Ikilisiati 5:7 - Yálá laawoo hɛɓɛ (dc)

⁷ Akɛ ya mąąwɛlimun gaa lɔi diɛ naanɔ̨nwɔ̨ ɓo, diɛ tələnmolaa da mɛ̨nį haŋąą ɓɛlɛkpɛɛ mą, yili hvo ə́ kwəi pili yɛ́. Mąąhɔlɔɓo, nu kɛnɛ̨ ta kaa nu kɛnɛ̨i tii nwun mɛ̨i, yɛ mąąkɔ̨nwɔ̨; gəlee hveelɛi nwun mɛ̨i, nu kɛnɛ̨ takpɛli kaa laa.

Yálá laawoo hɛɓɛ

⁷ Akɛ ya mąąwɛlimun gaa lɔi diɛ naanɔ̨nwɔ̨ ɓo, diɛ tələnmolaa da mɛ̨nį haŋąą ɓɛlɛkpɛɛ mą, yili hvo ə́ kwəi pili yɛ́. Mąąhɔlɔɓo, nu kɛnɛ̨ ta kaa nu kɛnɛ̨i tii nwun mɛ̨i, yɛ mąąkɔ̨nwɔ̨; gəlee hveelɛi nwun mɛ̨i, nu kɛnɛ̨ takpɛli kaa laa.

Bible

⁷ See-woo da lóno támaa káa nɔ́ kpɛ́ni-kpɛni. Ka ƃaa kɛ́-maa tɛ́ɛ Ɣâla pɔ́.

Ikilisiati 5:7 Referans Kwoze

Maafîu 12:36

Gáá moi kaa, Yálá nwɔ kiti teei lɔwai, nwoo kpɛli-kpɛliɠaai nuą da mo, di hvulú kɔ́wɔ ŋą, da dɛ ɲɛ̨i ɓa kɛ Yálá lííla.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Ikilisiati 8:12

Nɛ̨ŋɛ̨n ɉəɠəmun danɔ̨n gbən a pɛli ə mɛ̨nį ɲɔ̨n damąą bələ kulɔ, Kɛlaa yaamun, yɛ lamun yɛnɛ̨ɛ̨. Ɲą́ą́ gbį́nįi gílí kaa ɉu, gɛ diɛ: «Nuąi da ɲɔw Yálá ɓa, diɛ ɓə di kaa a lúwɔ́ lonnii, mąąhɔlɔɓo, diɛ ɓə Yálá nwɔ Heeɓolaa kɔ́lɔn.

Ikilisiati 5:3

Nu yá ə́ woo kwɛlɛ Yálá ɓa, ə́ mąąhulɔ ə́ bɔ mɛ̨nį kɛ. Mąąhɔlɔɓo, kilikpɛɛgwəi mun nwɛli hvo Yálá ɓa. Yili ɓa, yii yá naa kwɛlɛnmo Yálá ɓa, ə kili lɛɛ ɉu, ə́ bɔ mɛ̨nį kɛ.

Ikilisiati 3:14

Ŋą́ą́ gɔlɔn gɛ́ diɛ: Yálá kɛ mɛ̨nįɠaa da lamun yɛnɛ̨ɛ̨ wɔ-da-wɔ. Nu hva pɛli da pɛlɛi mą, a wala kɛ tii, da kulɔi mą. Ɛlɛɛ, Yálá ə yili kɛ tii, əgɛ, di nwɔ Heeɓolaa kɔ́lɔn.

Hanwon 23:17

Ə́ ɲɛ̨i hvo kulɔ nɛ̨ŋɛ̨n ɉəɠə nuą túwɔ́ pələ pɔ. Kɛlaa, nuąi da ɲɔw Yai-Laa ɓa, ə́ ɲɛ̨i ə kulɔ di túwɔ́ pələ pɔ a yələ kəlee.

Ikilisiati 7:18

Mąąnɛ̨ɛ̨, nu ə nwɔ yɛnɛ̨ɛ̨ kɛ niɛwoo hveelɛi tii mɛ̨i. Mąąhɔlɔɓo, nui a mąąwiɛ tɛɛ Yálá pɔ, mɛ̨nįɠaai tii moɔ, hva pɛli gɛi.

Ikilisiati 8:13

Nwąnąlɔmun nwɛi, hva pɛli kɛi a lúwɔ́ lon. Nwąnąlɔmun a tɛɛ yɛ nįnįn, a lɛɛ a nu nwunu, ə haa, mąąhɔlɔɓo, hva ɲɔw Yálá ɓa.»

Ikilisiati 3:16

Mɛ̨nįi ŋą́ą́ gaa ɓɛ lɔi mɛ̨i, ya ka, ya ɓaa: Ɓɛi Mąąnɛ̨ɛ̨ tələnmolaa da mɛ̨nį haŋąą di hee laa, nąą ɓə nwąnąlɔ a tɔɔlaa kɛ laa.

Ikilisiati 8:9

Mɛ̨nįɠaa kpɔ kɛi ɓɛ yələkɔlɔn mu, ŋą́ą́ mąąkpɛɛ, ŋą́ nu lonnii kaa, diɛ hee di ɓɛlaa mɛ̨i, diɛ di mɔ̨nɔ̨ɓo.