Ikilisiati 6:12 - Yálá laawoo hɛɓɛ (dc)

¹² Yɛ bələi nu yii hvóló hu hvo kwɛa li li la, yii nɛlɛɛ nu lonnii mąą mɛ̨nį ɓa, gbɛɛ ɓə a pɛli nɛi diɛ, ɲíi kuu kpuɔ lon ŋɛ̨i yee mu? Nu hva pɛli ɉaa pulu mɛ̨nį kaai.

Yálá laawoo hɛɓɛ

¹² Yɛ bələi nu yii hvóló hu hvo kwɛa li li la, yii nɛlɛɛ nu lonnii mąą mɛ̨nį ɓa, gbɛɛ ɓə a pɛli nɛi diɛ, ɲíi kuu kpuɔ lon ŋɛ̨i yee mu? Nu hva pɛli ɉaa pulu mɛ̨nį kaai.

Bible

¹² Gbɛ̂ɛ ƃa pɔ̂ri núu-kpune nîa-sãa kɔ́lɔnîi ŋ̀éniɛi ŋí su nyii a tɛ̂ɛ nɔ́ mãla yɛ̂ɛ ninîŋ? Gbɛ̂ɛ ƃé m̀ɛni-ŋai kɔ́lɔŋ pâi kɛ̂i ŋ̀éniɛi su zaá pôlu mai?

Ikilisiati 6:12 Referans Kwoze

Zĩi 4:14

Yaan, yii tinąą pai kɛi a káá, ká hvo gɔlɔn. Mąąhɔlɔɓo, ká káá lɔ yɛ luwu-luwui a pu lɔ ti a lɔwai logolo tiipə, naa tawolo a gə, aa kpɛɛ.

Ikilisiati 3:22

Yili ɓa, yii ŋą́ gaa ya ka: Yii lɔ nɛlɛɛ nu lonnii diɛ, ya ɓaa: Di di ɲąąnɛ̨ɛ̨ kulɔ di kɛ kóló hu. Yii lɔ mąąnɛ̨ɛ̨ ə gwəinɛ̨ɛ̨ ɉu, yaa lɔ li. Mąąhɔlɔɓo, mɛ̨nįi pai tɛɛi nu haa pulu, hva lɛɛ heeni hvo gaa!

Zôo 14:2

Gaa lɔ yɛ wulu powai a kulɔ, yɛ yohva; gaa lɔ yɛ nįnįn, a kulɔ, ɛlɛɛ hva lamun.

Mąątɛ̨nɛ̨ 144:4

Nu kaa lɔ yɛ hvaŋą, nwɔ yɛnɛ̨ɛ̨ ə ɓo yɛ nįnįn a tɛɛ.

Ikilisiati 8:13

Nwąnąlɔmun nwɛi, hva pɛli kɛi a lúwɔ́ lon. Nwąnąlɔmun a tɛɛ yɛ nįnįn, a lɛɛ a nu nwunu, ə haa, mąąhɔlɔɓo, hva ɲɔw Yálá ɓa.»

Ikilisiati 8:7

mɛ̨nįi pai kɛi tínąą, gu hvo gɔlɔn. Bələi mɛ̨nįɠaa kaa pai kɛi la, gbɛɛ ɓə a pɛli nɛi guɔ?

Zôo 8:9

Di gu kaa lɔ wɛi, gu hvo ni mɛ̨nį ta kɔ́lɔn, mąąhɔlɔɓo, gu wɔ yɛnɛ̨ɛ̨ kaa kpɔlɔ ni yɛ nįnįn a hiɛ lɔi ɓa.

Kɔlɔnikɔ Maa-ŋuŋ 29:15

Gbala ə tɔɔ, ku kaa Ə́ ɲɛ̨i mu yɛ nwɛ̨ąą, yɛ tɛɛ nuą, lɔ yɛ ku nąnni kəlee di kɛ la. Ku yíi hvólóɠaai ɓɛ ku yəi yɛ̨nɛ̨ɛ̨, di kaa yɛ nįnįn, ɲali bulu hvo mą.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Ikilisiati 9:6

Di wɔ wɛlikɛmąąlaa, di wɔ wɛlikpɛɛmąąlaa, di wɔ tolo kulaa, gəlee daa haa. Mɛ̨nįɠaai kɛi lɔi mɛ̨i, di wɔ nąą hvo ɉu.

Ikilisiati 2:3

Ŋą́ naa gwə́i gɛ́ diɛ: «Gáá lɔɔ kpəlɛɛ ɲąąnɛ̨ɛ̨ kwɛlii mą, ɛlɛɛ, ŋą́ kilikpɛɛgwəi nuą pɔɔ kɔ́ɔn; kɛlaa, gɛ́ gbɔ́wɔ́ hu hon, níi yɛ lɛɛ kili pələ mɛ̨i; mɛ̨nįi kpɔ nuą da gɛ ɓɛ lɔi mɛ̨i di hvulú kɔ́wɔ ŋą, ŋą́ kɛ bɔ ŋą́ yiliɠaa kɔ́lɔn.»

Mąątɛ̨nɛ̨ 109:23

Gáá lii lɔ, yɛ nįnįn a lɔ gbąin, di kaa gbɛ́i, yɛ peelə.

Mąątɛ̨nɛ̨ 102:11

Mąąhɔlɔɓo, yáá Ə́ liiholi bɔ́ ɓəɠə-ɓəɠə, Yáá dɛ́ yələi, Yáá bílí kwɛa la.

Mąątɛ̨nɛ̨ 17:15

Nwɛ́i, tələnmolaa hu ɓə gáá pai ə́ ɲɛ̨ilai kaai laa, ŋą́ pa ŋį́nąą ɓoi, ŋą́ pilɛ a ə́ ɲɛ̨ilai.

Mąątɛ̨nɛ̨ 4:6

Ɉaláái dɔn ə ɉuhvɛli, 'ka gulɔ a tələnmolaa, ɛlɛɛ, 'ka ka kilitɔɔ Yai-Laa ɓa.

Zôo 14:21

Mąąwiɛ ə mą kɛa kɛ nonnii diɛ, hvo gbaɠala kɔ́lɔn, yagalan a hvə diɛ, gbaɠala hvo mą.

Mise 6:8

Ə kə hulɔnu! Mɛ̨nįi nɛlɛɛi, yii Yai-Laa kaa gwɛlii ə́ yəi, daa nɛ yɛ́, hɛn da kpɛli hvəi, túwɔ́ a tɛ̨ą kpaalə, lɛɛ nwoo pulu laa wɛli la kɛ, kɛ gili-gili yɛ́ ka Yálá ka lɔwai mɛ̨nį hu,

Mąątɛ̨nɛ̨ 89:47

Yai-Laa, ə́ kaa pai lɛɛi ə́ loo pələi ə lɛɛ ɉu mįnɛ̨ lɔwai? Ə́ lii kaa pai lɛɛi a ɉoliɛ ku pɔ, ə lɛɛ ɉu mįnɛ̨ lɔwai?

Mąątɛ̨nɛ̨ 47:4

A nu huwuɠaa lɔ ku yee mu, yɛ nukanŋaa pɛlɛ ku kɔ́wɔ mu.

Mąątɛ̨nɛ̨ 16:5

Yai-Laa, gwɛ́lin maa a yɛ́, nwɛ́i ɓaa a yɛ́! Nwɔ́ yɛnɛ̨ɛ̨ kaa ə́ yee-kɔnma.

Ikilisiati 2:24

Mɛ̨nį ɲąąnɛ̨ɛ̨i lɔ gaa nu yəi, ya ɓaa: Ə kɔ̨nɔ̨n mįi, ə gbələ, ɛlɛɛ, ə gwəinɛ̨ɛ̨ kɛ kóló dɔlɔ hu. Ŋą́ gaa gɛ́ diɛ Yálá ɓə a nu kɔ́ a yili.

Ikilisiati 6:11

Bələi lɔ gwa hɛatoo la kɛnɛ̨, bələ lɔ ɓə gwa lan na. Yili dɔlɔ ɓaa a lə?

Ikilisiati 7:15

Ɲíi kuu kpuɔ lon ŋɛ̨i ŋą́ gɛ lɔi mɛ̨i, yii ŋį́ gílí lɛɛ ɉu, ya ɓaa: mɛ̨nį kəlee da pɛli kɛi. Nu haŋąą a tee kpə, bələi mąn ɉaŋąąi la. Nwąnąlɔmun yɛ lamun yɛnɛ̨ɛ̨, bələi mąn nwąnąlɔi la.

Ikilisiati 9:9

Ə́ wɔ yɛnɛ̨ɛ̨ ɲąąnɛ̨ɛ̨ kulɔ ká ə́ wɛlikɛmąą nɛ̨ą, ɲíi kuu kpuɔ lon ŋɛ̨i Yálá aa dɛɛ ə́ pɔ, ɉu. Yili lɔ ɓə gaa a mɔ̨nɔ̨i ə́ kaa mįi ɓɛ lɔi mɛ̨i, dɔlɔ.

Ikilisiati 10:14

A kɛ tii kɛa, hva kɛa naapilɛ. Yaan, nu hvo ɉaa pulu mɛ̨nį kɔlɔn, gbɛɛ a pɛli nɛi mą?