Izikiɛ 1:8 - Yálá laawoo hɛɓɛ (dc)

⁸ Nu yeeɠaa di kɛ di koonŋaa mu, di tinɛ̨n ŋąąi kɛ nu ɲɛ̨ilai heei nąąn ma pələ, ə mą kɛ di ɲɛ̨ilai da di koonŋaa, gəlee nąąn kɛ pələ ə kɛ lɔ tii.

Yálá laawoo hɛɓɛ

⁸ Nu yeeɠaa di kɛ di koonŋaa mu, di tinɛ̨n ŋąąi kɛ nu ɲɛ̨ilai heei nąąn ma pələ, ə mą kɛ di ɲɛ̨ilai da di koonŋaa, gəlee nąąn kɛ pələ ə kɛ lɔ tii.

Bible

⁸ Díkoôŋ ǹaaŋɔɔ mu, díyee è kɛ̀ naa tɛi-tɛ́i gɛɛ yɛ̂ɛ núu yêe. Ǹyaŋ díkelee díŋɛi da díkoôŋ è kɛ̀ dîa náaŋ-nàaŋ.

Izikiɛ 1:8 Referans Kwoze

Izikiɛ 10:21

Mąąkpɛ malaka nąąn ə tɛɛ, di ɲɛ̨ilai ə ɓo nąąn; di koon ə ɓo nąąn, di koonŋąą mu pələ, nu yee kulɔ mąą ə kɛ laa.

Izikiɛ 10:18

Yai-La nwɔ mąąwiɛ ə muhəɠə Yálá hee pɛlɛ́ laaləi, ə tɛ ɲələi pələ ə tɔɔ mąąkpɛ malakaɠaa nwun mɛ̨i.

Izikiɛ 10:11

Da kɛi kɛ hiɛ, di kɛi li nu ɲɛ̨i heei nąąn hu pələ; di hvo kɛi di pulu kaa, kɛlaa di kɛi li ɓɛ pələi di nwun dinɛn ŋąą kɛ la, di hvo kɛi di pulu kaa.

Izikiɛ 10:2

Yálá ə mo ɉəɠə kwəlɛɛ Nąmu ɓa, yɛ mą: «'Li, nwotoloɠaai ŋɛ̨i mąąkpɛ malakaɠaa mu di lɔwai, ə́ ə́ yee hvɛɛ laa nwɔ̨n dəŋa hu; ə́ daɠa-taɠa daa mɛ̨i.» Ɉulɔnui tii ə lɔ laa, gɛ́ gaa.

Izikiɛ 8:3

Ə hɛn da hąŋąn yɛ nu yee, ə ɉón a nwún nɛɠa; yili pulu, Yálá nwɔ Kilii ə gbə́ŋə, ə tɛ a ɲą́ą́ yələkɔ́lɔn da lɔi di lɔwai, ə li a ɲą́ą́ Ɉerusalɛmə, bɛlɛ́ laaləii ti naa a ɓo ɉu pələ, ŋą́ kɛ Yálá yee kɔ́nma, gɛ́ gɛɛ ti kaa, ɲɛ̨i həɛ ɲánwuɔ̨ pələ; nąą ɓə doló kulɔ hɛn mąąnįnįn gaa laa; a ɉɛn mąąnįnįn ti a tóló tɛ nu hui.

Izikiɛ 1:17

Da kɛi hiɛ, di kɛi li nu ɲɛ̨ilai nąąn ɉu pələ, di hvo kɛi yali di pulu di wɔ hiɛi tii hu.

Azaya 6:6

Malakaɠaai tii tɔ̨nɔ̨ ə koon, yɛ pa bɔ́ pələ, nwɔ̨n dəŋą ə ɓo ɲee ŋą, aa ɉəɠə a gbeą ɉaláá kulɔi,