Biblia Todo Logo
Bib sou entènèt

- Piblisite -




Ikilisiati 3:8 - Yálá laawoo hɛɓɛ (dc)

8 Wɛlikɛmąą kɛ yələ kaa mą, wɛlikpɛɛmąą kulɔ yələ yɛ ɓo mą. Kɔ kɔ́ yələ kaa mą, liilaa yələ yɛ ɓo mą.

Gade chapit la Kopi

Yálá laawoo hɛɓɛ

8 Wɛlikɛmąą kɛ yələ kaa mą, wɛlikpɛɛmąą kulɔ yələ yɛ ɓo mą. Kɔ kɔ́ yələ kaa mą, liilaa yələ yɛ ɓo mą.

Gade chapit la Kopi

Bible

8 Wɛli-kɛ-maa kɛ́ tãi káa ma, núu kpɔara tãi kɛ́ ƃò ma. Kɔ́kɔ́ tãi káa ma, li-see tãi kɛ́ ƃò ma.

Gade chapit la Kopi




Ikilisiati 3:8
19 Referans Kwoze  

Hinąą, káán, 'ká ká nɛ̨ąni wɛlilakɛ yɛ bələi Kristə ə Yálá ŋą kpɔn wɛlilakɛ la, ɛlɛɛ, ə gbɔwɔ kulɔ a haláá mąą mɛ̨nį ɓa.


«Nui gaa bɔ ə hvilɛn búlú, mąąnɛ̨ɛ̨ ə mą́ą́ mɛ̨nį hviɛlaɓo ə dɛɛ gaa nuą diɛ, ə dɛɛ nɛ̨ą ɓa da lonnii, ə dɛɛ gaayɔɠaa diɛ, ə mą kɛ gbɔwɔ kpinįi mąą mɛ̨nį. Nui a wala yili kɛ tii, a kɛ tii hva pɛli kɛi a nwɔ́ kalan non ta.


Salomɔn nwɔ ɲąąwooɓo ə kɛ Eufratə ya voló tooi ɉɛɠɛɛ pələ, kəlee mɛ̨i, ə həɠə Tifsa yɛ li Gaza, dɔɔɓɛlaa kpɔ tii kɛ laa ɲá koo ɓa, gəlee di kɛ Salomɔn yee mu. Nɔiɠaai kpɔ kɛi Salomɔn mąą tinɛ̨n, da diɛni di kɛ nɛ̨ɛ̨laa hu.


Ŋą́ ə́ kɛ-mɛ̨nįɠaa kəlee kɔ́lɔn, yɛ́ kóló kɛ pələ, da ə́ hvaŋąlɔ pələ, ɛlɛɛ, hvá pɛli nwąnąlɔ nuą heei kulɔi. Nuąi da di kpɔwɔ kɛ a kɛlaɠaa, yaan di hvo la, yáá di mąąkpɛɛ, ɛlɛɛ yaan, di hvo kpɔ la, ɛlɛɛ yáá di kaa kpɔ tii a lɛɛ nuą.


Yai-Laa! Akɛtii, nuąi da wɛlikpɛɛmąąlaa kulɔ a yɛ́, vá mɔ̨ɔ̨ pɛli wɛlikpɛɛmąąlaa kulɔi a diɛ? Nuąi da kɛ kɔ́ pɛlɛi yɛ́, ŋį́ di hviiɓo?


Gwɛlɛɛn gɛɛ kaamun Ɉehu a Hanani lon, ə kulɔ yɛ li Ɉosafatə laakwiɛn ɉii, ə li yɛ mą: «Akɛtii nu ɲɔ̨nwɔ̨ɔ̨ɠaa ɓə yá kpɔnmąą tɛɛ di pɔ, ɛlɛɛ, Yai-Laa ɲowoɠaa ɓə yá di wɛlila kɛ? Yili mąą mɛ̨nį ɓa, Yai-Laa nwɔ liiholii kaa pai ɓɛlai ə́ mɛ̨i.


diɛ hilɛtai-nɛ̨ąą mąąkwɛli a di lɛɛ pələ di hilɛni woo mu, diɛ di lonnii wɛlila kɛ,


Bələ ɓə ká pɛli Kristə nwɔ wɛlikɛmąąlaa kɔlɔn ɉii la, yai, kɛnɛ̨i naŋįŋąą dɛɛ, hɛn kpɔ kɔlɔn gaa mą, gəlee mɛ̨i, káá pɛli Yálá mąą mɛ̨nį kəlee ɲąą pɛliɛ hɔlɔɓoi la a mɛ̨inɛ̨ɛ̨, kaa-lon-naa hu.


Gɛ́ɛ́ tɛɛi ə́ kwɛlɛ, ŋą́ ə́ kaa yáá kpɛla kɛa. Ŋą́ nwɔ́ həɠə wəlii ta pɛlɛ ə́ mɛ̨i; ŋą́ ə́ kpuɠulu loo; ŋį́ nwóó kwɛlɛ yɛ́, gwa yɛ́ gu mįnɛ̨ həɠə, ə́ kɛ kɛa a nwɔ́ɔ́. Yai-Laa gu wɔ yálái woo li.


Ɉosue ə nɔi kəlee hon, yɛ bələi kpɔlɔ Yai-Laa ə mo la Moisə ɓa, ə dɛɛ Israɛlə pɔ a ɉee lɔi, ə ɲąąkwɛlɛ Israɛlə huwu hu nuą lɔwai; nɔi ə liilaa hɔlɔɓo, kɔ́ hvo kɛ laa.


Mɛ̨nį ɲɔ̨n da lɔpee hva ɉeei hɔlɔɓo ɲéé pɔ, nuąi daa lənə Yɛ́ ŋį́ yowolaa kulɔ a diɛ, di túwɔ́ pələ hva pɛli nwún ɉu lan ɉi.


Lɛɛmun nwɛli hvo tələnmomun ma. Kɛlaa, nwąnąlɔmun a nu laa kala, yɛ mɛlɛkpɛɛ mą.


Yii lɔ Yoramə ə Ɉehu kaa, yɛ mą: «Ɉehu! Liilaa mɛ̨nį ɓəi?» Ɉehu yɛ mą: «Akɛ pələ kɛ ləi a liilaa mɛ̨nį? Ya pa, ə́ lee Ɉezabɛlə nwɔ túwɔ́ pələ ɲɔ̨nŋaa, da nwɔ tɔlikpɛ mɛ̨nį daną-danąi di kaa lɔ ni ɉu.»


Ə di kili mąą hvalin di kwəi, diɛ wɛlikpɛɛmąąlaa kulɔ a nwɔ nu huwui, diɛ nwɔ tínuąi ɓowo.


Swiv nou:

Piblisite


Piblisite