Ikilisiati 8:5 - Yálá laawoo hɛɓɛ (dc)

⁵ Nui a tɔ́n ɉon, tɔ́n va too mɛ̨i. Kɛlaa, kilimąą mun ə gɔlɔn yɛ, yələ ta kaa pai həlii, Yálá nwɔ kitii kaa pai nwɔ nąą kɛi ɉu.

Yálá laawoo hɛɓɛ

⁵ Nui a tɔ́n ɉon, tɔ́n va too mɛ̨i. Kɛlaa, kilimąą mun ə gɔlɔn yɛ, yələ ta kaa pai həlii, Yálá nwɔ kitii kaa pai nwɔ nąą kɛi ɉu.

Bible

⁵ Ǹúui a ŋ̀óo mɛnii va mɛni-soli sɔlɔ ƃô ǹyêei. Táre nuu è berei kɔ́lɔŋ a tûa la kâloŋ yée mui.

Ikilisiati 8:5 Referans Kwoze

Hebreu 5:14

Kɛlaa, nuąi daa di mąą-nu-laa kpɛɛ, di wɛi, kɔ̨nɔ̨n nwalawala ɓə da mįi; diɛi tii daa tɛɛ yɛnɛ̨ɛ̨ mɛ̨nį tamąą hui, diɛ ɓə mɛ̨nį tamąą hukpɛ kili kaa diɛ, da pɛli di mɛ̨nį lɛlɛɛ da ɲɔ̨nwɔ̨ɔ̨ di kulɔ ɉu kɛ.

Gɛlaɠaa 4:19

Kɛlaa Piɛrə da Ɉaan di di woo hutoo diɛ diɛ: Nɛlɛ ɓə ɉaŋąą Yálá ɲɛ̨i ɓa? Ku lɛɛ ká woo mu, awala kɛ tii ku lɛɛ Yaa ti nwoo mu? Kaa kpinį ka mɛ̨nį ŋɛ̨i hutɔɔ.

Lukə 20:25

Ya ɓə Jesus a kɛ diɛ yɛ: «Yii kani gaa tii, 'ka Sesarə nwɛi tɛɛ Sesarə pɔ, 'ka Yálá nwɛi tɛɛ Yálá pɔ.»

Kɔlɔnikɔ Maa-ŋuŋ 12:32

Manase huwu bələ tɔ̨nɔ̨, nu waa pow kɔ́w mɛ̨ihaaɓa; diɛ ɓə di di tɔɔ a Manase laa, diɛ pa Davidə heei gbəlin ɉu.

Gɛlaɠaa 5:29

Kɛlaa, Piɛrə da mɛlan di di woo ŋąapənə, diɛ mą: «Mąąnɛ̨ɛ̨ nu ə Yálá woo hon ə tɛɛ nu woo ɓa.

Osia 5:11

Ɓɛlɛ a kpɛɛ Ɛfraimə ɓa, giti aa mąą mɛ̨nį pili ɉu, mąąhɔlɔɓo, aa gɛ a wəlii kpɔlɔ, yɛ gbɔwɔ tɔ́n bulu.

Ikilisiati 10:2

Kilimąą mun gili a kóló lɛlɛɛ kɛ, Kɛlaa, kilikpɛɛgwəi mun a mɛ̨nį kəlee ŋąą kaa lɔ a gɔɓɛi pələ.

Ikilisiati 8:2

Yii tɔɔmun a mo, mąąnɛ̨ɛ̨ gu nwoo hon; mąąhɔlɔɓo, bələ ɓə gu gu kwɛla la Yálá ɲɛ̨i ɓa.

Ikilisiati 2:14

Mąąhɔlɔɓo, kilimąą mun ə ɉiɛ pələ kɔ́lɔn, Kɛlaa, kilikpɛɛgwəi mun a kɛ hiɛi yɛ ɲɛ̨ipumun yɛ ɲee pɛlɛ ɓɛ-ɓɛ. Ŋą́ mɛ̨nį tɔ̨nɔ̨ kɔlɔn, ya ɓaa; nu hveelɛi tii, mɛ̨nį tɔ̨nɔ̨ ɓə di mąąkpɔn ɉi.

Hanwon 17:24

Nui gili kaa ɲəi, da nwɔ mɛ̨nį kɔ́lɔn gili kaa ɲɛ̨ilai, Kɛlaa, nui kili hvo mą, nwun a kɛ lɔ a vilɛn ŋąą.

Lɛɛ gbɔwɔ ɓa 1:17

Kɛlaa, vɛlɛɛlee kɛ nɛ̨ąą tii, di ɲɔw Yálá ɓa, di hvo gɛ, di hvo lɛɛ dɔɔmun nwoo ɲą. Di hvo kɛi ɉinąą paa.

Kolosə 1:9

Yili ɓə gɛ, ɲələi ku ká mąą mɛ̨nį mɛ̨n na, ə həɠə ɲələ ɓa, ə həli la yiihu ɓa, ku hva kpɛla Yálá hvɛlii káá. Kwa vɛli Yálá ɓa, kuɔ, ká niiɓa kɔ́lɔn gbɔ kɛnɛ̨, a kilikɛɲəi laa kɛnɛ̨, yɛ hee la ká nįį pɔ.

Mąątɛ̨nɛ̨ 119:6

akɛtii, nwumɛ̨ hva nee tɛ a ɲą́ą́; ɲɛ̨́i ə ɓo lɔ a ɉəɛ ə́ wɔ tiɓoɠaai diɛ.

Hanwon 12:21

Mɛ̨nį ɲɔ̨n va həli tələnmomun ma, Kɛlaa, nwąnąlɔ nuą ɓə kpalo a di kaa.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.