Ikilisiati 8:9 - Yálá laawoo hɛɓɛ (dc)

⁹ Mɛ̨nįɠaa kpɔ kɛi ɓɛ yələkɔlɔn mu, ŋą́ą́ mąąkpɛɛ, ŋą́ nu lonnii kaa, diɛ hee di ɓɛlaa mɛ̨i, diɛ di mɔ̨nɔ̨ɓo.

Yálá laawoo hɛɓɛ

⁹ Mɛ̨nįɠaa kpɔ kɛi ɓɛ yələkɔlɔn mu, ŋą́ą́ mąąkpɛɛ, ŋą́ nu lonnii kaa, diɛ hee di ɓɛlaa mɛ̨i, diɛ di mɔ̨nɔ̨ɓo.

Bible

⁹ Ŋá ŋ́gili ŋá sìa é pîlaŋ m̀ɛni-ŋai ŋí kélee dîa ŋá ŋ̀á káa. Diai wála-wala káa díyêei, da ǹúu doo-mu-ŋai lùaŋ.

Ikilisiati 8:9 Referans Kwoze

Ikilisiati 5:8

Yii viɛlaɓoɔ lɔi nuą diɛ, ya ɓaa: tɔɔmun da ə kɛ di yəi, yɛ tíi yɛa kóló ɓɛlɛ kɛ mą. Mąąhɔlɔɓo, yɛa kóló ɓə tɔɔmun gɔ̨nɔ̨n a kulɔ ɉu.

Ikilisiati 5:13

Kɛlaa, nwɔ hɛn gɔwi tii hu ə kala mɛ̨nį walawala ta hu. Ɓɛlɔwai ə lon ɉulɔnu hɔlɔɓo la, hɛn da hvo kɛa kɛ ɲəi.

Ikilisiati 7:25

Yili ɓa, ŋą́ gbɔ́wɔ́ lɔ mɛ̨nį kwɛliɛ hu da mɛ̨nįɠaa kɛ mɛ̨nį nwun; ŋą́ kɛ bɔ, ŋą́ kili mɛ̨nį kaa. Yii ŋį́ gaa ya ɓaa: Nwąnąlɔ da kilikpɛɛgwəi di kaa a ɓowo mɛ̨nį.

Ikilisiati 3:10

Kólói Yálá ə naa nu lonnii nwuɔ̨, ŋą́ą́ mąąkpɛɛ.

Ikilisiati 1:14

Mɛ̨nįɠaai kpɔ da tɛɛ ɓɛ lɔi mɛ̨i, ŋą́ gəlee kaa. Kɛlaa, gəlee kaa a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Dutɛrɔnome 2:30

Kɛlaa, Hɛsbɔn tɔɔmun Sihɔn hvo hvaa mą ku hvo tɛɛ nwɔ lɔi hu. Yai-Laa aa kɛ gili walawala, bələ ɓə ə tɛɛ la yɛ doo gu yee ŋą a nąąlɔwai.

Lɛɛ gbɔwɔ ɓa 14:28

Ɲá ə pənə ə hiɛ di mɛ̨i, diɛ, di wɔ wotoloɠaai da tɔɔmun nwɔ hoo mɛ̨i nuąi, diɛ kpɔ tii lɛɛ Israɛlə pulu di lɔ ɲái, dɔ̨nɔ̨ kpɛli hvo kulɔ.

Tɔɔɓɛlaa veelɛ 25:7

Di Sedesiasə lonnii hinąą nwun dee di nąn ɲɛ̨i ɓa. Yili pulu, Nabukodonosorə ə Sedesiasə ɲɛ̨i wolo, ə yɔwɔɔn veelɛ kpulɔn mą, ə li la Babilonə.

Ikilisiati 3:16

Mɛ̨nįi ŋą́ą́ gaa ɓɛ lɔi mɛ̨i, ya ka, ya ɓaa: Ɓɛi Mąąnɛ̨ɛ̨ tələnmolaa da mɛ̨nį haŋąą di hee laa, nąą ɓə nwąnąlɔ a tɔɔlaa kɛ laa.

Ikilisiati 4:1

Mɛ̨nį nwɔ̨nɔ̨i ŋą́ gaa yələkɔlɔn mu, kɛɛnąą tamąą ɓa, ya ka, ya ɓaa: Mɛ̨nį kpəlaan ŋąąi nuą da gɛ lɔi mɛ̨i. Nuą da kɛ mɔ̨nɔ̨ laai di ɓɛlaa mɛ̨i, yiliɠaai diɛ wɔlɔ di yəi, Kɛlaa, nu hva hɔlɔɓo hvo di mąą kpɔmąą ɓo. Ɉeemɛ̨i nuą tii ɓə huwalawala kaa di yəi, diɛ pɛli kpɔmąą kɛi, Kɛlaa, di tɔ̨nɔ̨ kpɛli hva kpɔmąą tɛɛ mɔ̨nɔ̨ mįi nuą tii pɔ.

Ikilisiati 7:7

Yaan, mɔ̨nɔ̨ laa nu mɛ̨i a kilimąą mun gɛ yɛ ɓowo mun, nɔgwəi hɛn gɔw a nu nwɔ tələnmolaa kulɔ ɲəi.

Ikilisiati 5:7

Akɛ ya mąąwɛlimun gaa lɔi diɛ naanɔ̨nwɔ̨ ɓo, diɛ tələnmolaa da mɛ̨nį haŋąą ɓɛlɛkpɛɛ mą, yili hvo ə́ kwəi pili yɛ́. Mąąhɔlɔɓo, nu kɛnɛ̨ ta kaa nu kɛnɛ̨i tii nwun mɛ̨i, yɛ mąąkɔ̨nwɔ̨; gəlee hveelɛi nwun mɛ̨i, nu kɛnɛ̨ takpɛli kaa laa.