́ą́ mɛ̨nį ɓa, diɛ ɓɛlan naa kɛ, ɛlɛɛ nąą wɛli hva kɛ mą́ą́, diɛ nɛ̨ŋɛ̨n diɛ̨ tii gee mɛ̨i.

Ɉeremi 5:5

Yili ɓa, gáá kani ɲɛ̨i heei nu kpɛa kpɛa diɛ, kwa diɛni ku da ɓo. Di wɛi, di Yai-Laa woo kɔ́lɔn. Di di wɔ Yálái nwɔ tɔ́nŋaai kɔ́lɔn.» Di kəlee di kaa lɔ tɔ̨nɔ̨; daa kɛ di nwun gulɔ mu, daa kɛ di yɛli tee.

Mąątɛ̨nɛ̨ 52:2

Ɓɛlɔwai Doɛgə, Edɔmə mun ə paa la Saulə pɔ, yɛ kɛ mą: «Davidə kaa Ahimelɛkə yəi bɛlɛ́n.»

Azaya 59:4

Nu ta hva kalamąɓo kɛ́, nwɔ tɛ̨ą mɛ̨nį hu, nu ta hva tɔɔ bulu laa kɛ kwəi kwələ laa hu, kpɛli kpɛli mɛ̨nį ɓə da di kilitɔɔ mą, lɛɛ mɛ̨nį ɓə da mo, da túwɔ́ pələ ɲɔ̨n mąą koo həɠə, di di laa yɛɛ a kɛɛ kalaa.

Ɉeremi 18:18

Nuą di kɛ laa diɛ kɛ diɛ: «Ka gu gilima həɠə Ɉeremi ɓa, gu hvo pai hvɛɠɛi a gu mąą kwɛli mun, a gu liɛwoo ɓomun, a Yálá kwəi mɛ̨nį hukulɔ mun. Ka gwəli gu mɛlɛtoo a naa kala pələ, gu hvo gu wəli tɔɔ nwoo ɓa.»

Mąątɛ̨nɛ̨ 36:4

Kɛɛ kala mɛ̨nį da nu ɓowo mɛ̨nį lɔ ɓə gaa na, mɛ̨nį lɛlɛɛ kɛ kili hvo mą.

Izikiɛ 7:26

Kɛɛ lɔ ɓə pai kɛi kalai diɛ, wɛlɛɛ ɲɔ̨nwɔ̨ɔ̨ lɔ ɓə pai kɛi həlii diɛ; di ka mɛ̨nį kwɛlii Yálá kwəi mɛ̨nį hukulɔ mun na, ɉaláá laa həli mun və kɛa pai kɛi kalan gɛi diɛ, galanɉonŋaa di hva kɛa nwun dɔɔ kɛ.

Nahumə 1:11

Nui kiliŋąhiɛ ɲɔ̨nwɔ̨ɔ̨ kaa mą yɛ hvilɛn Yai-Laa ɓa, aa kulɔ ə pɔɔli, Ninivə, yai tii mɛ̨nį ɲɔ̨nwɔ̨ɔ̨ kɛ kiliŋąhiɛ lɔ ɓə gaa mąi.

Mąątɛ̨nɛ̨ 36:5

A kɛ ɲəi gbin ɲą, mɛ̨nį ɲɔ̨n nɔ ɓə gɛ gili a too gwəi, ganąnŋąą pələ ɲɔ̨nwɔ̨ɔ̨ ɓa a wəlii kpɔlɔlaa; hva gɛ hvo ɲee kulɔ mɛ̨nį ɲɔ̨n ɉu.