Ikilisiati 2:4 - Yálá laawoo hɛɓɛ (dc)

⁴ Ŋą́ kóló kpɛa-kpɛaɠaa kɛ, ŋą́ pɛlɛ́ɠaa tɔɔ, ɛlɛɛ, ŋą́ viɲə yɛɛɠaa laa.

Yálá laawoo hɛɓɛ

⁴ Ŋą́ kóló kpɛa-kpɛaɠaa kɛ, ŋą́ pɛlɛ́ɠaa tɔɔ, ɛlɛɛ, ŋą́ viɲə yɛɛɠaa laa.

Bible

⁴ Ŋá ńyee pù tíi kpaya-kpaya támaa kɛ́ mɛ̂ni su. Ŋá pɛ́rɛ-ŋa tɔ̀ɔ, ŋá ƃá-kpɔmɔ kpalaŋ kɛ́tɛ kɛ́ naa.

Ikilisiati 2:4 Referans Kwoze

Danîa 4:30

Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Azaya 5:1

Ka nɛ́ɛ́ laa ŋį́ mɛ́lan mąątɛ̨nɛ̨ wələ too, yaa da nwɔ viɲə di wɔ wələ li. Viɲə yɛa ə kɛ mɛ́lan ɲəi yee ta ɓa, lɔi lɛlɛɛ hu,

Wɛli 7:12

Nwɛ́likɛmąąmun! 'Pa! 'Pa gwəli ɲagbudɛn nwun ɉu, gu yíi laa.

Wɛli 1:14

Nwɛ́likɛmąąmun gaa yɛ hɛne powa Ein-Gɛdi viɲə yɛɛ.

Mąątɛ̨nɛ̨ 49:11

Ya pa, gu ɲɛ̨i kaa kilimąą nuą diɛ, diɛ haa, ɓowo nuą da kilikpɛɛgwəi nuą, di nwun na yɛ pili a gee; diɛ di wɔ hɛn gɔw lɛɛ nu takpɛliɠaa yəi.

Kɔlɔnikɔ Veerɛi 26:10

Yili pulu, ə kɔ́-pɛlɛɠaa tɔɔ nɔi pun ɉu, ə yálɔwa tamąą tee, mąąhɔlɔɓo, taatɛlɛɛ kpulu tamąą di kɛ ɲəi; tíikɛnuą di kɛ ɲəi nɛ̨ŋɛ̨ lɔi hu da ɉɛɠɛɛ pələ. Viɲə yɛɛ laa nuą di kɛ ɲəi ɲeeɠaa ɓa da Karmɛlə yee ɓa. Mąąhɔlɔɓo, tíi kɛɛ wɛli ə kɛ mą.

Kɔlɔnikɔ Veerɛi 8:11

Salomɔn ə Faraɔn lon nɛ̨ɛ̨nu kulɔ Davidə taa, ə li ə nɔ bɛlɛi ə dɔɔ mą mu. Tɔɔmun Salomɔn ə kɛ gbɔwɔ ɓa: «Ə mą kpɛli kɛ nɛ̨́ą ɓə, mąą hvo nɛ̨ɛ̨li hvo kɛ Israɛlə tɔɔmun Davidə yəi bɛlɛ́n, mąąhɔlɔɓo, ɓɛi Yai-Laa ŋą mįnɛ̨ kəhii ə lɔ laa, kɛɛnąą mąąhəɠɛɛ li.»

Kɔlɔnikɔ Maa-ŋuŋ 27:27

Nui kɛ viɲə yɛɛ nwun na, ya ɓaa a Rama mun Simei. Da viɲəɠaa yá kulɔ, nui gaa nɔɔ mɛ̨nį nwun na ya ɓaa a Sefamə mun Ɉavdi.

Tɔɔɓɛlaa dɔlɔɔ 15:19

«Mįnɛ̨ kaa gwa yɛ́ gu lɔwai, ə́ nąn da ną́n di lɔwai, gáá wali da hɛni di tɛɛi yɛ́. Mįnɛ̨i tii gaa ka Israɛlə tɔɔmun Baesa ka lɔwai, 'gala, akɛ tii, hva kɛa pɛli kɔ́ pɛlɛi mą́ą́.»

Tɔɔɓɛlaa dɔlɔɔ 9:1

Ɓɛlɔwai tɔɔmun Salomɔn ə kpɛɛ la a Yai-Laa hee pɛlɛ́ tɔɔ, da dɔɔ pɛlɛ́, da yiiɠaa kpɔ ə kɛ bɔ ə gɛ, ə yili kəlee kɛ.

Samia Veerɛi 18:18

Absalɔn kɛɛ vulú kɔ́ɔŋą, ə kwɛni kwɛaa ta tɔɔ tɔɔmun ɲəi ɲa-ɓoloon bɔ, Mąąhɔlɔɓo, ə kɛi kɛ diɛ: «Nwɛ́i lon ɉulɔnu hvo nii ɲə́i yii a náá lɛɛ lɔi mɛ̨i.» Ə naa hee gwɛnii tii ɓa, yai háá ɓa háá, da kɛ lɔ ma: Absalɔn nwɔ kili lɛɛ ɉu kwɛni.

Zɛnɛse 11:4

Yili pulu, di mo di kee ɓa diɛ mą: «Ka gu taa tɔ̨nɔ̨ tɔɔ a pɛlɛ, yɛ həli yələkɔlɔn ma, ə gɛ, gu laa ə kɛ mą, ɛlɛɛ, ə gɛ, gu hvo pa taɠa taɠa lɔi mɛ̨i nąą kəlee.»