Ikilisiati 3:3 - Yálá laawoo hɛɓɛ (dc)

³ Paa ɓo kɛ yələ kaa mą, pala hali kɛ yələ yɛ ɓo mą. Pɛlɛ́ woloi yələ kaa mą, pɛlɛ tɔɔi yələ yɛ ɓo mą.

Yálá laawoo hɛɓɛ

³ Paa ɓo kɛ yələ kaa mą, pala hali kɛ yələ yɛ ɓo mą. Pɛlɛ́ woloi yələ kaa mą, pɛlɛ tɔɔi yələ yɛ ɓo mą.

Bible

³ Núu paa tãi káa ma, núu ƃálo tãi kɛ́ ƃò ma. Sɛŋ kara tãi káa ma, sɛŋ kpɛtɛ tãi kɛ́ ƃò ma.

Ikilisiati 3:3 Referans Kwoze

Samuɛlə dɔlɔɔ 2:6

Yai-Laa ɓə a nu paa, Yaa lɔ ɓə a nu ɓalo, nu a yɛɛ ɲąmuątaa, nu ə kulɔ laa.

Ɉeremi 45:4

Mɛ̨nįi ə́ kaa lii moi mą, ya ka, yá kɛ mą: «Yai-Laa woo ka, yɛ: ‹Hɛn ŋą́ dɔɔ, ɲą́ą́ ɓə ŋą́ bu. Hɛn ŋą́ ɉin, ɲą́ą́ ɓə ŋą́ gulɔ a nwun; ɛlɛɛ, bələ ɓə ŋą́ gɛ la yɛnɛ̨ɛ̨ nąą kəlee.

Ɉeremi 31:28

Háá ɓa háá, bələi ŋą́ ɲɛ̨́i ɲɔ̨nwɔ̨ɔ̨ hee la diɛ, gɛ́ di kulɔ a di nwun, gɛ́ di pu, gɛ́ di laa pɛlɛ nɔi ɓa, diɛ lɛɛ a taa kpoloon, gɛ́ di mąąwɛli, gɛ́ mɛ̨nį ɲąąnwąnąą laa diɛ; bələ lɔ ɓə gáá ɲɛ̨́i lɛlɛɛ heei la diɛ, ŋą́ di tɔɔ, ŋą́ di kɔ́wɔ hvilɛn. Ɲą́ą́ Yai-Laa nwóó li!»

Dutɛrɔnome 32:39

Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

Azaya 44:26

Gɛ́ nwɔ́ tímun hvaa woo pɔ mɛ̨nį lɛɛ mą, gɛ́ nwɔ wɛlɛɛɓo nuą, woo hu nɛ̨ɛ̨, ɲą́ą́ ɓə kɛ Ɉerusalɛmə ɓa: «'Ə́ laa ə hvɛɛ a nu kan», gɛ́ Ɉuda taaɠaa diɛ: «'Ka pɛ̨nɛ̨ ka tɔɔ a nįnɛ̨», yii kpɔ kala, ŋį́ gəlee pu nįnɛ̨ kɔ́lɔi.

Samuɛlə dɔlɔɔ 2:25

Nu a nɛ̨ŋɛ̨n ɉəɠə nu ɓa, Yálá a dɛ̨ą ɓo, kɛlaa nu a nɛ̨ŋɛ̨n ɉəɠə Yai-Laa ɓa, gbɛɛ ɓə pai giti teei?» Di hvo di wəli tɔɔ Yai-Laa woo ɓa, mąąhɔlɔɓo, Yai-Laa ə kɛ bɔ ə di paa.

Izikiɛ 13:14

Bɛlɛ́ nwąnąi ti ka dɔɔ, gáá pai bui; gwɛniɠaai ka bu mu, ŋį́ gəlee kulɔ. Gaa pai tooi, ɛlɛɛ ka káá pai haai mu. Ka gili kɔ́lɔn nąą lɔwai kaa kɛ Yai-Laa ɓaa a ɲą́ą́.

Ɉeremi 33:6

«Kɛlaa, gáá di hali kɛ mɛ̨nį hu wəleen ɉii, da di ɓalo mɛ̨nį. Ŋą́ di ɓalo, gɛ́ nwun na nɛ̨ɛ̨ da liilaa mɛ̨inɛ̨ɛ̨ kɛ diɛ.

Zakari 1:12

Yai-Laa nwɔ malaka ə bulu pənə, yɛ diɛ: «Yai-Laa Mɛ̨nį Kəlee ŋą Hééɓomun, mįnɛ̨ lɔwai ɓə ə́ kaa mąąkpɔn ɉii, Yɛ́ tɛɠa pa Ɉerusalɛmə da Ɉuda taaɠaa ɲɛ̨imąąwɛli kaai? Yaa ə́ liiholi di pɔ, aa kɛ kɛa a kwɛlan bow mɛ̨ihveelɛ.»

Zɛnɛse 9:6

«Nui a mɛlan ɲąmą pu, nu lɔ ɓə a mąą nu ɲąmą pu, mąąhɔlɔɓo, Yálá ə nu pɛli Yálá kpinį mąą nįnįn ɉu.

Azaya 6:10

Nuąi tii kili walawala, 'di wəli hu kpɔn, di ɲɛ̨i pu, 'di hvo pɛli kɛɛ kaai a di ɲɛ̨i kɔ́w, 'di hvo mɛ̨nį mɛ̨n a di wəli, di hvo mɛ̨nį kpaɠala kaa a di kili, di hvo pa nee di hɔn mąą pənə, diɛ ɓalo.»

Ɉeremi 1:10

Ə́ kili ə kɛ ɉu, yɛ́ kɛ gáá heeɓo laa tɛɛi ə́ pɔ háákələi lɔiɠaa mɛ̨i, da tɔɔɓɛlaa mɛ̨i. Yɛ́ mɛ̨nįɠaa kulɔ a nwun, yɛ́ naa pɛlɛ, yɛ́ di hu kala, yɛ́ di ɓuwɔ. Yɛ́ da tɔɔ, yɛ́ da hi.»

Egaa 1:2

«Yai-Laa Mɛ̨nį Kəlee ŋą Hééɓomun, yɛ diɛ: Nuą ŋɛ̨i kaa kɛi diɛ: Yai-Laa hee pɛlɛ́ tɔɔi lɔwai hvo ni həli li.»

Egaa 1:4

«Akɛtii, mɛ̨nį lɛlɛɛ ɓə tii ka káá gɛi, ka laa pɛlɛ́ lɛlɛɛɠaa mu, ɉéé pɛlɛ́ aa pu?