Izikiɛ 1:16 - Yálá laawoo hɛɓɛ (dc)

¹⁶ Ɉɛn gɔwɔ kiliɠilin gɛɛɠaa tii kɛ pələ ka, da di pɛli pələ: Di kɛi lən yɛ Kúwɔ́-kwɛni, ɛlɛɛ, di kɛ pələ ə kɛ lɔ tanɔ̨n. Di kɛ pələ ka tii; di tɔɔ pələ nwɛi, di pili-pilɛɛ kɛ di kee hu.

Yálá laawoo hɛɓɛ

¹⁶ Ɉɛn gɔwɔ kiliɠilin gɛɛɠaa tii kɛ pələ ka, da di pɛli pələ: Di kɛi lən yɛ Kúwɔ́-kwɛni, ɛlɛɛ, di kɛ pələ ə kɛ lɔ tanɔ̨n. Di kɛ pələ ka tii; di tɔɔ pələ nwɛi, di pili-pilɛɛ kɛ di kee hu.

Bible

¹⁶ Gáraŋ-ŋai díkɛ̀ kpɔ́ fôloi díkpãle kɛ́ tàa yɛ̂ɛ ŋɔŋ-kpã̂le. Díkelee kpɔ́ díkpɛtɛ pêre è kɛ̀ nɔ́ a zîi tɔnɔ. Gáraŋ-ŋai ŋí zoláŋ-ŋa díkɛ̀ zu.

Izikiɛ 1:16 Referans Kwoze

Danîa 10:6

Gɔlɔ ɓa yɛ lən gbɔ yɛ kwɛni kwɛlɛɛ, ɲɛ̨ilaai yɛ lən yɛ malamala a gɛ, ɲɛ̨ikɔw yɛ ɓo yɛ kpalan nən, gɔwɔ da ɲeeɠaa yɛ kpɔlu yɛ da ɓala kwɛli pu. A kɛi hvaa, yɛ ɓo yɛ nu kpulu hvaa woo.

Ifisiɛŋ 3:10

Bələ ɓə, ə həɠəla yiihu ɓa, ɲąąwooɓo laa da huwalawala laai yələkɔlɔn ɉu pələ, Yálá ŋą kpɔn háálai ɓə, da Yálá ŋą kilikɛɲəi tamąąi tii gbaɠa la gɔlɔn naa.

Lomaŋ 11:33

Ee Yálá nwɔ yəi kɛnɛ̨laa kpon ɉu kwɛaa ɓə-e! Nwɔ kili da nwɔ mɛ̨nį kɔ́lɔn ŋąą hu kɛnɛ̨ɛ̨ ɓə! Nu kili hva pɛli nwɔ mɛ̨nį hutɔɔ pələ kpaɠala kaai! Nwɔ pələi hukpinįɛi!

Mąątɛ̨nɛ̨ 40:5

Nwun nąnɛ̨ɛ̨mun maa nui a gilitɔɔ Yai-Laa ɓa, yai hva too huɲąŋą kɛnɛ̨ nuą pɔ; da nuąi lɛɛ mɛ̨nį aa di nwun ɉu lan.

Mąątɛ̨nɛ̨ 36:6

Yai-Laa, ə́ wɔ wɛlikɛmąąlaa kaa yələkɔlɔn ɉu, yɛ́ kulɔ nwoo ɓa laa, yɛ həli kpɔ tulɔ kpinįnŋaa diɛ.

Zôo 9:10

Ya ɓə hɛn gbɛa-gbɛaɠaa pɛli, yii nu kili hva gbaɠala kaa, nwɔ kpalo mɛ̨nįɠaai a gɛ, nu hva pɛli gəlee kwɛdɛn ɉii.

Lɛɛ gbɔwɔ ɓa 39:13

Ɲɛli nąąn nąą, di krisolitə, bərilə, da onisə kwɛniɠaa pɛlɛ mą, gwɛni tɛi-tɛiɠaa kəlee mąą tínɛ̨nŋąą a hɛni.

Wɛli 5:14

Ɲee miliin gaa yɛ hɛni kwɛli a kɛ nu yee ɓa. Mąą puɔ a yái kwɛni kwɛlɛɛ. Gbini yɛ kpɔlu yɛ hə́lə́ ɲin, daa safirə kwɛni pɛlɛ gɔlɔ ɓa.

Tɔɔɓɛlaa dɔlɔɔ 7:33

Gɔwɔɠaa di kɛ yɛ wotolo kɔ́wɔ, gəlee pɛliɛ a ɓala kwɛli.

Danîa 7:9

Ɲɛ́i ə lɛɛ lɔ laa, di tɔɔ kpəlinŋaa hvilɛn, hulɔgolo pɔlɔ-pɔlɔ. Ta ə pa ə hee ɉu. Ɉulɔgoloi tii mąą həɠə kwəlɛɛ kɛ yɛ wee kwələ, nwun nəɠa yɛ ɓo yɛ yee hunwɔ. Nwɔ tɔɔ kpəlin yɛ ɓo yɛ nwɔ̨n nən. Gɔwɔɠaa diɛ ɓo yɛ nwɔ̨n dəŋą.