Ikilisiati 5:16 - Yálá laawoo hɛɓɛ (dc)

¹⁶ Yili pulu, nwɔ yɛnɛ̨ɛ̨ kəlee hu, ɲɔw mɛ̨nį tamąą, líiholi da laanɔ̨nwɔ̨, di nwɔ kɛ yɛnɛ̨ɛ̨ hu kpinį.

Yálá laawoo hɛɓɛ

¹⁶ Yili pulu, nwɔ yɛnɛ̨ɛ̨ kəlee hu, ɲɔw mɛ̨nį tamąą, líiholi da laanɔ̨nwɔ̨, di nwɔ kɛ yɛnɛ̨ɛ̨ hu kpinį.

Bible

¹⁶ M̀ɛnii ŋí káa a lii-too pôlu ŋánaa. Berei nɔ́ da núu-kpune maa sɔlɔ ƃô lai, bere ƃé a lî la pôlu. Ŋɔmɔ̃lɛ-laai kélee káa nɔ́ fãa.

Ikilisiati 5:16 Referans Kwoze

Ikilisiati 1:3

Yɛnɛ̨ɛ̨ nuą da kóló walawalaɠaa kɛ, Kɛlaa, tɔlɔ lə kɛɛ kpɔ ɓə da ɉɔlɔɓo ɉu?

Hanwon 11:29

Nui a wulun bili ɲəi bɛlɛ́n, a pɛlɛ́ lɛɛ a hvaŋą nwɔɔ, kilimąą mun ŋą luwɔ ɓaa kilikpɛɛɲəimun.

Ɉaan 6:27

Kɔ̨nɔ̨n ɲii a kalai, ka hvo kóló kɛ lɔ yili mąą mɛ̨nį ɓa, kɛlaa, kɔ̨nɔ̨n a yɛnɛ̨ɛ̨ hva kpɛɛ tɛɛ nu pɔ, ka yili mąą kóló ɓo. Nu Lon a pɛli ə yili tɛɛ ka pɔ. Mąąhɔlɔɓo, Ną́n Yálá aa mɛ̨nį kəlee nwɔ heeɓolaa tɛɛ bɔ.»

Markə 8:36

Akɛ nu ya yɛnɛ̨ɛ̨ hɛn gɔw kəlee hɔlɔɓo, ə ɉɔ̨nwɔ̨ kɛ a ə nwɔ yɛnɛ̨ɛ̨, yili dɔlɔ ɓaa a lə?

Osia 8:7

Di kaa hvaŋą hin ɉii, di kaa pai tulɔ hvaŋą hɔlɔɓoi, mɔ̨nun gbaɠa a wala kɛ mą, gɔw hva kɛ ɉu, da a kɛ nwɔ̨nɔ̨ ɉu, nwɛ̨ąą ɓə da mįi.

Ɉeremi 2:8

Ɉaláá laa həli nuą, di hvo kɛli diɛ: «Yai-Laa kaa mi?» Nuąi Yálá nwɔ tɔ́n kaa di yəi, daa ɲagban naa kulɔ, daa lɛ̨ą mą. Nuą ɲɛ̨i tɔwɔ nuą daa tɔɔ ná. Yálá kwəi mɛ̨nį hukulɔ nu, diɛ ɓə kɛa Baalə kwəi mɛ̨nį hukulɔi Di hvilɛn ŋąą kpɛli-kpɛli hɛnŋaa pulu.

Azaya 26:18

Kwaa koo həɠə, kwaa kwəi nwąną kɛ, Kɛlaa gaa lɔ yɛ kwa ku laayɛɛ a hvaŋą, ku hvo pa li a ɓalo mɛ̨nį yɛnɛ̨ɛ̨ pɔ, ku hvo kpɛli pa li a nu nįnɛ̨ lɔi mɛ̨i.

Ikilisiati 5:13

Kɛlaa, nwɔ hɛn gɔwi tii hu ə kala mɛ̨nį walawala ta hu. Ɓɛlɔwai ə lon ɉulɔnu hɔlɔɓo la, hɛn da hvo kɛa kɛ ɲəi.

Samuɛlə dɔlɔɔ 12:21

Ka hvo həɠə bulu, yili a kɛ a ka hvilɛn ŋąą kpɛli-kpɛli mɛ̨nįɠaa pulu, yiiɠaai tɔ̨nɔ̨ hvo diɛ, di hva pɛli nu kulɔ mɛ̨nįi, mąąhɔlɔɓo, di hvo a hɛn da.

Korɛntə dɔlɔɔ 16:16

'Ká lɛɛ nu ɓɛlɛmąąɠaa tii woo mu, da nuąi kóló kɛi kee ɓa, di yee ə ɓo mɔ̨nɔ̨ tɔ̨nɔ̨ hu.

Ikilisiati 2:11

Yili pulu, ŋą́ą́ gaa, kólóɠaa da mɔ̨nɔ̨ɠaai kpɔ ŋą́ mįi, yii lɔ ŋą́ gɔlɔn, ya ɓaa: Gəlee kaa lɔ a kpɛli-kpɛli mɛ̨nį, yɛ nu aa kɛi hvaŋą tənən dɔɔ. Nuą kɛ mɛ̨nį yɛnɛ̨ɛ̨, dɔlɔ leelee hvo mą.

Ikilisiati 3:9

Tɔlɔ lə kɛɛ kpɔ ɓə kóló kɛmun a ɉɔlɔɓo nwɔ mɔ̨nɔ̨ mįi hu?