Ikilisiati 6:2 - Yálá laawoo hɛɓɛ (dc)

² ya ɓaa: Nu ta ka tii Yálá aa hvaa mą, aa hɛn gɔw da yeelahvólóon dɛɛ bɔ, ɛlɛɛ, mąąwia. Nui tii, hɛn kpɔ gaa bɔ, aa gəlee hɔlɔɓo, Kɛlaa, Yálá hva nɛɛ laa hvo nwɔ hɛnŋąą tii ɲąąnɛ̨ɛ̨ kulɔ; nu takpɛli ɓə a ɲąąnɛ̨ɛ̨ kulɔ. Yili kaa a kpɛli-kpɛli mɛ̨nį da mɔ̨nɔ̨ ɲąąnwąnąą mįiɛ.

Yálá laawoo hɛɓɛ

² ya ɓaa: Nu ta ka tii Yálá aa hvaa mą, aa hɛn gɔw da yeelahvólóon dɛɛ bɔ, ɛlɛɛ, mąąwia. Nui tii, hɛn kpɔ gaa bɔ, aa gəlee hɔlɔɓo, Kɛlaa, Yálá hva nɛɛ laa hvo nwɔ hɛnŋąą tii ɲąąnɛ̨ɛ̨ kulɔ; nu takpɛli ɓə a ɲąąnɛ̨ɛ̨ kulɔ. Yili kaa a kpɛli-kpɛli mɛ̨nį da mɔ̨nɔ̨ ɲąąnwąnąą mįiɛ.

Bible

² Ɣâla a tɔɔ-laa tɛ̀ɛ núu da pɔ́, mu-wuɛ-laa da maa núui nîa-sɛŋ kélee. Kɛ́lɛ va ǹɛɛ naa maa ǹúui é zãâi ŋí ŋ̀aa-nɛ̃ɛ kula fɛ̂ɛ ŋɔ̃ya-ŋa. Nyíŋi káa nɔ́ kpɛ́ni-kpɛni, gɛ́ ƃò a lii-too pôlu ŋánaa.

Ikilisiati 6:2 Referans Kwoze

Ikilisiati 5:19

Mɛ̨inɛ̨ɛ̨ tii Yálá a gɛ mąą nu ɓa, yɛ ɲąąnɛ̨ɛ̨ kulɔ, a lɛ̨ą, hva kɛa giliŋąhiɛ, yɛ kɛ: Ɲíi hvóló hu kpuaai.

Mąątɛ̨nɛ̨ 17:14

Yai-Laa, ə́ yee ə di kpɛ lɔi mɛ̨i, di həɠə yɛnɛ̨ɛ̨, di kulɔ nu kanŋaa lɔwai. Yili kpɔ ɓə mąąnɛ̨ɛ̨ ə həli diɛ yɛnɛ̨ɛ̨ ɓɛ. 'Di pilɛ a mɛ̨nį ɲąąnwąnąąi ə́ naa di tɔwɔi! Di lonnii di pilɛ ɉu, di da lɛɛ di kwəi lonnii tɔwɔ.

Mąątɛ̨nɛ̨ 73:7

Di wɔ kiliŋąhiɛ ɲɔ̨nwɔ̨ɔ̨ a kulɔ di kɔ́lɔ ɓa yɛ wulɔ, di líí laahvɛɛ a gbąną mɛ̨nį.

Tɔɔɓɛlaa dɔlɔɔ 3:13

Yii kpɛli hvó ɉu hvɛli li mą́ą́, gáá dɛɛi ə́ pɔ; ya ɓaa: hɛn kɔ́w, da mąąwiɛ. Ɉɛnŋąą tii kaa kɛi ə́ yəi, ə́ wɔ yɛnɛ̨ɛ̨ kəlee yee mu, tɔɔmun da hvo pai kɛ lɔi mɛ̨i, yɛ həli ə́ pɔ.

Woolaa 5:2

Ku kwɛlinŋaa daa lɛɛ nu takpɛliɠaa yəi. Nuąi ku wɔ pɛlɛ́ɠaa kaa di yəi, ku hvo di kɔ́lɔn.

Mąątɛ̨nɛ̨ 39:6

Hvo gaai, yáá nwɔ́ hvólóɠaai hu kpuwɔ kɛnɛ̨, ɛlɛɛ, nwɔ́ yɛnɛ̨ɛ̨ kaa kpɔ a lə, ə́ ɲɛ̨i ɓa? A tɛ̨ą, nu hu kilinŋąą kaa lɔ ə́ ɲɛ̨i ɓa hvɔan-hvɔan, yɛ hvaŋą.

Osia 7:9

Nwɛ̨ąą kaa vaŋą kpɛɛi, ɛlɛɛ nwɛi, gili hvo ɉu; yili pulu nwun nəɠa bowa yɛ pu ɉu, ɛlɛɛ mɛ̨nį ta kpaɠala hvo mą.

Danîa 5:18

Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Ikilisiati 5:16

Yili pulu, nwɔ yɛnɛ̨ɛ̨ kəlee hu, ɲɔw mɛ̨nį tamąą, líiholi da laanɔ̨nwɔ̨, di nwɔ kɛ yɛnɛ̨ɛ̨ hu kpinį.

Ikilisiati 4:8

Nu ta a kɛ laa, veelɛ hvo mą, yaa tɔ̨nɔ̨ lɔ ɓə nwɛi hu yɛnɛ̨ɛ̨; ɉiɛ gee pulu hvo mą, gaayɔwɔ hvə mą, ɛlɛɛ, lon və kpɛli mą. Kɛlaa, hva kpɛla kóló kɛɛ ɓa, yɛ mɔ̨nɔ̨ mįi, hvóló kəlee gaa lɔ hɛn gɔw gwɛliɛ hu; bələi mąn a góló himąi tii kɛ la, hva ɲąąnɛ̨ɛ̨ kulɔ ɉɛn gaa gwɛlii ɉu, yɛ kɛ gbɔwɔ ɓa: Akɛti, gbɛɛ kpɔ ɓə gáá ɉɛn ŋɛ̨i kwɛlii ma-oo?. Yili kaa nwɔ̨nɔ̨ a mɛ̨nįi a nu kwəi pili mą, ɛlɛɛ, nu nwɔ yɛnɛ̨ɛ̨ kɛ pələ a kɛ tii, yili ɲąąnwąnąąi.

Ikilisiati 4:4

Ŋą́ą́ nwɔ̨nɔ̨ mɛ̨nį takpɛli kaa, ya ɓaa: Mɔ̨nɔ̨i nuą da mįi di kɛ kóló hu, gaa a tolo kulaa, ə gɛ, yii gaa gɛi, ə lɛlɛɛ ə tɛɛ mɛlaa di wɛi ɓa. Yili kaa a kpɛli-kpɛli mɛ̨nį, yɛ nu aa kɛi hvaŋą tənən dɔɔ.

Kɔlɔnikɔ Veerɛi 1:11

Ya ɓə Yálá yɛ Salomɔn ɓa: «Yii mɛ̨nįi tii lɔ ɓə nwɛli kaa yɛ́i, yii hvó kɛ hɛn gɔw hvɛli lii, hvó lɔi hvɛli lii, ə mą kpɛli kɛ yii kwɛa da mąąwiɛ, hvó yowoɠaa haa mɛ̨nį ɓo li; kɛlaa, mɛ̨nį hukpɛ kili da ɲąąkaa kili ɓə ə́ vɛli, yɛ́ di dɛɛ ə́ pɔ, yɛ́ pɛli ŋį́ nu huwui ŋɛ̨i ŋį́ ə́ hee mɛ̨i a tɔɔmun ɲąąwooɓoi;

Kɔlɔnikɔ Maa-ŋuŋ 29:28

Ə nwɔ yɛnɛ̨ɛ̨ kɛ liilaa hu, mąąwiɛ laa hu da hɛn nąmu laa, ə pɔlɔ kpɔ a lɛlɛɛ, ə laa nąnni kwɛlɛ. Ɛlɛɛ non Salomɔn ə kɛ a tɔɔmun, a mąąhvalin.

Kɔlɔnikɔ Maa-ŋuŋ 29:25

Yai-Laa ə Salomɔn kɛnɛ̨ kpɔ kpąą Israɛlə nuą kəlee ɲɛ̨i ɓa, ɛlɛɛ ə nwɔ tɔɔlaai mąąɲįnɛ̨n gɛ mą, ɲɔ̨nwɔ̨mąn və ta kɛli mą a Israɛlə tɔɔmun da.

Nwun mąąɓo 18:10

Ɓɛlɔwai ka həli la laa, ka káá lii həlii nu huwu ta pɔɔli, nwəli pulu laɠiɛ. Nɔi laa təɛi, mąąhɔlɔɓo, Yálá aa nąą tɛɛ ka pɔ. Gaa a lɔi hɛn gəlee a lɛlɛ ɉu hɛn gəlee kaa laa.»

Dutɛrɔnome 28:43

«Nwɛ̨ąąi di kaa heeni ka kɔ́wɔ mɛ̨i, di hvaŋą ta lɔ ɓə a kɛ laai mɛ̨i, yɛ tɛɛ ka wɛi ɓa, kaa lɛɛ pulu pələ, ka wɛi yɛ tííkpə lɔ yələ kəlee.

Dutɛrɔnome 28:33

Ka wɔ hihɛnŋąąi ɓa, da ka kɛ kóló dɔlɔ, a lɛɛ a nu huwui ka hvo di kɔ́lɔn di kɔ̨nɔ̨n. Ka kɛ lɔ a nu huwui da di yee pənə ɉu, diɛ giin-giin.

Ikilisiati 5:13

Kɛlaa, nwɔ hɛn gɔwi tii hu ə kala mɛ̨nį walawala ta hu. Ɓɛlɔwai ə lon ɉulɔnu hɔlɔɓo la, hɛn da hvo kɛa kɛ ɲəi.

Azaya 55:2

Lə mɛ̨nį ɓa yai ka ka wɔ walii hukala, ɉɛn hvo a kɔ̨nɔ̨n bulu, kaa kóló kɛ ɉɛn hva nu pilɛ bulu? 'Ka ka wəli tɔɔ, ka nwóó mɛ̨n, ɛlɛɛ, kaa pɛli kɔ̨nɔ̨n mįi, kaa pɛli ka lii hon gɔ̨nɔ̨n nɛɛɠaa mįi.

Ikilisiati 5:18

Yili pulu, Yálá a hɛn gɔw da yee la hvólón dɛɛ nu pɔ, mąą nu yɛ pɛli gɛ kóló dɔlɔ kulɔi, yili kaa a Yálá yəi mɛ̨inɛ̨ɛ̨.