Ikilisiati 9:10 - Yálá laawoo hɛɓɛ (dc)

¹⁰ Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Yálá laawoo hɛɓɛ

¹⁰ Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Bible

¹⁰ M̀ɛnii kélee ya pɔ̂ri gɛ̂i, gɛ́ a íwala-walai kélee, kpɛ́ni fêi, núu a sàa, pɔri mâa da fa ŋɔ́nɔ kɛ̀ ǹyêei a gɛɛ é mɛni da kɛ́. Va ŋɔ́nɔ pɔri tíi da kɛ̂i, é mɛni kpɛtɛɛ da kɛ́, é kili ŋa-pono sɔlɔ ƃó mɛni da su kpaa máŋ é táre da maa kɔ́ri.

Ikilisiati 9:10 Referans Kwoze

Kolosə 3:23

Kóló huwui lɔpee da naa káá, 'ká gɛ a liinɛ̨ɛ̨ gwəi laa, yɛ ká kɛi gɛ gu Ną́mu ɓa, 'ká hvo ká kiliŋąhiɛ nu ɓa.

Ifisiɛŋ 5:16

diɛi, da yiihu yɛnɛ̨ɛ̨ ŋɛ̨i dɔlɔ hɔlɔɓo, mąąhɔlɔɓo hvóló ɲɔ̨nwɔ̨ɔ̨ɠaa kaa hɔɔi gu mɛ̨i

Lomaŋ 12:11

'Ká hvo hviɲɛ kulɔ, ka kólo kɛ a hvaŋą lɔ laa, ka tí gu Nąmu ɓa ka kwəi tɔ̨nɔ̨ mɛ̨i.

Mąątɛ̨nɛ̨ 6:5

Yai-Laa, 'pənə ə́ pa, ə́ nį́į́ kulɔ mɛ̨nįi, 'málo, mąąhɔlɔɓo, yá kulɔ ə́ woo ɓa.

Korɛntə dɔlɔɔ 9:24

Ká hvo gɔlɔn káá, nuąi da kɛ hɛn da mąą gilɛ həɠəi, di kəlee da gilɛ həɠə, kɛlaa, nu tɔ̨nɔ̨ lɔ ɓə a ɉɛn tii hɔlɔɓo? 'Ká gilɛ həɠə kan, káá pɛli ká wɔ gilɛi mąą hvɛla hɔlɔɓo.

Ikilisiati 11:6

Yili ɓa, 'humó a ə́ wɔ hihɛn ɉiɛ, ə həɠə yələ wala pɔ ɓa, ə həli la yələ wulii ɓa, hvo kpɛla mą. Mąąhɔlɔɓo, ə́ kɛ kólóɠaai tii lɔwai, yii pai kɛi a nɛlɛɛ hvo gɔlɔn, ɛlɛɛ, akɛ gəlee ɓə tɔ̨nɔ̨ kaa pai kɛi ɉu, hvó gɔlɔn.

Ɉeremi 29:13

Ka gwɛ́li pai kɛi, ka gáá, ka gwɛ́li kpɔ a ka lii kəlee.

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Korɛntə dɔlɔɔ 15:10

Kɛlaa, laai kələi gáá ɉu ŋɛ̨i, Yálá ŋą mɛ̨inɛ̨ɛ̨ halai li; ɛlɛɛ, ŋą mɛ̨inɛ̨ɛ̨ tii ə gɛ mą́ą́, hvo lɛɛ li a kpɛli. Kɛlaa yaamun, ŋą́ą́ kólo kɛ aa tɛɛ gɛlaɠaa kəlee diɛ, ɲą́ą́ hvə li, Yálá ŋą mɛ̨inɛ̨ɛ̨i gaa ɲə́i, ya ɓə.

Korɛntə dɔlɔɔ 9:26

Yili ɓə gɛi, gilɛi gáá ɉəɠəi, və́ gɛi nwún ɉu kun ma, ŋą́ ɲéé pili, vá bili kpɛli-kpɛli.

Ɉaan 9:4

Yii kɛɛ ponoɔ̨ ni, nui ŋɛ̨i dɔ́ɔ́, hvo kɛli gu yee ə kɛ nwɔ kolóɠaai diɛ. Kpini kaa pai pɛlɛi, nu ta hva pɛli kólo kɛi.

Ɉaan 4:34

Jesus ə mo diɛ yɛ diɛ: «Gɔ́nɔ́n mąą: Yálá ŋɛ̨i dɔ́ɔ́ ŋį́ niiɓa kɛ, ə lɛɛ, gólói ŋɛ̨i ə dɛɛ bɔ́, ŋą gɛ ŋį́ naa kulɔ.

Ikilisiati 11:3

Tulɔ kpinįn ɲa a kɛ mą, ya ɓə a tulɔ pu. Wulu a too, ə too ɉɛgɛɛ pələ, ə too yánwuɔ̨ pələ, yii mą a tɛ̨ą, ya ɓaa: ɓɛi kɛa a laa la, hva kɛa tinɛ̨n gbɔwɔ ɓa.

Nehemi 4:2

Di kəlee di woo ə laa mą, diɛ pa kɔ́ pɛlɛi Ɉerusalɛmə ɓa, ə gə, di mąą mɛ̨nį hukala.

Nehemi 4:6

Ɉuifəɠaai kɛ di kwɛlɛ, di kɛi pa diɛ mo ku wɔ gee mɛ̨i pow-lee-pow; diɛ kɛ ku wɔ, di kaa pai woloi guɔ, diɛ həɠə gu kwɛlɛ nąą kəlee.

Kɔlɔnikɔ Maa-ŋuŋ 22:19

Akɛtii kani, ka ká kili, da ka wɔɔ yɛnɛ̨ɛ̨ kɛ a Yai-Laa ka wɔɔ Yálái kwɛliɛ. 'Ka ká muhəɠə, ka Yai-Laa Heeɓo kəlee Nąmu nwɔ pɛlɛ́i tɔɔ, əgɛ, ka pa a Yai-Laa nwɔ mįnɛ̨ Kəhii, ka ɉee mu, da Yálá kɔ́ hɛn ɲąŋąɠaa, ka ɉee nwɔɔ pɛlɛ́i mu, yaai ka dɔɔ Yai-Laa laa ɓa.»

Korɛntə dɔlɔɔ 16:10

Timote a pa laa, ka ká yee hee mu a nɛlɛɛ, mąąhɔlɔɓo, kwa yaa ɓə ku kaa Ną́mu nwɔ kólói ɓa kuɔ gɛ.

Nehemi 2:12

Yili pulu, kwii hąą, ŋį́ muhəɠə kwa hinąą taɠaa, kɛlaa, mɛ̨nį nwɔ Yálá aa kɛ doo giliŋa ə gə, ŋį́ gɛ Ɉerusalɛmə mąą mɛ̨nį hu, hvo mo nu ta ɓa. Hoo takpɛli hvo kɛ bɔ́, hvo kɛ li yii tii ŋį́ kɛ mɛ̨i.

Kɔlɔnikɔ Maa-ŋuŋ 28:20

Davidə yɛ nwɔ̨nɔ̨ non Salomɔn ɓa: «'Gɛ a hulɔnu laa, 'ə́ ə́ liikpələ! 'Hvó ɲɔw, ə́ mąą hvo kpɛlin! Yai-Laa ə́ nwɔ́ Yálái kaa ə́ pɔ. Hvo pai gili kulɔi ə́ hu, va ɲee ɓo yɛ́, ə lɛɛ la ɉu, hvo kɛli yá kpɛɛ a Yai-Laa nwɔ pɛlɛ́i tɔɔ kolóɠaa kəlee kɛɛ.

Lonon mo 13:30

Nu kpului tii kɛ tɔɔni Moisə kwɛlɛ, Kalɛbə ə di laa pilɛ, yɛ diɛ: «'Ka gwəli, gu kɔ́ pɛlɛ diɛ, gu di hon! Gu yee kaa lii tɛɛi diɛ hɛa hvo ɉu.»

Zɛnɛse 37:35

Ɉakɔbə lonnii kəlee di pa, di nąn ɲɛ̨i kpalai, kɛlaa, nii hvo pɛli laai. Mąąhɔlɔɓo, ə kɛi kɛ mą: «Gáá lɛɛi nón ɉaa wɔlɔ ɓoi, ə lɛɛ ɉu, ŋį́ həli mą ɲąmuątaa.» Ə kɛ lɔ wɔlɔ ɓa, yɛ mo.

Samuɛlə dɔlɔɔ 10:7

Ya mɛ̨nįɠaa tii kaa diɛ həli yɛ́, mɛ̨nį lɔpee ya gaa, yɛ́ ə́ yee a pɛli mą, ə́ gɛ. Mąąhɔlɔɓo, Yálá kaa ə́ pɔ.

Zôo 21:13

Di yii hvóló kəlee a kɛ kwəinɛ̨ɛ̨ hu, ɉu hva kwɛa, diɛ yɛɛ ɲąmuątaa.

Azaya 38:10

Ŋą́ kɛi kɛ diɛ: «Ŋą́ą́ lɛɛ kpɔlɔ həlii nwɔ́ yɛnɛ̨ɛ̨ ɲąą nɛ̨ɛ̨ ɓa, gɛ́ li! Gɛ́ lii haa nuą pɔtaai, gɛ́ kɛa pa lɛɛi laa, gɛ́ nwɔ́ kwɛlan gbəli kɛ laa!

Zôo 10:21

Gáá kɛa pai lii yali bulu hva kɛ ɉu. Kɛɛnąą kpinɛ̨ɛ̨ nuą pɔ taai.

Zôo 10:22

Ɓɛi nąą yələwala kaa a ɉu kpinɛ̨ɛ̨, ɓɛi haa a nąą kpinį a yələ kəlee. Nąą yələ ɓɔɔ ə ɓo a kpinį hu tɛɠiɛ.

Hanwon 3:28

'Hvó kɛ ə́ ɓɛlan gaalon ma: Li ə́ pa tinąą, gáá pai vəi. A kɛ hen ganąn gaa mą gaa ə́ yəi dɛɛ ɓo, 'hvó lənə dɛɛi mɛ̨nį ɓa bɔ.

Maafîu 20:7

«Di mo mą diɛ mą: ‹Mąąhɔlɔɓo, nu ta hvo kólo tɛɛ li ku pɔ.› Ə mo diɛ yɛ diɛ: ‹Ka li kaa kpɛli ka kólo kɛ ɲə́i ɲɛa, gaa pai ka halai.›

Ɉaan 5:4

Mąąhɔlɔɓo, nąąlɔwai a ɉəli mą, Yálá nwɔ malaka ə kɛi yɛɛ ɲai, yɛ ɲa tumo. Nu tɔlɔɔ a too ɲái, ɲá tumoɔ pulu, ɲɔ̨n kpɔ gaa mą, a kpɛɛ.