Ikilisiati 2:5 - Yálá laawoo hɛɓɛ (dc)

⁵ Ŋą́ hihɛn ɲɛɛɠaa laa, wului a ɓa, ŋą́ ɉuwu kəlee ta hin ɉu.

Yálá laawoo hɛɓɛ

⁵ Ŋą́ hihɛn ɲɛɛɠaa laa, wului a ɓa, ŋą́ ɉuwu kəlee ta hin ɉu.

Bible

⁵ Ŋá kónaŋ tɔ̀ɔ, ŋá ƃá sí-sãa sii támaa sí zu.

Ikilisiati 2:5 Referans Kwoze

Ɉeremi 39:4

Di kaai Ɉuda tɔɔmun Sedesiasə da gɔ́ kɔ́ nuą kəlee di mo, di pu di kulɔ daai kwii hąą, di tɛɛ a tɔɔmun yəi nɔw yɛa pələ, ɓɛi tii bɛlɛ́ nwąnąɠaa da di kee kaa laa gbon gwɛlɛ, di ɉaŋa a Ɉurdɛn ɲa-ɓoloon bɔ pələ.

Wɛli 6:2

Nwɛ́likɛmąąmun gaa yɛɛi ɲəi nɔw yɛa, nwulu powa kun nɛ̨ɛ̨ tii hu; Yɛ li nwɔ taatɛlɛɛɠaa kɔ̨nɔ̨n gɛi laa, ɛlɛɛ yɛ ɲagbudɛn bowa ta kulɔ.

Wɛli 4:12

Ə́ Kaa a nɔw yɛa mąąkwənąnŋąą, oo níiɓa nɛ̨ɛ̨nu! Nwɔ́ wɛli! Ə́ kaa a yáton mąąkwənąnŋąą, yá nwun gulɔi nąmu kɔ́lɔn ɉi kaa mą.

Nehemi 2:8

Ɛlɛɛ, ə́ dɔ̨nɔ̨ kɛ a Asafə nwɔ, yaai gaa a tɔɔmun nwɔ lɔwɔɠaa ɲąąwooɓomun, ə gɛ, ə pɛli wulu tɛɛi bɔ́, daa mąąkɔ̨nwɔ̨ hįį gbonŋąą kulɔ mɛ̨nį ɓa, da daa mąąkɔ̨nwɔ̨ pɛ́lɛ́i tii Yálá hee pɛlɛ́ kwɛlɛ nwɛi; da bɛlɛi gáá pai lɔi mu nwɛiɠaa.» Tɔɔmun ə ɉɛɓɛ́ɠaa tii tɛɛ bɔ́, mąąhɔlɔɓo, nwɔ́ Yálái yee lɛlɛɛ ə kɛ mɛ̨́i.

Wɛli 4:13

Ə́ wɔ yái, yɛ gaani yɛaɠaa laahɔnmo, diɛi di ɓa nɛ̨ɛ̨; da hɛne powa, ɛlɛɛ, nardə,

Wɛli 4:16

Ɲánwuɔ̨ hvaŋą da ɉɛɠɛɛ pələ hvaŋą! Ka ka ɲįnąą ɓo! Ka pa gwəli. Ka pu nwɔ́ nɔw yɛai ɓa, ka mąą kun daɠa. Yɛ́i ɓaa níiɓa nɛ̨ɛ̨nu, Pa! Ə́ yəi nɔw yɛa. Ə́ naa wulu ɓa nɛ̨ɛ̨ɠaa kɔ́ɔn.

Wɛli 5:1

Gáá pai ɲə́i nɔw yɛa. Oo níiɓa nɛ̨ɛ̨non, nwɔ́ wɛli. Gɛ́ nwɔ́ hąmą kun nɛ̨ɛ̨ da nwɔ́ laakpala kun nɛ̨ɛ̨ɠaa kulɔ, gɛ́ nwɔ́ kwɛin nwulɔ nɛ̨ɛ̨ ta kɔ̨mɔ̨n, gɛ nwɔ́ lɔɔi da nwɔ́ nįŋɛ̨ ɲįnįyái ta kpələ. Mɛ́laa! Ka ka laa mįi. Ka ka kpələ. Wɛlikɛmąąlaa ə ka hon yɛ lɔɔ.