Ikilisiati 9:5 - Yálá laawoo hɛɓɛ (dc)

⁵ Nuąi di kaa a di hvulú, di kili kaa ɉu diɛ: di kaa pai haai. Kɛlaa, nuąi daa haa, di hvo haa ŋą mɔ̨nɔ̨ kɔ́lɔn. Mąąhɔlɔɓo, daa li lɛ̨ąmąątaa.

Yálá laawoo hɛɓɛ

⁵ Nuąi di kaa a di hvulú, di kili kaa ɉu diɛ: di kaa pai haai. Kɛlaa, nuąi daa haa, di hvo haa ŋą mɔ̨nɔ̨ kɔ́lɔn. Mąąhɔlɔɓo, daa li lɛ̨ąmąątaa.

Bible

⁵ Diai ɣele mai, dí gɔ́lɔŋ da pâi saâi. Kɛ́lɛ zaa-ƃelai dífe mɛni da kɔ́lɔŋ é pîlaŋ díkpîŋ ma. Fela-fei da fé naa dímɛni ma. Núu da fa ŋɔ́nɔ é pîlaŋ dîa.

Ikilisiati 9:5 Referans Kwoze

Azaya 26:14

Haa nuą di hva yali di pulu di hvo pa, nuąi di wɔ yɛnɛ̨ɛ̨ aa kpɛɛ, di hva kɛa di muhəɠə, mąąhɔlɔɓo, Yáá di hutɔɔ, Yáá di hukala, Yáá di laa kəlee kulɔ yɛnɛ̨ɛ̨.

Ikilisiati 1:11

Kɛlaa, mɛ̨nįɠaai wɔlɔ gu kalaɓɔlɔni di kɛi gɛ, gwaa lɛ̨ą yiliɠaai diɛ. Nuą nwɔ̨nɔ̨ pai di muhəɠəi pulu ɓa, di pulu nuą di hvo pai di kili lɛɛi di tɔ́wɔ́ pələ hu.

Mąątɛ̨nɛ̨ 6:5

Yai-Laa, 'pənə ə́ pa, ə́ nį́į́ kulɔ mɛ̨nįi, 'málo, mąąhɔlɔɓo, yá kulɔ ə́ woo ɓa.

Hebreu 9:27

Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.

Zôo 14:21

Mąąwiɛ ə mą kɛa kɛ nonnii diɛ, hvo gbaɠala kɔ́lɔn, yagalan a hvə diɛ, gbaɠala hvo mą.

Ikilisiati 2:16

Mɛ̨nįɠaai daa tɛɛ ɓɛ yələkɔlɔn mu, ɉu hva kpɛli kwɛa nuą daa mąn lɛ̨ą mą, kilimąą mun gili hva lɛɛ nuą ɲą. Kilimąą mun da kilikpɛɛgwəi mun da haa, nuą di hva kɛa di kiliŋąhiɛ nu heei hveelɛi tii diɛ; lə ɓə a yili kɛ tii-yoo?

Mąątɛ̨nɛ̨ 109:15

Gəlee di nąą kili ə kɛ lɔ Yai-Laa ŋą a yələ kəlee mɛ̨nį, di laa kəlee hu ə pu ɓɛ yɛnɛ̨ɛ̨.

Ikilisiati 8:10

Ŋą́ą́ nwąnąlɔ nuą kaa, diɛ di haa kuu kɛ! Yaamun, nuą tii, di kɛi lɔ Yálá hee pɛlɛ́ mu, ya ka tii daa lɛ̨ą di túwɔ́ pələ ɓa. Yili kaa nwɔ̨nɔ̨ a kpɛli-kpɛli.

Azaya 63:16

Yii mą: Ku Nąn mąą a yɛ́, Abrahamə nwɛi, yii mą, hvo ku kɔ́lɔn, Israɛlə yaa kpɛlimąn, hvo kpɛli ku kɔ́lɔn, Yɛ́, Yai-Laa, Yɛ́ lɔ ɓaa a ku Nąn, Ə́ laai yɛ́ a yələ kəlee, ya ɓaa, ku Nwun mąąɓomun.

Ikilisiati 7:2

Pɛlɛ́i di kaa haa wɔlɔ ɓoi mu, nu liɛ laa hviɛlaɓoɔi, ə tɛɛ, pɛlɛ́i di kaa kulɔ-yɛnɛ̨ɛ̨ kɛi mu, ma. Mąąhɔlɔɓo nu kəlee ɲąąkpɛɛi ɓaa haa, viɛlaɓoɔi nu kəlee di di gili lɛɛ ɉu.

Zôo 30:23

Gílí kaa ɉu, gɛ́, ə́ kaa lii a ɲą́ą́ haa pɔ pələ, yii nu huwu kəlee kaa mąąkpɔn ɉii.

Ikilisiati 9:4

Kɛlɛi, nui gaa yɛnɛ̨ɛ̨, yaa lɔ ɓə kiliŋąhiɛ kaa mą-ee! Yilɛ hvulú hviɛlaɓoɔi yala powa ɓa.

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Samia Veerɛi 14:14

A kɛ tii gu kaa mɔ̨ɔ̨ pai haai a hvoló tɔ̨nɔ̨, yɛ yai daa bu lɔi ɓa hva pɛli kɛa yɛɠɛi. Kɛlaa, Yálá hva giliŋąhiɛ a ɲɔ̨nwɔ̨ɔ̨ nu ɓa, ə lɛɛ, aa gɛ pələ kwɛli mą, nui di gbɛ, mąą hvo kwɛa ma a mɔlɔɔ.

Mąątɛ̨nɛ̨ 88:13

Ə́ wɔ kpalu mɛ̨nį a pɛli mɔ̨ɔ̨ kɔ́lɔn ɉi kpinį hu? Ə́ wɔ tələnmolaa a pɛli mɔ̨ɔ̨ kɔ́lɔn ɉi lɛ̨ąmąą taa?

Lukə 20:32

Yili pulu, nɛ̨ɛ̨nui yaa kpɛli ə haa.