Izikiɛ 11:13 - Yálá laawoo hɛɓɛ (dc)

¹³ Gɛ́ɛ́ Yálá kwəi mɛ̨nį ɓoi, Benaya lon Pelatiahu mukulaa ɓaa Yálá nwɔ nu nwun mąąɓoɔ, yili ə haa. Ŋą́ too nɔi ɓa níí ɓa, ŋą́ tomą, gɛ ma: «Ee kə Ną́mu Yálá, ə́ kaa bɔ ə́ Israɛlə nu gbəli paa li?»

Yálá laawoo hɛɓɛ

¹³ Gɛ́ɛ́ Yálá kwəi mɛ̨nį ɓoi, Benaya lon Pelatiahu mukulaa ɓaa Yálá nwɔ nu nwun mąąɓoɔ, yili ə haa. Ŋą́ too nɔi ɓa níí ɓa, ŋą́ tomą, gɛ ma: «Ee kə Ną́mu Yálá, ə́ kaa bɔ ə́ Israɛlə nu gbəli paa li?»

Bible

¹³ Tãi ŋá kɛ̀ ŋâla-wooi ŋí ƃôi lai, Benaya ǹóŋ Pelatia è tòo é sáa. Nya ƃe ŋáŋuŋ ma pìlaŋ ǹɔii mâ ŋá láɣi ńyɛ̂ɛi, “Óo Ŋ́wala-wala kélee Ɣâlai, ya pâi ǹɛɛ̂i naa diai da lɛɛ ŋ̀ele mai Eezuɛi díkelee dísaa?”

Izikiɛ 11:13 Referans Kwoze

Izikiɛ 11:1

Yálá nwɔ Kilii ə gbə́ŋə, ə li a ɲą́ą́ Yálá hee pɛlɛ́ gbon yii tii vóló kulɔi pələ, naaləi. Ŋą́ hinąą pow hveelɛ kɔ́w lɔɔli kaa bɛlɛ́ laaləi kwɛlɛ, ŋą́ Azurə lon Yaazania da Benayahu lon Pelatiahu, diɛi kɛ a nuą ɲɛ̨itɔwɔ nuą hveelɛ.

Izikiɛ 9:8

Di kɛi baa ɓo kɛi, ŋą́ kɛ dɔ̨nɔ̨ kan ɉu; ŋą́ pɛlɛ níí ɓa, ŋą́ tomą, gɛ́ diɛ: «Ee kə Ną́mu Yálá! Yɛ́ mɔ̨ɔ̨ ə́ Israɛlə nuą gbəli paa a ni holii ŋɛ̨i ə́ kaa ɉeei Ɉerusalɛmə ɓai?»

Gɛlaɠaa 5:5

Nwooɠaa ti mɛ̨n Ananiasə ə mo, ə too, ə haa. Nuą kpɔ mɛ̨nįi ti mɛ̨n, ɲɔw kɛnɛ̨ ə too di hu.

Gɛlaɠaa 13:11

Yiihu kɛa, Ną́mu Yálá yee kaa ə́ mɛ̨i, ə́ ɲɛ̨i pu hiɛ ka, ɛlɛɛ, yíikuu hveelɛ yee mu, hvó kɛa pai hvóló kaai. Ɲąąɓa, Elimasə ɲɛ̨i ə nɛɛmą ə pu; yɛ tínɛ̨n, yɛ nu kwɛli mą, əgɛ, ə dənən dɔɔ.

Gɛlaɠaa 5:10

Ɲąąɓa, nɛ̨ɛ̨nui ti ə too Piɛrə kɔ́wɔ mu, ə haa. Ɓɛlɔwai ɉilɛlɛai di paa la, di gaa aa haa; di ɉəɠə dəli la, di noo ɉilɛ kwɛlɛ.

Amɔsə 7:5

Ŋą́ mo Yálá ɓa, gɛ́ mą: «Ną́mu Yálá! Ŋą́ą́ ə́ hu hon, nɛɛ yɛ́, akɛ ya wala gɛ, ə́ wɔ nu kpulu logoloi ŋɛ̨i hvo pai lɛɛi yɛnɛ̨ɛ̨.»

Amɔsə 7:2

Ɓɛlɔwai beeleɠaa tii di gala tiliin gəlee mįi la nɔi mɛ̨i, ŋį́ mo Yálá ɓa, gɛ́ mą: «Ną́mu Yálá! Nɛ̨ɛ̨ yɛ́, ə́ wɔ nuąi mąąhvaalɛɛ. Akɛti Ɉakɔbə huwuhu nuą ŋɛ̨i di hvo tamą li, di kɛɛ lɔ pai lɛɛi yɛnɛ̨ɛ̨ lɔ li?»

Osia 6:5

Yili ɓə gɛ, gɛ́ di kɛlɛ a gwə́i mɛ̨nį hu kulɔ nuą woo, gɛ́ di hu kala a wooɠaai da kulɔ ná. Nwɔ́ kiti wooi kaa pai kulɔi yɛ kɛɛ pɔ̨nɔ̨.

Izikiɛ 37:7

Bələi di dí la, ŋą́ gɛ tii. Ɓɛlɔwai ŋą́ kɛi Yálá kwəi mɛ̨nį hukulɔ la, woo ta ə tɔɔ, da tín gɛnɛ̨ ta, nu kɔ́wɠaai tii, di lɛɠɛ di kee ɓa,

Hanwon 6:15

Yili mąą mɛ̨nį ɓa, gaa pai tooi lɔ tii kpulun, doo pələ kaa pai ɲɔ̨nwɔi, ɉu a yali ɉali hva kɛ.

Mąątɛ̨nɛ̨ 119:120

Ŋą́ kɛ ə́ ɲɛ̨i ɓa, ɉúwɔ hu a kpɛlin, gɛ́ ɲɔ́w ə́ wɔ kiti wooɠaa diɛ.

Mąątɛ̨nɛ̨ 106:23

Ə di hu kala mɛ̨nį, mąą kili tee gwəi, Kɛlaa, niiɓamun, Moisə ə kpɛ̨ąn mɛ̨nįi ti tɔwɔ, ə nwɔ kɛɛ kala líiholii hvoló nuą diɛ.

Tɔɔɓɛlaa dɔlɔɔ 13:4

Mɛ̨nįɠaa tii Yálá nwɔ nu ə mo a nwoo kɛnɛ̨, yɛ hvilɛn na Betɛlə ɉaláá kulɔi ɓa, tɔɔmun Ɉeroboamə ə mɛ̨n nɔ, ɲee tii kɛ ɉaláá kulɔ taɓali ɓa, ə ɉaŋą, yɛ diɛ: «Ka ɉon!» Ɲee ə lɛɛ a ɉaŋąą tii, ə kpala mą, hvo kɛa pɛli nɛɠɛi mą.

Dutɛrɔnome 7:4

Mąąhɔlɔɓo, da ləi di nwun dinɛ̨n, di wɔ haliɠaa pɔ pələ; di di pulu tɔɔ Mą́ą́, yili a kɛ tii a Ɲą́ą́ Yai-Laa nwɔ́ liiholi muhəɠə ka pɔ, yɛ ka nwun na pili.

Izikiɛ 7:2

«Yɛ́, hulɔnu lon, ə́ wəli tɔɔ, mɛ̨nįi Mɛ̨nį kəlee ŋą Hééɓomun Yálá kaa moi yɛ hvilɛn na Israɛlə lɔi ɓa, ya ka: mɛ̨nį kəlee kpɛɛ li; nɔi hu mɛ̨nį kəlee aa həli gbɛlai ɓa.

Izikiɛ 11:14

Yai-Laa yɛ mą́ą́:

Izikiɛ 20:17

Kɛlaa, ŋą́ di ɲɛ̨imąąwɛli kaa, və́ tí və́ di hukala. Və́ di paa nɔi pun ɉu.