Ikilisiati 5:14 - Yálá laawoo hɛɓɛ (dc)

¹⁴ Bələi lɔ tii nee ə gaa la, a gbuwulu, bələ lɔ ɓə ə həɠə la lɔi mɛ̨i, hɛn da hva lɛɛ ɲəi. Gɛ kólóɠaai ə kɛi gɛ, hva dɔlɔ kulɔ, Mąąhɔlɔɓo, hɛn da hva lɛɛ ɲəi yɛ bulu pənə la.

Yálá laawoo hɛɓɛ

¹⁴ Bələi lɔ tii nee ə gaa la, a gbuwulu, bələ lɔ ɓə ə həɠə la lɔi mɛ̨i, hɛn da hva lɛɛ ɲəi. Gɛ kólóɠaai ə kɛi gɛ, hva dɔlɔ kulɔ, Mąąhɔlɔɓo, hɛn da hva lɛɛ ɲəi yɛ bulu pənə la.

Bible

¹⁴ Gula-dia mɛni kpanaŋ nyɔ́mɔɔ a gɛ̀ dí m̀aa sɛŋ kɔ́lɛ zu. Sɛŋ da fa lɛ̂ɛ naa dínîa-pɛlɛɛi mɛni ma.

Ikilisiati 5:14 Referans Kwoze

Egaa 1:9

Ə kɛ ka kwəi, ka káá pai hɛn gɛnɛ̨ hɔlɔɓoi ka yəi ɲɛa, kɛlaa, diikpə lɔ ɓə ka ɉɔlɔɓo, kaa paa la ka yəi bɛlɛ́n. Yii woloi nwɔ̨nɔ̨ ka paa la, ŋį́ hvaŋą hee ɉu, ɉu ə taɠa taɠa. Lə mɛ̨nį ɓa yili a kɛ tii? Ɲą́ą́ Yai-Laa Mɛ̨nį Kəlee ŋą Hééɓomun, gɛ́ kaa: Nwɔ́ pɛlɛ́i ŋɛ̨i aa pu, mąą mɛ̨nį ɓə gɛi. Kɛlaa, kaa ka kpɔwɔ pɛlɛ́ɠaa pɛli a nɛlɛɛ.

Ikilisiati 2:26

Yaan, nui nwɛli kaa Yálá ɓa, a gɔ́ a kili, mɛ̨nį kɔ́lɔn ŋąą, nwun gɛ ɉu laa da yíi la nɛ̨ɛ̨. Kɛlaa, a kóló laa nɛ̨ŋɛ̨n ɉəɠəmun nwuɔ̨, yili yɛ hɛn gwɛli a nui nwɛli kaa Yálá ɓa, nwɔɔ. Yili yaa kpɛli gaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Hanwon 23:5

Mąąhɔlɔɓo, ɓɛlɔwai ə́ ɲɛ̨i a tɔɔ la mą, yɛ́ kɛ yaa ɉon, nąąlɔwai ɓə a kwɛlɛɛn na, a kɛ yɛ goon a kɛ mą, ə koon yɛ tɛ yələ kwəi yɛ nwɛ̨nį kɛnɛ̨.

Mąątɛ̨nɛ̨ 39:6

Hvo gaai, yáá nwɔ́ hvólóɠaai hu kpuwɔ kɛnɛ̨, ɛlɛɛ, nwɔ́ yɛnɛ̨ɛ̨ kaa kpɔ a lə, ə́ ɲɛ̨i ɓa? A tɛ̨ą, nu hu kilinŋąą kaa lɔ ə́ ɲɛ̨i ɓa hvɔan-hvɔan, yɛ hvaŋą.

Zôo 5:5

Yaai tii, ɉɛn ə ɉɔlɔɓo, ə lɛɛ a nuąi pulu kaa diɛ di kɔ̨nɔ̨n! Bələi mąn ɲąąlən gala tinɛ̨n ŋąą la gwɛlin ma, nuą di ɉəɠə. Pulu koloon ma nuą di gwɛli ɉəɠə.»

Tɔɔɓɛlaa dɔlɔɔ 14:26

Ə Yai-Laa nwɔ pɛ́lɛ́i mu hɛnŋąą kəlee həɠə, da tɔɔmun ɲəi bɛlɛ́n hɛn gɔwɠaa, ə gəlee həɠə kpɔ tɛ̨ɛ̨tɛ̨ɛ̨, ə mą kɛ, gɔ́kɔ gbalaɠaai Salomɔn ə bɛli a ɉɛni, ə gəlee həɠə.

Samuɛlə dɔlɔɔ 2:36

Ɛlɛɛ, ə́ yəi bɛlɛ́ nuą gbəliɠaai pai lɛɛi, di kaa pai kɛi pɛlɛi nií la, wali logolo mɛ̨nį ɓa, da kɔ̨nɔ̨n nogolo mɛ̨nį ɓa, diɛ kɛ mą: Nán! Dɔ́ɔ́ ɉaláá kulɔ kóló ta ɓa, gɛ́ kɔ̨nɔ̨n ɉɔlɔɓo, gɛ́ mįi.›»

Ikilisiati 5:13

Kɛlaa, nwɔ hɛn gɔwi tii hu ə kala mɛ̨nį walawala ta hu. Ɓɛlɔwai ə lon ɉulɔnu hɔlɔɓo la, hɛn da hvo kɛa kɛ ɲəi.

Ikilisiati 5:15

Yili kaa a mɛ̨nį ŋąąnwąnąą kɛnɛ̨ɛ, mąąhɔlɔɓo, ə həɠə lɔi mɛ̨i yɛ bələi lɔ ə paa la. Tɔlɔ lə kɛɛ kpɔ ɓə ə ɉɔlɔɓo? Gɛ kóló ə tɛɛ lɔ yɛ hvaŋą.

Zôo 1:21

Yɛ diɛ: «Bələi lɔ néé ə gaa la a gbúwulu, bələ lɔ ɓə gáá pai pənəi la. Yai-Laa ɓə gɔ́. Yai-Laa ɓə pənə ə ɉəɠə. Mąąwiɛ ə kɛ Yai-Laa laa ɓa.»

Mąątɛ̨nɛ̨ 49:18

Mąąhɔlɔɓo ɉaai lɔwai a həli, hvo pai lii a hɛn da; da nwɔ mąąwiɛlaai di hva li a gee.