Ikilisiati 4:1 - Yálá laawoo hɛɓɛ (dc)

¹ Mɛ̨nį nwɔ̨nɔ̨i ŋą́ gaa yələkɔlɔn mu, kɛɛnąą tamąą ɓa, ya ka, ya ɓaa: Mɛ̨nį kpəlaan ŋąąi nuą da gɛ lɔi mɛ̨i. Nuą da kɛ mɔ̨nɔ̨ laai di ɓɛlaa mɛ̨i, yiliɠaai diɛ wɔlɔ di yəi, Kɛlaa, nu hva hɔlɔɓo hvo di mąą kpɔmąą ɓo. Ɉeemɛ̨i nuą tii ɓə huwalawala kaa di yəi, diɛ pɛli kpɔmąą kɛi, Kɛlaa, di tɔ̨nɔ̨ kpɛli hva kpɔmąą tɛɛ mɔ̨nɔ̨ mįi nuą tii pɔ.

Yálá laawoo hɛɓɛ

¹ Mɛ̨nį nwɔ̨nɔ̨i ŋą́ gaa yələkɔlɔn mu, kɛɛnąą tamąą ɓa, ya ka, ya ɓaa: Mɛ̨nį kpəlaan ŋąąi nuą da gɛ lɔi mɛ̨i. Nuą da kɛ mɔ̨nɔ̨ laai di ɓɛlaa mɛ̨i, yiliɠaai diɛ wɔlɔ di yəi, Kɛlaa, nu hva hɔlɔɓo hvo di mąą kpɔmąą ɓo. Ɉeemɛ̨i nuą tii ɓə huwalawala kaa di yəi, diɛ pɛli kpɔmąą kɛi, Kɛlaa, di tɔ̨nɔ̨ kpɛli hva kpɔmąą tɛɛ mɔ̨nɔ̨ mįi nuą tii pɔ.

Bible

¹ Ŋá ŋ́gili ŋá sìa ŋá gáa a gɛɛ wôya mɛni támaa káa ŋ̀éniɛi ŋí su. Ŋá ǹúui da-ŋa kàa wɔ̂lɔi núu fé naa é díŋaa nɛnɛ. Núu da fé naa é kpɔ́ŋ dîa kpɛ́ni fêi, ǹûai dí lúanii, díwala-walai a ŋánaa.

Ikilisiati 4:1 Referans Kwoze

Ikilisiati 3:16

Mɛ̨nįi ŋą́ą́ gaa ɓɛ lɔi mɛ̨i, ya ka, ya ɓaa: Ɓɛi Mąąnɛ̨ɛ̨ tələnmolaa da mɛ̨nį haŋąą di hee laa, nąą ɓə nwąnąlɔ a tɔɔlaa kɛ laa.

Ikilisiati 5:8

Yii viɛlaɓoɔ lɔi nuą diɛ, ya ɓaa: tɔɔmun da ə kɛ di yəi, yɛ tíi yɛa kóló ɓɛlɛ kɛ mą. Mąąhɔlɔɓo, yɛa kóló ɓə tɔɔmun gɔ̨nɔ̨n a kulɔ ɉu.

Azaya 5:7

Yai-Laa Mɛ̨nį Kəlee ŋą Hééɓomun nwɔ tíi ɓaa, a Israɛlə nwɔ pɛ́lɛ́i, hihɛn yii nwɛli ə kɛ mą kpɔ kɛnɛ̨, ya ɓaa a Ɉuda nu huwu, ɲɛ̨i ə kɛ təlimo laa tɔwɔ, kɛlaa wea mɛ̨nį ɓə aa gaa, ɲɛ̨i ə kɛ tɛ̨ą tɔwɔ, yiihu kɛa mąąwɛli nuą wɔlɔ woo ɓə tɔɔi.

Zĩi 5:4

'Ká ɓɛ kaa tai! Nuąi kɛi kólo kɛ ka yəi ɲɛa, di halai ká ká yee kanąn mą, gaa tomąi, góló kɛ nuą wɔlɔ woo aa too Mɛ̨nį Kəlee ŋą Hééɓomun nwəlii.

Maafîu 26:56

Kɛlaa yili ə kɛ tii, ə gɛ, mɛ̨nįɠaai Yálá kwəi mɛ̨nį hukulɔ nuą di mo naa ə hon.» Nąąlɔwai galan nɛa kəlee di nɛɛ laa, di pu.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Woolaa 1:9

Nwɔ mąąliɓii hɛlɛnŋąą mąą həɠə won mą. Gili hvo kɛ mą, yɛ kɛ ɲąą kaa pai kɛ kpɛɛi ŋɛ̨i. Aa too kpɔ, muhəɠə mun və mą, «Yai-Laa! Ə́ ɲɛ̨i hee mą́ą́ tai! Ɲówó yee aa tɛɛ mą́ą́!»

Woolaa 1:2

A yíi lɔ wɔlɔi. Ɲɛ̨iyá hva kpɛɛ ɲɛ̨i. Nwɔ wɛliɠaa lɔwai naapilɛ mun və laa. Mɛlaa kəlee daa mowo, daa kɛ a ɲowoɠaa.

Azaya 51:23

gáá pai nɔɔi tii tɛɛi ə́ mɔ̨nɔ̨ ɓo nuą pɔ, diɛi tii kɛi kɛ yɛ́: «'Pɛlɛ, ə gɛ ku tɛɛ», ɛlɛɛ yɛ́ kpɛli yɛ́ ə́ hɛ̨ą kɛ a pələ, a nuą tɛɛ kpaalə.

Mąątɛ̨nɛ̨ 42:9

Hvóló ɲą, Yai-Laa ə kɛi ɉón a tələnmolaa, kwiihɛ̨ą, ŋą́ kɛi Naa tɛ a wələ woo, gɛ́ Yálá hvɛli, yai tii a nwɔ́ yɛnɛ̨ɛ̨.

Mąątɛ̨nɛ̨ 42:3

Yálá ə́ mąą pulu aa ɉón, Yɛ́i a Yálá hvulúmąą. Lə yələ ɓə ŋą́ pai lɔi la, gɛ́ tɔɔ Yálá lííla?

Mąątɛ̨nɛ̨ 12:5

A nuą tii da kɛ kɛi diɛ: «Ku laaləi a mɛ̨nį nɛ̨ɛ̨ kuɔ, ku nɛ̨n dɔɔi ku pulu, gbɛɛ ɓə ɲee a pɛli kuɔ, ə hee ku mɛ̨i?»

Zôo 35:9

Nuą da ɲiŋɛ hee mɛ̨i laa mu diɛ tomą, di mɔ̨nɔ̨ ɓo nuą yəi

Azaya 59:7

Mɛ̨nį ɲɔ̨n mə di kɔ́wɔ a mąą gilɛ həɠə, da kɛ gilɛ həɠəi, diɛ li kwəi kwələmun ɲąmą pu mɛ̨nį ɓa, di kwəi kiliɠaa kaa a mɛ̨nį ɲɔ̨n gɛ kili, ɓɛi da tɛɛ laa, kɛɛ kalaa, hɛn ɉu wolɔɔ ɓə da di lɛɛ laa.

Malasi 3:18

Nąąlɔwai tii hu, ka gaa, bələi ɓɛla ɓo kaa la nu haŋąą da nwąnąlɔ mun di lɔwai a nįnɛ̨. Ɓɛla ɓoi gaa, nuąi da tí Yálá ɓa, da nuąi di hva tí mą di lɔwai.

Malasi 2:13

Yii nwɔ̨nɔ̨ ka kɛ gɛi, ya ka: Ɓɛi ŋɛ̨i ka ɉaláá kulɔ laa, ka nąą yɔwɔ a ka ɲɛ̨iyá, káá ka woolaa. Mąąhɔlɔɓo, Yálá hvo kɛa ɲɛ̨i heei ka wɔ haláá hɛnŋaai diɛ, hvo kpɛli gaai a hɛn da.

Ikilisiati 7:7

Yaan, mɔ̨nɔ̨ laa nu mɛ̨i a kilimąą mun gɛ yɛ ɓowo mun, nɔgwəi hɛn gɔw a nu nwɔ tələnmolaa kulɔ ɲəi.

Hanwon 28:3

Ɲąąwooɓo kɛmun hɛn və ɲəi, ɛlɛɛ, yɛ ɲee pɛ̨nɛ̨ mąąwɛli nuą hu, gaa yɛ kɛɛ kala tulɔi hva kɔ̨nɔ̨n nɛɛ bulu.

Mąątɛ̨nɛ̨ 142:4

Ɓɛlɔwai vį́nna a tɔn na, ɓɛi ŋą́ li laa, yɛ́ ɓə nąą kɔ́lɔn; bələi ŋą́ kɛ tɛɛi ɉu, daa ɓaalə tɛ ɉu dɔ́wɔ.

Mąątɛ̨nɛ̨ 80:5

Yai-Laa Mɛ̨nį Kəlee ŋą Hééɓomun Yálá! Ə́ kaa pai lɛɛi Ə́ líiholii, yɛ́ ə́ lii tee ə́ wɔ nuąi di wɔ hvɛliwooɠaai diɛ, ə lɛɛ ɉu mįnɛ̨ lɔwai?

Mąątɛ̨nɛ̨ 69:20

Ə́ kili kaa ɉu Yɛ́, da kɛ nálán ɉii, mɛ́lɛ́ aa kpɛɛ mą́ą́, ɲɛ̨́i mąą aa luwu, a nwumɛ̨, ɲówóɠaa kəlee kaa ə́ ɲɛ̨i ɓa.

Zôo 16:4

Ee! Ɲą́ą́ gbɛli, gáá pai nwóó ɲąąlɛi, yɛ bələi lɔ ka káá gɛi la. Mɛ̨nįi ŋɛ̨i naa mą́ą́, akɛ kɛ kaa li, ɲą́ą́ gbɛli, ŋį́ pɛli kɛ ŋį́ woo hukulɔ mąąhəɠɛɛ kɛ kaa, gɛ́ nwún mu pili ka mɛ̨i.

Zôo 6:29

Ka pənə ka haŋą, nu ta hvo kɛa hulu kɛ. Gáá kpɔ moi kaa, ka haŋą. Nwɔ́ tələnmolaa hu yɛ ə kala.

Nwun mąąɓo 4:3

Israɛlə nuą di wɔlɔ Yai-Laa ɓa, mąąhɔlɔɓo, kɔ́ wotolo nwun mɛ̨inąąn ə kɛ Sisera yəi, ə ɓo a kwɛli, ɛlɛɛ, aa kɛ hee Israɛlə nuą nwun mɛ̨i kpɔ a nwalawalaa, kwɛlan bow hveelɛ yee mu.

Dutɛrɔnome 28:48

ka lɛɛ ka yowoɠaa yee mu a di wɔ luwɔɠaa, diɛi Yai-Laa ka wɔ Yálái a di ŋąątɔɔ kaa. Pulu da kpələ wɛli diɛ ka kɛlɛ, ka lɛɛ a ka kpuwulu, ka hvɛɠɛɛ a hɛn gəlee. Yai-Laa a nwun ma wulu laa ka kɔ́n bulu, yɛ ɓo a kwɛli, ə lɛɛ ɉu ka huwu ə pu.

Dutɛrɔnome 28:33

Ka wɔ hihɛnŋąąi ɓa, da ka kɛ kóló dɔlɔ, a lɛɛ a nu huwui ka hvo di kɔ́lɔn di kɔ̨nɔ̨n. Ka kɛ lɔ a nu huwui da di yee pənə ɉu, diɛ giin-giin.

Lɛɛ gbɔwɔ ɓa 1:22

Tɔɔmun yɛ nwɔ lɔi hu nuą kəlee diɛ: «Hebreuɠaa da lon ɉinąą hɔlɔɓo, 'ka Nilə kɔ́ la, a kɛ a nɛ̨ɛ̨nu, 'ka nɛɛ a vulú.»

Lɛɛ gbɔwɔ ɓa 1:16

«Ka lɛɛ Hebreu nɛ̨ąą tii ta kwɛlɛ, yɛ kwəinwąną kɛ, non a kɛ a hulɔnu, 'ka baa. Akɛ a nɛ̨ɛ̨nu, 'ka nɛɛ a vulú.»

Hanwon 19:7

Yeehowolomun gaayɔɠoa da nwɛli kpɛɛ diɛ. Gu hvo mun, kɛ mɛlaa yiiɠaai da di mąą kwɛa mą. Ɓɛlɔwai a kɛ pɔ ə mɛ̨nį too la diɛ, di hva kɛa kɛ laa.

Ikilisiati 8:9

Mɛ̨nįɠaa kpɔ kɛi ɓɛ yələkɔlɔn mu, ŋą́ą́ mąąkpɛɛ, ŋą́ nu lonnii kaa, diɛ hee di ɓɛlaa mɛ̨i, diɛ di mɔ̨nɔ̨ɓo.

Ɉeremi 16:7

Nui haa a too mą, di hva li bɔ a kɔ̨nɔ̨n. Ə mą kɛ, nee a haa, a wala kɛ tii, nąn a haa, di hva ɉaa lɔɔ pu.

Woolaa 1:16

Yili mąą mɛ̨ni ɓə gáá wɔlɔi la. Ɲɛ̨́ikɔw aa ɲąmą tee. Mąąhɔlɔɓo, níílaa mun mąą aa kwɛa mą́ą́. Yaai kɛ a pɛli níílaai, ə níí too ɉu. Ɲówó hvaŋą kɛnɛ̨ pələ ɓa, nónnii nwun na aa pili.

Zôo 9:24

Da lɔi tɛŋɛn gwɛlɛ ɓowo mun ma, Yálá a nɔi ti hu kiti tee nuą kili mɛ̨i pɛlɛ. A wala kɛ a yaa, gbɛɛ ɓə a pɛli yili kɛi?

Mąątɛ̨nɛ̨ 69:21

Lalan aa níí yali gwə́, yili kaa mą́ą́ a ɲɔ̨n gbɔ kpɔɔ, ɲɛ̨́i ə kɛ níí laamun dɔwɔ, ya ka və́ gaa li, ə mą kɛ gbɛlaɓonuą, və́ da hɔlɔɓo li.

Mąątɛ̨nɛ̨ 142:5

Ə́ ɲɛ̨i hee ɓa-mįi-yee hu pələ, gɛɛ kaa, nu ta hvo kɛa gɔ́lɔn! Ɓɛi kpɔ ŋį́ noo laa, nąą hvo mą, mą́ą́ kiliŋąhiɛ hvo nu ta lɔpee ɓa!

Hanwon 29:2

Ɲąąwooɓolaa a kɛ tələnmo nuą yəi, nɔi a kɛ liilaa hu. Kɛlaa, tɔɔlaa a kɛ líiɲɔ̨n gwəimun ɲəi, nuą da kɛ ɲiŋɛi di huwɔ hu.

Woolaa 1:17

Siɔn taa aa ɲee haŋą. Nu hvo ɲəi hvo niilaa, Yai-Laa aa Ɉakɔbə kwɛlɛ nuą kəlee kɛ a ɲowoɠaa. Ɉerusalɛmə aa kɛ di lɔwai yɛ kala pilii.

Amɔsə 3:9

Ka noloi ŋɛ̨i ɓo Asdɔdə lɔi dɔɔ kwəliɠaa hu, ka mo Eziptə lɔi dɔɔ kwəliɠaa hu, kaa mą: «Ka ka ɲąą kpɔn Samari taa nwɔ yeeɠaai ɓa, ka daa tii nwɔ kɛɛ kalaaɠaa mɛ̨i kaa, da nwɔ toomɛ̨i kɛɛ.»

Amɔsə 3:10

Yai-laa yɛ diɛ: «Samari hee ɓo nuą di hvo mɛ̨nį haŋąą kɛ pələ kɔ́lɔn, yiiɠaai kpɔ da ɉɔlɔɓo toomɛ̨i hu, ya ɓə da nɔ di wɔ tɔɔ pɛlɛ́ɠaai mu.»