Ikilisiati 8:1 - Yálá laawoo hɛɓɛ (dc)

¹ Kili hvo nu ɓa, yɛ pɛli yɛnɛ̨ɛ̨ mɛ̨nįɠaa hee pələ hukulɔi. Kɛlaa, ə mą kɛ tii, kilimąą mun nwɔ kili a ɲɛ̨i pɔ̨nɔ̨, yɛ ɲɛ̨i həɠəən.

Yálá laawoo hɛɓɛ

¹ Kili hvo nu ɓa, yɛ pɛli yɛnɛ̨ɛ̨ mɛ̨nįɠaa hee pələ hukulɔi. Kɛlaa, ə mą kɛ tii, kilimąą mun nwɔ kili a ɲɛ̨i pɔ̨nɔ̨, yɛ ɲɛ̨i həɠəən.

Bible

¹ Ǹɛ̂lɛɛi núu é kɛ́ a dáreɛɛ. Táre a gɛ̀ núu é mɛni maa kpɛ́ɛ é pɔri maa mɛ̂ni ŋá lɛ̂i. Táre a gɛ̀ núu é ɣɛ́lɛ ǹá kɔlɛ, ŋ̀ɛ́i maa é fáleŋ a ǹɛ́lɛɛ.

Ikilisiati 8:1 Referans Kwoze

Gɛlaɠaa 6:15

Nuąi kpɔ kɛ dɔ́n gələ mu, di kəlee di di ɲɛ̨i hee Etiɛnə ɓa, ɲɛ̨ilaai ə ɓo yɛ Yálá nwɔ malaka ta.

Dutɛrɔnome 28:50

Di kaa pai kɛi a nu huwu ɲɛ̨i walawalaa, di hva hulɔgolo mąąwiɛ, di hva nu nwunu ɲɛ̨imąąwɛli kaa.

Piɛrə veelɛ 1:20

Ka gɔlɔn kaa diɛ: Mɛ̨nį ɓoɔ gɛɛ tɔwɔ wooi gaa Yálá lawoo hɛɓɛ́ hu, nu hva pɛli hvo ɉukulɔ a gbɔwɔ kiliŋąhiɛ.

Timote veelɛ 4:17

Gu Ną́mu nwɛi, ə tɔɔ búlú, ə hvaŋą tɛɛ bɔ́, ə gɛ, ɲą́ą́ bɔ́ pələ, nwɛlɛɛ woo laa ə həli, huwu takpɛliɠaa di mɛ̨n. Ɛlɛɛ, ŋį́ kulɔ yala hvulúmąą la.

Gɛlaɠaa 4:29

Yiihu kɛa, Hɛn gəlee Nąmu, ə́ kili lɛɛ di wɔɔ nu mąąɲɔw wooɠaai hu, ɛlɛɛ, gɛ, ə́ wɔɔ nuąi di ə́ woo laa həli a liikpələ kɛnɛ̨ɛ̨.

Gɛlaɠaa 4:13

Di kɛi Piɛrə da Ɉaan di liikpələ pələ kaa; ɛlɛɛ, gbaɠala ə ɓo diɛ, diɛ kɛ, di hvo ta hɛɓɛ́ mąąkwɛli li, di hvo a mɛ̨nį kɔlɔn nuą. Yili ə di kwəi pili diɛ. Di kɛ di kɔlɔn nɔ a nuąi kɛ Jesus pɔ.

Hanwon 17:24

Nui gili kaa ɲəi, da nwɔ mɛ̨nį kɔ́lɔn gili kaa ɲɛ̨ilai, Kɛlaa, nui kili hvo mą, nwun a kɛ lɔ a vilɛn ŋąą.

Zôo 33:23

Kɛlaa, ya lɔ ɓaa malaka ta ə lɛɠɛ mą, yii a kɛ a Yálá, da nu kanŋąą di lɔwai pɔn naa kulɔmun, tanɔ̨n di ɉəɠə waa lɔwai, yili a pɛli ə nu hiɛ pələ lɛ mą.

Ifisiɛŋ 6:19

'Ká Yálá hvɛli ɲą́ą́ kpɛlimąn mą́ą́, nwɛlɛɛ lɛlɛɛi mɛ̨n naa walaai ŋɛ̨i, naa həli woo ə tɛ ná, gɛ́ naa həli la a ɲɛ̨i ponolaa,

Maafîu 17:2

Di lɛɛ lɔ laa, Jesus ɲɛ̨i laa mąą ə hvalin. Yɛ lən yɛ hvóló. Mąą həɠə ə kwələ yɛ kɛɛ pono.

Danîa 2:47

Yili pulu, tɔɔmun ə mo Daniɛlə ɓa yɛ mą: «A tɛ̨ą, ka wɔ Yálái ɓə gaa a yáláɠaa kəlee di wɔ Yálá, yɛ ɓo a tɔɔbəlaaɠaa kəlee di nwun nąmu. Yaa ɓə a loo mɛ̨nį kulɔ pɔ̨nɔ̨ŋa, mąąhɔlɔɓo, aa noo mɛ̨nį tii lɛ yɛ́.»

Hanwon 24:5

Kili ɓə gaa a kilimąą mun nwɔ huwalawala. Mɛ̨nį kɔ́lɔn ŋąą a nu nwɔ hvaŋą ta pɛlɛ mą.

Hanwon 1:6

A hanwon ɉɔɔ hanwon ɉu, ə ɉu pɔ̨nɔ̨, yɛ kilimąą nuą woo da di wɔ hanwonŋaa hu pɔ̨nɔ̨.

Zɛnɛse 40:8

Diɛ mą: «Kwaa hįį kaa, nu hvo ku yəi, ə mukulɔ kuɔ.» Ɉosɛfə yɛ diɛ: «Kɛlɛi Yálá ɓə mɛ̨nį kəlee mukulaa kɔ́lɔn! 'Ka ɉukulɔ mą́ą́.»

Lomaŋ 13:5

Yili ɓə gaa mą, mąąnɛ̨ɛ̨ gu lɛɛ nwun nąmįną woo mu, ə gɛ, gu həɠə Yálá nwɔ liiɲąnwąną tɔwɔ. Ɛlɛɛ, ə gɛ, mɛ̨nį ɲɔ̨n ə kulɔ guɔ kiliŋąhiɛ hu. Mąąhɔlɔɓo, guɔ kiliŋąhiɛ a nɛ guɔ yɛ gu lɛɛ nwoo mu laa kɛ.

Hanwon 21:29

Nwąnąlɔmun ɲɛ̨i kaa gamąn, nui ɉaŋąą, a dúwɔ́ pələ mąą kpala a nwala-walaa.

Lɛɛ gbɔwɔ ɓa 34:35

Moisə ɲɛ̨ilai ə kɛi lɔ lən Israɛlə lonnii ɲɛ̨i ɓa; Moisə ə pənə ə ɉəɠə yɛɛ ɲɛ̨i, ə lɛɛ ɉu yɛ pənə yɛ li da Yai-Laa diɛ mɛ̨nį ɓo.

Hanwon 12:8

Da nu mąątɛ̨nɛ̨ gɛ koló ɓa. Kɛlaa, nui gili ɲɔ̨nwɔ̨ɔ̨ gwəi, wɛlikpɛɛmąąlaa lɔ ɓə da dɔɔ mą.

Danîa 2:22

mɛ̨nį yii noɔ, a gbon ɉu kwɛa, Yaa ɓə a gulɔ pɔ̨nɔ̨ŋa. Ya ɓə kpinį hu mɛ̨nį kɔ́lɔn, maahɔlɔɓo, ya ɓə kɛɛ pɔ̨nɔ̨ kaa ɲəi.