Ikilisiati 9:9 - Yálá laawoo hɛɓɛ (dc)

⁹ Ə́ wɔ yɛnɛ̨ɛ̨ ɲąąnɛ̨ɛ̨ kulɔ ká ə́ wɛlikɛmąą nɛ̨ą, ɲíi kuu kpuɔ lon ŋɛ̨i Yálá aa dɛɛ ə́ pɔ, ɉu. Yili lɔ ɓə gaa a mɔ̨nɔ̨i ə́ kaa mįi ɓɛ lɔi mɛ̨i, dɔlɔ.

Yálá laawoo hɛɓɛ

⁹ Ə́ wɔ yɛnɛ̨ɛ̨ ɲąąnɛ̨ɛ̨ kulɔ ká ə́ wɛlikɛmąą nɛ̨ą, ɲíi kuu kpuɔ lon ŋɛ̨i Yálá aa dɛɛ ə́ pɔ, ɉu. Yili lɔ ɓə gaa a mɔ̨nɔ̨i ə́ kaa mįi ɓɛ lɔi mɛ̨i, dɔlɔ.

Bible

⁹ Ka ínɛnîi ka káɣeniɛi ŋãa-nɛ̃ɛ kula gîe ma tãi nɔ́ kákaa la ɣele ma tãi kpuai ŋí su Ɣâla a dɛ̀ɛ kápɔi. Ŋ̀éniɛi ŋí su mɛni-ŋai kélee díkaa nɔ́ kpɛ́ni-kpɛni. Nyíŋi nɔ́ ƃé ǹɛ̂lɛɛi ká gɛ́ kámɔ̃lɛi pôlu ma.

Ikilisiati 9:9 Referans Kwoze

Ikilisiati 2:10

Hɛn kpɔ ɲɛ̨́i kɔ́w ə kɛ bɔ ə gaa, ŋą́ gəlee lɛ mą. Mɛ̨nį ɲąąnɛ̨ɛ̨ ta hvo kɛ laa, yii və́ da kɛ. Kólói kpɔ ŋą́ gɛ, ŋą́ gəlee tɔlɔ hɔlɔɓo. Yii mąąnɛ̨ɛ̨ kɛ ŋą́ nííɓa kɛ ɉu, ŋą́ yili kəlee kɛ.

Malasi 2:15

Kɛlɛi, Yálá ɓə ka nɛ̨ɛ̨nui tii ka kɛ a nu tɔ̨nɔ̨, ə ka kɔ́lɔ da ka lii pɛlɛ gee ɓa-ee? Gɛ ɉu tɔ̨nɔ̨ laa tii, lə ɓə gaa bɔ? Kɛlɛi, gaa bɔ Yálá ə lon dɛɛ bɔ-ee? 'Ka ká kpɔwɔ mɛ̨i kaa, nɛ̨ɛ̨nui ŋɛ̨i ka ɉəɠə a ka hulɔnon ɲələ, ka hvo gbɛ.

Ikilisiati 6:12

Yɛ bələi nu yii hvóló hu hvo kwɛa li li la, yii nɛlɛɛ nu lonnii mąą mɛ̨nį ɓa, gbɛɛ ɓə a pɛli nɛi diɛ, ɲíi kuu kpuɔ lon ŋɛ̨i yee mu? Nu hva pɛli ɉaa pulu mɛ̨nį kaai.

Ikilisiati 3:13

Nu a kɔ̨nɔ̨n ɉɔlɔɓo yɛ mįi, yɛ gbələ, yɛ ɲąąnɛ̨ɛ̨ kulɔ gɛ kóló hu, yili kaa a Yálá yəi mɛ̨inɛ̨ɛ̨.

Ikilisiati 7:15

Ɲíi kuu kpuɔ lon ŋɛ̨i ŋą́ gɛ lɔi mɛ̨i, yii ŋį́ gílí lɛɛ ɉu, ya ɓaa: mɛ̨nį kəlee da pɛli kɛi. Nu haŋąą a tee kpə, bələi mąn ɉaŋąąi la. Nwąnąlɔmun yɛ lamun yɛnɛ̨ɛ̨, bələi mąn nwąnąlɔi la.

Ikilisiati 5:18

Yili pulu, Yálá a hɛn gɔw da yee la hvólón dɛɛ nu pɔ, mąą nu yɛ pɛli gɛ kóló dɔlɔ kulɔi, yili kaa a Yálá yəi mɛ̨inɛ̨ɛ̨.

Ikilisiati 3:22

Yili ɓa, yii ŋą́ gaa ya ka: Yii lɔ nɛlɛɛ nu lonnii diɛ, ya ɓaa: Di di ɲąąnɛ̨ɛ̨ kulɔ di kɛ kóló hu. Yii lɔ mąąnɛ̨ɛ̨ ə gwəinɛ̨ɛ̨ ɉu, yaa lɔ li. Mąąhɔlɔɓo, mɛ̨nįi pai tɛɛi nu haa pulu, hva lɛɛ heeni hvo gaa!

Ikilisiati 2:24

Mɛ̨nį ɲąąnɛ̨ɛ̨i lɔ gaa nu yəi, ya ɓaa: Ə kɔ̨nɔ̨n mįi, ə gbələ, ɛlɛɛ, ə gwəinɛ̨ɛ̨ kɛ kóló dɔlɔ hu. Ŋą́ gaa gɛ́ diɛ Yálá ɓə a nu kɔ́ a yili.

Hanwon 19:14

Pɛlɛ́, hɛn gɔw, nu a pɛli ə ɉɔlɔɓo a nu nąn gwɛlin. Kɛlaa, kilimąą nɛ̨ɛ̨nu kaa a Yai-Laa yəi mɛ̨inɛ̨ɛ̨.

Hanwon 18:22

Nui a nɛ̨ɛ̨nu lɛlɛɛ hɔlɔɓo, aa nwun na nɛ̨ɛ̨ hɔlɔɓo, Yai-Laa yəi mɛ̨inɛ̨ɛ̨ ta li.

Mąątɛ̨nɛ̨ 144:4

Nu kaa lɔ yɛ hvaŋą, nwɔ yɛnɛ̨ɛ̨ ə ɓo yɛ nįnįn a tɛɛ.

Mąątɛ̨nɛ̨ 39:5

Yai-Laa, nwɔ́ yɛnɛ̨ɛ̨ kpɛɛ yələ lɛ mą́ą́, hvóló yɛli ɓə kɛa aa lɛɛ ɲə́i, bələi və́ la a lamun ɉɛn, gɛ́ pɛli gbaɠala kaai. Ɲíikuu woloi aa lɛɛ ɲə́i, gɛ́ pɛli gɔlɔn ɉi.

Zɛnɛse 26:8

Yii kɛa di lɔwai tamąą kɛ nɔi tii hu, hvóló ta, Abimelɛkə Filisti nuą di wɔ tɔɔmun, ə ɲɛ̨i hee vinɛtɛlɛ la, ə Isaakə kaa da Rebeka diɛ pələ kɛ.