Ikilisiati 9:1 - Yálá laawoo hɛɓɛ (dc)

¹ A tɛ̨ą, mɛ̨nįɠaa tii kəlee ɓə ŋą́ nį́í lɔ ɉu, ŋį́ gaa, gɛ́ diɛ: Yálá tanɔ̨n gbən mə mɛ̨nį kəlee kaa ɲeekɔn ma, yɛ ə kɛ a nu haŋąą, yɛ ə kɛ a kilimąą mun, yɛ ə kɛ a di kɛ kólóɠaa. Mɛ̨i, ə mą kɛ di kɛ mɛ̨nįɠaa hu. Nu kanŋaa di hvo kpɛli pai wɛlikɛmąą, yowolaa da wɛlikpɛɛmąą di kɔlɔn ɉi; ə ma kpɛli kɛ tinąą mɛ̨nį.

Yálá laawoo hɛɓɛ

¹ A tɛ̨ą, mɛ̨nįɠaa tii kəlee ɓə ŋą́ nį́í lɔ ɉu, ŋį́ gaa, gɛ́ diɛ: Yálá tanɔ̨n gbən mə mɛ̨nį kəlee kaa ɲeekɔn ma, yɛ ə kɛ a nu haŋąą, yɛ ə kɛ a kilimąą mun, yɛ ə kɛ a di kɛ kólóɠaa. Mɛ̨i, ə mą kɛ di kɛ mɛ̨nįɠaa hu. Nu kanŋaa di hvo kpɛli pai wɛlikɛmąą, yowolaa da wɛlikpɛɛmąą di kɔlɔn ɉi; ə ma kpɛli kɛ tinąą mɛ̨nį.

Bible

¹ Ŋá ŋ́gili ŋá sìa a zu kôyaa ŋá gɔ́lɔŋ a gɛɛ Ɣâla nɔ́ ƃa pɔ̂ri tɔ̃yâ nuu da táre nuu téniŋ tɔɔ̂i. Díta fé berei kɔ́lɔŋ wɛli kɛ́-maa da kpɔara kpɛtɛ-pere káa lai. Díta fé tela tínaa tuɛ-pere mɛni kɔ́lɔŋ.

Ikilisiati 9:1 Referans Kwoze

Dutɛrɔnome 33:3

Israɛlə lonnii wɛli kaa Yai-Laa ɓa; a nwɔ nuą mɛ̨i kaa, diɛi da di ɲąą kpɔn gɔwɔ mu, diɛ di wəli tɔɔ nwɔ liɛwoo ɓa.

Piɛrə dɔlɔɔ 1:5

a káái Yálá ŋą hvaŋą yee kaa káá, laa na laa háálai, ɓalo mɛ̨nįi ɉɛ̨ą yiliɛi, doo mɛ̨nį ɓa pono ɲą, ɲąąkpɛɛi lɔwai.

Ikilisiati 8:14

Kɛlaa yaamun, mɛ̨nį ta a kɛ kɛi lɔi mɛ̨i gɛ́ gaa, ya ɓaa: Mɛ̨nįi mąąnɛ̨ɛ̨ ə həli nwąnąlɔmun ma, yili yaamun, mə a həli mɛ̨nį haŋąą kɛmun ma. Bələ lɔ ɓə gaa la, nwąnąlɔmun yaamun, gɛ mɛ̨nį hu yɛ nɛ̨ɛ̨, yɛ a kɛ a nu haŋąą. Gɛ́ diɛ: yili kaa a kpɛli-kpɛli mɛ̨nį.

Zôo 12:10

Ya ɓə hɛn gəlee nɔ̨ɔ̨ kaa ɲəi, ə mą kɛ nu kanŋaa nɔw ɓə.

Timote veelɛ 1:12

Yili mąą mɛ̨nį ɓa ɓə, gáá mɔ̨nɔ̨ɠaa ŋɛ̨i mįi la, a liikpələ laa. Kɛlaa, yili ŋą nwumɛ̨ hvo mą́ą́, mąąhɔlɔɓo, nui ŋį́ gílítɔɔ mą, ŋį́ gɔlɔn, ɛlɛɛ, náái na, gɛ́, mɛ̨nį ŋɛ̨i ə galihvaɓo mą́ą́, a pɛli ə ɲee kąnąn mą, ə lɛɛ la ɉu, ɲələi tii ə ɉəli.

Azaya 26:12

Yai-Laa! Yáá ku kɔ́ a liilaa yɛnɛ̨ɛ̨, mɛ̨nįi lɔpee ku kaa gɛi, Yɛ́ lɔ ɓə gɛi kuɔ.

Hanwon 16:3

Ə́ kɛ kolóɠaa hu lɛ Yai-Laa ɓa, Yaa ɓə a gɛ, ə́ wɔ kwəi kiliɠaa laa yɛ hon.

Mąątɛ̨nɛ̨ 31:5

Maaləi da dɛ dɔ́wɔ, yá gulɔ ɉu, mąąhɔlɔɓo, yɛ́ a mą́ą́kilɛi.

Samuɛlə dɔlɔɔ 2:9

Nuąi da ɲɔw mą, a di mɛ̨i kaa. Kɛlaa, nu ɲɔ̨nwɔ̨ɔ̨ɠaa nwun na kaa pai pilii kpįnįi. Mąąhɔlɔɓo, nu nwɔ huwalawala hvee a kɔ́ nɛ̨ɛ̨ mą.

Ikilisiati 10:14

A kɛ tii kɛa, hva kɛa naapilɛ. Yaan, nu hvo ɉaa pulu mɛ̨nį kɔlɔn, gbɛɛ a pɛli nɛi mą?

Ikilisiati 8:16

Bələi nu a tɛɛ la yɛ kɛ a kilimąą mun, ŋą́ą́ nį́í lɔ yili kwɛliɛ hu, ə gɛ, ŋą́ gbaɠala kaa. Ɛlɛɛ, mɛ̨nįi kpɔ nu lonnii yee kaa mą lɔi mɛ̨i, ə gɛ, ŋį́ gaa ŋį́ mąąkpɛɛ. Mąąhɔlɔɓo, ŋą́ą́ gaa, yɛ ə kɛ a kpinį yɛ ə kɛ a hvóló, nu lonnii di yíi, di lɔ a di ɲɛ̨i.

Ikilisiati 7:25

Yili ɓa, ŋą́ gbɔ́wɔ́ lɔ mɛ̨nį kwɛliɛ hu da mɛ̨nįɠaa kɛ mɛ̨nį nwun; ŋą́ kɛ bɔ, ŋą́ kili mɛ̨nį kaa. Yii ŋį́ gaa ya ɓaa: Nwąnąlɔ da kilikpɛɛgwəi di kaa a ɓowo mɛ̨nį.

Ikilisiati 7:15

Ɲíi kuu kpuɔ lon ŋɛ̨i ŋą́ gɛ lɔi mɛ̨i, yii ŋį́ gílí lɛɛ ɉu, ya ɓaa: mɛ̨nį kəlee da pɛli kɛi. Nu haŋąą a tee kpə, bələi mąn ɉaŋąąi la. Nwąnąlɔmun yɛ lamun yɛnɛ̨ɛ̨, bələi mąn nwąnąlɔi la.

Ikilisiati 1:17

Ŋą́ hvilɛn gbɔ, gɛ́ diɛ: Ŋą́ mɛ̨nį kɔ́lɔn ŋąą da ɓowo mɛ̨nį di kulɔ nɔwai kɔ́lɔn; ŋą́ kili mɛ̨nį, da kilikpɛɛgwəi, di kulɔ nɔwai kɔ́lɔn. Kɛlaa, ŋą́ yili kaa lɔ yɛ nu aa kɛi hvaŋą tənən dɔɔ.

Mąątɛ̨nɛ̨ 73:3

Mąąhɔlɔɓo, ɲɛ̨́i ə kɛi kulɔ hɛn nąmįną pɔ, a nɛ̨ŋɛ̨n ɉəɠə nuą di wɔ nwunnąnɛ̨ɛ̨ kaai ŋį́ kɛi moi.

Mąątɛ̨nɛ̨ 10:14

Ə́ wɛi, yá nu ɲɛ̨iyá da nwɔ mɔ̨nɔ̨ kaa, yá di kaa, yɛ́ di laa ə́ yee kpala, ɛlɛɛ, nui a mɔ̨nɔ̨ laa lowo, a gilitɔɔ yɛ́, Yɛ́ ɓə a təli ɓalo.

Zôo 5:8

Nwɛ́i a kɛ a ɲą́ą́, ŋį́ nwóó tɛ kɛ Yálá ɓa: Ya ɓə ŋį́ mą́ą́ mɛ̨nįɠaa ɓo mą.

Mąątɛ̨nɛ̨ 119:109

Bələ nwun na pili mɛ̨nį hɛlɛnŋąąi kɛ nwún mɛ̨i, Kɛlaa, vá lɛ̨ą ə́ wɔ tɔn nwooi ɓa.

Ikilisiati 9:6

Di wɔ wɛlikɛmąąlaa, di wɔ wɛlikpɛɛmąąlaa, di wɔ tolo kulaa, gəlee daa haa. Mɛ̨nįɠaai kɛi lɔi mɛ̨i, di wɔ nąą hvo ɉu.

Ɉeremi 43:6

Da ɉinąą, nɛ̨ąą, nɛapɛlɛɛ, dɔɔ pɛlɛ́ mu nɛ̨ąą, da nuąi kpɔ tii dɔɔmun mąąkpɛ kɔ́kulááɠaa nwun nąmu Nebuzaradan ə di kalihvaɓo Gedaliasə ɓa, ə mą kɛ Ahikamə lon, Safan lon, ə mą kɛ Yálá kwəi mɛ̨nį hukulɔ mun Ɉeremi, da Neriya lon Barukə,

Zôo 27:12

Yii kpɔ ka kəlee kaa gbaɠala kaa, lə mɛ̨nį ɓa ka hu a pu kaa, a kpɔɔ ɲąą kɛnɛ̨ laa?

Ikilisiati 8:7

mɛ̨nįi pai kɛi tínąą, gu hvo gɔlɔn. Bələi mɛ̨nįɠaa kaa pai kɛi la, gbɛɛ ɓə a pɛli nɛi guɔ?