Ikilisiati 7:13 - Yálá laawoo hɛɓɛ (dc)

¹³ Ka gu Yálá kɛ mɛ̨nįɠaa mąąkpɛɛ tai! Hɛn Yálá ə mąą pɛlɛ, nu ta hva pɛli ɉaŋąi.

Yálá laawoo hɛɓɛ

¹³ Ka gu Yálá kɛ mɛ̨nįɠaa mąąkpɛɛ tai! Hɛn Yálá ə mąą pɛlɛ, nu ta hva pɛli ɉaŋąi.

Bible

¹³ Zãâi káa Ɣâla a díkpɛ̀tɛi. Nyii-ŋai è díkpɛ̀tɛ é dísu kpĩlaŋ, gbɛ̂ɛ ƃa pɔ̂ri dísu sãai?

Ikilisiati 7:13 Referans Kwoze

Ikilisiati 1:15

Mąąhɔlɔɓo, hɛn gbinįn ŋąą, nu hva pɛli ɉaŋai, hɛn hvo yɛnɛ̨ɛ̨, nu nwɔ kiliŋąhiɛ hva hvilɛn mą.

Zôo 12:14

Hɛn Yálá a gala, hva kɛa pənə hvo tɔɔ. Nui a gbulɔn, hva kɛa lɛɛ gbɔwɔ ɓa laa hɔlɔɓo.

Azaya 5:12

Bɛlɛgwəi gwɛnįn, gololon gwɛnįn, da damąn mə da kɛ dɔɔi di mɛ̨i nɔɔ kpələiɠaa ɓa, Kɛlaa, mɛ̨nįi Yai-Laa kaa gɛi, di ɲɛ̨i hva kɛ laa; mɛ̨nįi ɲee kaa mą, di hva nąą kaa,

Ikilisiati 3:11

Yálá ə mɛ̨nį kəlee lɛlɛ ə bɛli nwɔ yələ ɓa. Mɛ̨nįɠaai Yálá ə gɛ, di lɛlɛɛi lɔ a di wɔ yələ. Ɛlɛɛ, Yálá ə Yálá-taa kili too nu hu. Kɛlaa, ə mą kɛ tii, nu hva pɛli Yálá kɛ mɛ̨nįɠaa kɔ́lɔn ɉi, ə həɠə kpɔ gɔwɔ tɔɔi yələ ɓa, ə həli la naa kulɔi ɓa.

Ifisiɛŋ 1:11

Yaa ti ɉu lɔ ɓə, gu gu wɔɔ nąą kɔlɔɓo laa, a nui a mɛ̨nį kəlee hee kpəlin na kɛ, a niiɓa, yɛ bələi ə gbɛa gu həɠə la ɉu.

Azaya 14:27

Yai-Laa Mɛ̨nį Kəlee ŋą Hééɓomun, a mɛ̨nį mąą kili tee gwəi, gbɛɛ ɓə a pɛli ɉəɠəi mą? A ɲee tɛ yələi, gbɛɛ ɓə a pɛli ɲɛɛi?

Mąątɛ̨nɛ̨ 107:43

Gbɛɛ ɓə yɛi kɛ a mɛ̨nį kɔ́lɔn mun? Ə mɛ̨nįɠaai ti kəlee mąąkpɛɛ, ə Yai-Laa nwɔ mɛ̨inɛ̨ɛ̨ mąą mɛ̨nį kpaɠala kaa.

Lomaŋ 9:19

Ə́ kaa pai kɛi mą́ą́, akɛ yili kaa ti; Nɛlɛ ŋą woolaa ɓə kani a kɛ? Hvó gaai, mɛ̨nįi a hvaa mą, ya ɓə a kɛ.

Lomaŋ 9:15

Yaan, ə kɛ Moisə ɓa: «Nui ŋą́ kɛ bɔ, ŋą́ ɲɛ̨imąąwɛli kaa; nui ŋą́ kɛ bɔ ŋą́ nwɛlila kɛ.»

Azaya 43:13

A tɛ̨ą, wɔlɔ-wɔlɔ ɓa wɔlɔ-wɔlɔ ɓa, ɲą́ą́ lɔ laa! Hɛn ɲéé a ɉon, nu ta hva gulɔ ɲə́i, mɛ̨nįi ŋą́ gɛ, gbɛɛ kpɔ ɓə a pɛli ɉəɠəi mą?

Zôo 37:14

Ə́ wəli tɔɔ nwooi ti ɓa Ɉobə! Tɔɔ tai, ə́ Yálá nwɔ kpalo mɛ̨nįɠaa kaa,

Mąątɛ̨nɛ̨ 8:3

Lɛapɛlɛɛ, da ɲįnį kpələ lɛapɛlɛɛ woo ɓə, yá gɛ a hįį kpoloon, yɛ́ tɔɔ la ə́ kɔ́yɔwɔɠaa la; yɛ́ ə́ yowo da kálápiliɠaa laakpulu.

Zôo 34:29

Kɛlaa, Yálá a wala muhəɠə, gbɛɛ ɓə a pɛli hvaai bɔ? A ɲɛ̨ilai now, gbɛɛ ɓə a pɛli mɛ̨i həɠəi? Ya pa, a ɲɛ̨i pili lɔiɠaa mɛ̨i, da nu kanŋaa.

Zôo 11:10

Yálá a ɲee pɛlɛ nu ta ɓa, a mąą nu təli kiti haɠa ɓa, gbɛɛ ɓə a pɛli tɔɔi na?

Zôo 9:12

A hɛn ɉon, gbɛɛ ɓə a gulɔ ɲəi? Gbɛɛ ɓə a kɛ mą: Lə ɓə ŋɛ̨i ə́ kaa gɛi?

Ikilisiati 8:17

Ya ɓə ŋį́ Yálá kɛ mɛ̨nįɠaa kaa, gɛ́ diɛ: nu hva pɛli Yálá kɛ mɛ̨nįɠaa hukpɛi ɓɛ yələkɔlɔn mu; bələi mąn nu kanŋaa kaa tɔɔi la a di nwąnąi diɛ gwɛli. Ə mą kɛ, kilimąą mun a kɛ diɛ: «Ŋą́ gɔlɔn!» Hva pɛli Yálá kɛ mɛ̨nįɠaa pulu kaai.

Lukə 12:26

Akɛ mɛ̨nį hviikpɛɛi tii ka hva pɛli mąi, lə mɛ̨nį ɓa, hvo kɛli ka ka liihɛlɛn a yiiɠaa tii?