Ikilisiati 5:6 - Yálá laawoo hɛɓɛ (dc)

⁶ Gwa hįi tamąą kaa, gwa hvaa tamąą nwun və mą, Kɛlaa, kilimąą mun, ə́ wɛi, ɲɔw Yálá ɓa.

Yálá laawoo hɛɓɛ

⁶ Gwa hįi tamąą kaa, gwa hvaa tamąą nwun və mą, Kɛlaa, kilimąą mun, ə́ wɛi, ɲɔw Yálá ɓa.

Bible

⁶ Káfe ǹɛɛ naa kánɛŋ é ká píli sɔnyɔ̂ŋ su. À kɛ̀ tí, ka mó zâla láa-soŋ-nuui ma kâai, “Kúfe gíri ní.” Káfe ǹɛɛ naa Ɣâla é ǹíi ŋwána kâa é ká kɛ́-mɛni su kara.

Ikilisiati 5:6 Referans Kwoze

Zĩi 1:26

Kɛlaa, nu ta a gbɔwɔ kɛ a Yálá kɔ́lɔn mun, a wala nɛ̨n dɔɔ vaa woo tɔwɔ, akɛtii gaa gbɔwɔ ɓowoi, hvo Yálá kɔ́lɔn.

Zɔ̂ŋ Veerɛi 1:8

'Ká ká kpɔwɔ mɛ̨i kaa káá kpinįi, ə gɛ, ká hvo pa hvɛɠɛ a ká kɛ kólo dɔlɔ, kɛlaa yaamun, ká ká hvɛla hɔlɔɓo kpɔ kɛnɛ̨.

Zĩi 3:2

Gu lan bələ huwu tamąąi. Akɛ nu a wala kɛ lan ɉii vaa woo hui, gaa a nui mąą mɛ̨nį pɛliɛ ɉu, ɲee a pɛli ə gbɔwɔ ɓa.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Zɛnɛse 48:16

a nwɔ malakai kɛi mą́ą́kɔ̨nwɔ̨, 'Ə lúwɔ́ too nɛapɛlɛɛ ŋɛ̨i diɛ. Ɲálái tii ə hvaa mą, di náá kulɔ kala mu; di ną́nni Abrahamə da Isaakə di laa tɛ. Di huwu ə ɓɛlɛ nɔi nąą kəlee.»

Lonon mo 15:25

Ɉaláá laa hɛlimun a nɛ̨ŋɛ̨n mąąhvaalɛɛ woo ɓo, Israɛlə lonnii kəlee mąą mɛ̨nį ɓa, Yálá yɛ kɛa di mąą hvaalɛɛ; hvo gaai ə kɛ a nu tɛɠii nɛ̨ŋɛ̨n. Da pa a ɉaláá hɛn, a kɔ̨nɔ̨n da gələn Yai-Laa ɓa. Ɛlɛɛ, da nɛ̨ŋɛ̨n mąąhvaalɛɛ haláá laa həli Yai-Laa ɓa, di tɛɠii nɛ̨ŋɛ̨n tii mąą mɛ̨nį ɓa.

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

Timote dɔlɔɔ 5:21

Mɛ̨nįi gáá ə́ tíi la a nwą́nąi Yálá ɲɛ̨i ɓa, Jesus Kristə ɲɛ̨i ɓa, da malakaɠaa, ya ɓaa: 'Ə́ kili lɛɛ niɛwooɠaa tii hu a nwalawala laa, 'hvó huyɛɠɛɓo kɛ, hvo da kulɔ ɉu, nu ta mąą mɛ̨nį ɓa.

Korɛntə dɔlɔɔ 11:10

Malakaɠaa mąą mɛ̨nį ɓa, mąąnɛ̨ɛ̨ Nɛ̨ɛ̨nu ə ɓɔlɔ yili nwun ma, ə gɛ, ə nɛ yɛ diɛ gaa ɉilɛ woo mu.

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Levetekɔ 4:2

«Mɛ̨nįi ŋɛ̨i ɓo Israɛlə lonnii diɛ, yɛ́ diɛ: «Nu ta a nɛ̨ŋɛ̨n ɉəɠə dɛɠii pələ, dɔ́nŋąąi Yai-Laa ə naa, mąą nu yɛ mąą kala, mɛ̨nįɠaai tɔ́n gaa mą, yɛ da kɛ,

Levetekɔ 4:22

«Ɲɛ̨itɔwɔ mun a nɛ̨ŋɛ̨n ɉəɠə, yɛ Yai-Laa nwɔ tɔ́n nwooɠaai ta mąą kala dɛɠii,

Hanwon 23:17

Ə́ ɲɛ̨i hvo kulɔ nɛ̨ŋɛ̨n ɉəɠə nuą túwɔ́ pələ pɔ. Kɛlaa, nuąi da ɲɔw Yai-Laa ɓa, ə́ ɲɛ̨i ə kulɔ di túwɔ́ pələ pɔ a yələ kəlee.

Ikilisiati 3:14

Ŋą́ą́ gɔlɔn gɛ́ diɛ: Yálá kɛ mɛ̨nįɠaa da lamun yɛnɛ̨ɛ̨ wɔ-da-wɔ. Nu hva pɛli da pɛlɛi mą, a wala kɛ tii, da kulɔi mą. Ɛlɛɛ, Yálá ə yili kɛ tii, əgɛ, di nwɔ Heeɓolaa kɔ́lɔn.

Ikilisiati 10:12

Kilimąą mun vaa woo a mąąwiɛ nuą lɔwai, Kɛlaa, kilikpɛɛgwəi mun vaa woo a mɛlɛkpɛɛ mą nu lɔwai.