Ikilisiati 2:8 - Yálá laawoo hɛɓɛ (dc)

⁸ Ŋą́ wali hɔlɔɓo da hɛni, ŋą́ tɔɔɓɛlaa di wɔ hɛn gɔw hɔlɔɓo da di wɔ koɓitaaɠaa, di lɛɛ ɲéé mu. Wələ too hinąą da wələ too nɛ̨ąą di kɛ ɲə́i, hɛn kpɔ nu a giliŋąhiɛ mą yɛ ə kɛ ɲəi, gəlee ə kɛ ɲə́i; nɛ̨́ąni kpulu tamąą.

Yálá laawoo hɛɓɛ

⁸ Ŋą́ wali hɔlɔɓo da hɛni, ŋą́ tɔɔɓɛlaa di wɔ hɛn gɔw hɔlɔɓo da di wɔ koɓitaaɠaa, di lɛɛ ɲéé mu. Wələ too hinąą da wələ too nɛ̨ąą di kɛ ɲə́i, hɛn kpɔ nu a giliŋąhiɛ mą yɛ ə kɛ ɲəi, gəlee ə kɛ ɲə́i; nɛ̨́ąni kpulu tamąą.

Bible

⁸ Gánei da gôoi ŋá gùla ǹɔii-ŋuŋ da kpɛ́ni su-ƃelai yêei, ŋá gélee ŋáa tɛ̀ gîe mà. Nɛyâa da sinâa dí kɛ̀ ńyêei dí kɛ́ wule lɛ́lɛ-lɛlɛɛ-ŋa tòo ḿâ. Ŋá nɛnî támaa kùla a gɛɛ ŋ́gɛ ńîa kɛ̀.

Ikilisiati 2:8 Referans Kwoze

Tɔɔɓɛlaa dɔlɔɔ 10:10

Nɛ̨ɛ̨nui tii ə hɛni kilə waa haaɓa pulu nwun mɛ̨ida tɛɛ tɔɔmun Salomɔn pɔ, da wulɔ kun nɛ̨ɛ̨ɠaa kpɔ kɛnɛ̨, da Kúwɔ́-kwɛni lɛlɛɛɠaa, nwulɔ kun nɛ̨ɛ̨ tii ta hvo ta kɛ pa li nɔi tii hu, yɛ bələi Saba tɔɔ nɛ̨ɛ̨nui tii ə paa la tɔɔmun Salomɔn pɔ.

Tɔɔɓɛlaa dɔlɔɔ 9:28

Da li Ofirə, da pənə da pa, da pa a hɛni, tɔɔmun Salomɔn pɔ a hɛni kilə waa pow kɔ́w hveelɛ.

Samia Veerɛi 19:35

Barzilai yɛ tɔɔmun Davidə ɓa: «Kwɛlan ɲɛli kpɔ ɓə kɛa aa lɛɛ ɲə́i ɓɛ yɛnɛ̨ɛ̨-oo, yaai kwa tɔɔmun kwa həɠə kuɔ li Ɉerusalɛmə daai!

Tɔɔɓɛlaa dɔlɔɔ 10:14

Ɉɛnii Salomɔn ə kɛi ɉɔlɔɓo kwɛlan dɔ̨nɔ̨ yee mu, ə kɛ a hɛni kilə waa pow hveelɛ.

Amɔsə 6:5

Kaa gwɛnįn nwələ too yɛ wəli wolo nuą. Yɛ pələi Davidə ə gɛ la, kaa kpɛli, kaa hvɛli kɛ hɛn nįnɛ̨ɠaa pɛli a ka wɔɔ.

Danîa 3:15

Yii hu kɛa, ka ka kɛ pələ pɛli, ɓɛlɔwai ka káá pai vɛli kɛ hɛnŋaa tii woo mɛ̨n ɉii la, mąąnɛ̨ɛ̨, ka ka maa pɛlɛ, ka kwɛli hvilɛn mąąnįnįn ɉaɠaa ŋɛ̨i ŋą́ bɛli ma. Ka wala gɛ, ŋaaɓa, daa ma ka pili fuulu nwɔ̨n ɉu. Ə lɛɛ, ala yii pai ka kulɔi ɲə́i, ŋą́ pa ŋą́ gaa.»

Danîa 3:7

Yili ɓə gɛ, ɓɛlɔwai nuą di vɛli kɛ hɛnŋaa tii woo mɛ̨n na, di pɛlɛ nɔi ɓa, di kwɛli hvilɛn tɔɔmun nwɔ mąąnįnįn ɉaɠaa tii kɛ a hɛni, ma.

Danîa 3:5

Yɛ diɛ: Ɓɛlɔwai ka káá pai Nįŋɛ̨ mįnɛ̨ tulu woo mɛ̨n ɉii la, da ɓɔɔ tulu, ə lɛɛ da gologwɛni, ə mą kɛ bɛlɛgwəi gwɛnįn, da kornəmusə tulu woo, da hvɛli kɛ hɛnŋaa lɔpee gəlee woo, ka pɛlɛ nɔi ɓa, ka kwɛli hvilɛn tɔɔmun nwɔ mąąnįnįn ɉaɠaai ŋɛ̨i ɓa.

Ɛsdrasə 2:65

Nuwɔ nɛ̨ą, da nuwɔ hinąąi kɛ di pɔ, di hvo di laa too gwɛdɛn tii hu, di kɛ a nu waa mɛ̨ihveelɛ pulu nwun ɉaaɓa ɲee haaɓa kɔ́w mɛ̨ihveelɛ (7337), ɛlɛɛ, wələ too nɛ̨ąą da wələ too hinąą nu nwun veelɛ (200).

Kɔlɔnikɔ Veerɛi 9:11

Tɔɔmun ə nwului tii laa Yai-Laa yəi bɛlɛ́n da tɔɔmun ɲəi bɛlɛ́n, ə gwɛnįnŋąą da bɛlɛgwəiɠaa pɛli a da a nwələ too nuą di wɔɔ, di hvo ta nii kɛ da kaa li Ɉuda lɔi hu.

Kɔlɔnikɔ Maa-ŋuŋ 25:6

Nuą tii kəlee kɛ di nąn ɲeemu. Di kɛi wələ too Yai-Laa nwɔ pɛlɛ́i mu, a: laloɠaa, gwɛnįnŋąą, da kɛ́ɛ́ɠaa. Di wɔɔ tíɓoi li kɛ Yálá nwɔ pɛlɛ́i mu. Di kəlee kpɔ kpun, di ɓo la tɔɔmun, Asafə da Heman di wɔɔ ɲąąwooɓo mu.

Kɔlɔnikɔ Maa-ŋuŋ 25:1

Davidə da gɔlaɠa nwun nąmįną di Asafə lonnii, Heman lonnii da Yedutun lonnii kulɔ ɉu, di di hee a dee, diɛi kɛi Yálá kwəi mɛ̨nį hukulɔ a gwɛnįn, bɛlɛgwəi gwɛnįn da lalo. Nuąi kɛ gólo yili ɓa, diɛ ka:

Tɔɔɓɛlaa dɔlɔɔ 14:27

Tɔɔmun Roboamə ə dakpɛliɠaa pɛli a ɓala kwɛli, ə di kalihvaɓo bɛlɛ́ mąąkpɛ kɔlaɠa nwun nąmįną diɛ, diɛi di ɲɛ̨i ə kɛ tɔɔmun nwɔ pɛ́lɛ́i laaləi.

Tɔɔɓɛlaa dɔlɔɔ 10:21

Tɔɔmun Salomɔn kpələ hɛɲąŋą kəlee di kɛ a hɛni, Liban wəla mu hɛnŋąą kəlee di kɛ a hɛni leelee, da hvo kɛ a wali kwɛli. Tɔɔmun Salomɔn nwɔ yələi, wali kwɛli dɔlɔ hvo kɛ mą.

Tɔɔɓɛlaa dɔlɔɔ 9:14

Hiramə ə hɛni kilə waa haaɓa pulu nwun mɛ̨ida tɛɛ Salomɔn ɓa.

Tɔɔɓɛlaa dɔlɔɔ 11:3

Hilɛtaa nɛ̨ąąi kɛ Salomɔn yəi, di kɛ a nɛ̨ąą nwun mɛ̨ihveelɛ, diɛ ɓo a dɔɔ pɛlɛ́ mu nɛ̨ąą. Ɛlɛɛ, nɔ pɛlɛ́nŋaa di ɓo a nu nwun ɉaaɓa. Salomɔn nɛ̨ąni di gili mąą pənə gwəi.

Ikilisiati 1:2

kpɛli-kpɛli mɛ̨nį da kpɛli-kpɛli mɛ̨nį, kilimąą mun nwoo li, mɛ̨nį kəlee kaa lɔ a kpɛli-kpɛli mɛ̨nį.