Ikilisiati 3:4 - Yálá laawoo hɛɓɛ (dc)

⁴ Nu wɔlɔ yələ kaa mą, nu yɛlɛ yələ yɛ ɓo mą. Woolaa kɛi yələ kaa mą, mąnąkaa yələ yɛ ɓo mą.

Yálá laawoo hɛɓɛ

⁴ Nu wɔlɔ yələ kaa mą, nu yɛlɛ yələ yɛ ɓo mą. Woolaa kɛi yələ kaa mą, mąnąkaa yələ yɛ ɓo mą.

Bible

⁴ Núu wɔ́lɔ tãi káa ma, núu ɣɛ́lɛ tãi kɛ́ ƃò ma. Maloŋ-too-maa tãi káa ma, núu mãla tãi kɛ́ ƃò ma.

Ikilisiati 3:4 Referans Kwoze

Lomaŋ 12:15

Nuąi da kɛ kwəinɛ̨ɛ̨ hu, ka diɛni ka gwəinɛ̨ɛ̨ tii kulɔ, nuąi da kɛi wɔlɔ, ka diɛ ni ka wɔlɔ.

Zĩi 4:9

'Ká ká wɔɔ mąąwɛli laa hu kɔlɔn, ká mąą wɛli hee ɓo, 'ká wɔlɔ, 'ká ká wɔɔ yɛlɛ mąą pənə a haa wɔlɔ, ɛlɛɛ, 'ká ká wɔɔ kwəinɛ̨ɛ̨ mąą pənə a nwumɛ̨.

Mąątɛ̨nɛ̨ 30:5

Kaai a Yai-Laa yee pɔ nuą, 'ka naa tɛ wələ too, 'ka mąątɛ̨nɛ̨, kaa nwɔ mąąhəɠəlaa hukulɔ pɔ̨nɔ̨ ŋą.

Lɛɛ gbɔwɔ ɓa 15:20

Yálá kwəi mɛ̨nį hukulɔ nɛ̨ɛ̨nu Miriamə, yai a Aarɔn mąąhala, ə nwɔ hvɛli kɛ hɛn həɠə, Israɛlə nɛ̨ąą kəlee di di wɔ hvɛli kɛ hɛnŋąąi həɠə, di hvilɛn bulu, diɛ mąną, diɛ vɛli kɛ.

Korɛntə veelɛ 7:10

Hvo gaai, liikələn gwəi a həɠə Yálá pɔ yɛ həli nu ɓa, a gɛ, nu ə ɉɔn mąąhvalin malo mɛ̨nį ɓa, hva ɲeekpiɛ too na. Liikələn gwəi a həɠə yɛnɛ̨ɛ̨ pɔ, a nu lɔ haa hu.

Lukə 1:58

Yii kɛa Elisabɛtə gaayɔwɔɠaa da nwɛlikɛmąą nuą di mɛ̨n, diɛ: Yálá aa ɲɛ̨i lɛlɛɛ yee Elisabɛtə ɓa, di kəlee di di kwəinɛ̨ɛ̨ bɔ.

Maafîu 11:17

diɛ kɛ diɛ: ‹Kwaa kwəinɛ̨ɛ̨ tulu hvɛɛ, ka hvo mąną li; kwaa haa too, ka hvo wɔlɔ li!›

Maafîu 9:15

Jesus ə di woo ŋąąpənə yɛ diɛ: «Gaa ka kwəi, nɛ̨ą həɠəmun mɛlaa da mąąwɛli hee ɓo a nɛ̨ą ya yələ? Yili hva kɛ tii. Kɛlaa, gaa pai kɛi a yələ ta, nɛ̨ą həɠəmun tii kaa pai həɠəi di pɔ; nąąlɔwai ɓə da hin nɔ la.

Samia Veerɛi 6:16

Ɓɛlɔwai Yai-Laa nwɔ mįnɛ̨ kəhii ə kɛi həli la Davidə taa, Saulə lon nɛ̨ɛ̨nu Mikalə ə nwun mąą laŋąn, ə tɔɔmun Davidə kaa, yɛ kɔ̨nwɔ̨, yɛ mąną Yai-Laa lííla mɛlɛ ə kpɛɛ gwəi.

Zɛnɛse 21:6

Nąąlɔwai, Sara ə mo, yɛ diɛ: «Yálá aa kwəinɛ̨ɛ̨ yɛlɛ too ná. Nuąi lɔpee pai Isaakə mąą mɛ̨nį bələ mɛ̨n ɉii, di kaa pai yɛ́lɛ́i nwɔ́ yɛ́lɛ́ pɔ.»

Mąątɛ̨nɛ̨ 30:11

'Ə́ wəli tɔɔ nwóó ɓa Yai-Laa! Nɛ̨ɛ̨ yɛ́! Yai-Laa, kɛ a mą́ą́kpɔn mąąɓomun.

Ikilisiati 3:5

Nu da nɛ̨ą di laai lɔwai kaa mą, di ɓɛlaɓoi yələ yɛ ɓo mą. Nu nɛ̨nɛ̨ɓo yələ kaa mą, yələ ta a həli, ə́ lənə nu nɛ̨nɛ̨ɓoɔ ɓa.

Ikilisiati 7:14

Ɓɛlɔwai ɲɛnɛ̨ɛ̨ ɲąą a nɛ̨ɛ̨ la gu yəi, ka gu gu kwəinɛ̨ɛ̨. Ɲąąnwąnąą a həli la guɔ, ka gu gu kiliŋąhiɛ, ɲąąnɛ̨ɛ̨ da ɲąąnwąnąą, Yálá kɛ mɛ̨nį ɓaa a gəlee, Ə yili kɛ tii, əgɛ, nu hvo pɛli Yálá kɛ mɛ̨nįɠaa kpun ɉu kaai.

Azaya 40:1

'Ka nwɔ́ nuąi hvaŋąlɔ, 'ka di hvaŋąlɔ, ka wɔ Yálái woo li.

Azaya 40:2

'Ka Ɉerusalɛmə níí lɔ, 'ka nolo ɓo ə həli mą, kaa mą: Nwɔ luwɔ kóló kɛ hvólóɠaai daa kpɛɛ, ɉutɔɔi lɔwai aa tɛɛ kɛa, mɛ̨nį ɲɔ̨nŋaai ə gɛ, aa yili mąą hvɛla hɔlɔɓo Yai-Laa yəi gee mɛ̨i hveelɛ.