Ikilisiati 2:26 - Yálá laawoo hɛɓɛ (dc)

²⁶ Yaan, nui nwɛli kaa Yálá ɓa, a gɔ́ a kili, mɛ̨nį kɔ́lɔn ŋąą, nwun gɛ ɉu laa da yíi la nɛ̨ɛ̨. Kɛlaa, a kóló laa nɛ̨ŋɛ̨n ɉəɠəmun nwuɔ̨, yili yɛ hɛn gwɛli a nui nwɛli kaa Yálá ɓa, nwɔɔ. Yili yaa kpɛli gaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Yálá laawoo hɛɓɛ

²⁶ Yaan, nui nwɛli kaa Yálá ɓa, a gɔ́ a kili, mɛ̨nį kɔ́lɔn ŋąą, nwun gɛ ɉu laa da yíi la nɛ̨ɛ̨. Kɛlaa, a kóló laa nɛ̨ŋɛ̨n ɉəɠəmun nwuɔ̨, yili yɛ hɛn gwɛli a nui nwɛli kaa Yálá ɓa, nwɔɔ. Yili yaa kpɛli gaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Bible

²⁶ Ǹúui a Ɣâla líi làai, Ɣâla a táre tɛ̀ɛ maa nûui pɔ́, kili-ŋa pôno da lii-nɛ̃ɛ. Kɛ́lɛ ǹúui va ǹîa mɛni kɛ̂i, a maa nûui ŋɔtíi kùla ǹyêei da gɔ̃liŋ kélee é dɛɛ ǹúui pɔ́ a ǹîa mɛni kɛi. Nyíŋi máŋ káa nɔ́ kpɛ́ni-kpɛni. Gɛ́ɛ nɔ́ yɛ̂ɛ núu a kɛ̀ vãai kpɛ̂i.

Ikilisiati 2:26 Referans Kwoze

Hanwon 13:22

Nu lɛlɛɛ hɔlɔɓo hɛn, a həli nonnii di wɔ lonnii diɛ. Kɛlaa, nɛ̨ŋɛ̨n ɉəɠəmun ɲəi hɛn gɔw, yɛ lɛɛ a tələnmomun nwɔɔ.

Hanwon 28:8

Nui a nwɔ hɛn gɔw ta pɛlɛ mą a hvulu, gaa ɉɛn gɔwi tii tɛi gee mɛ̨i a mąąwɛli nuą mąąkpɔnmąą ɓomun nwɔɔ.

Ɉaan 16:24

Ka hvo ta hɛn da hvɛli li náá hu. Ka hɛn da hvɛli ka ɉɔlɔɓo, ya ɓə a gɛ ka wɔ kwəinɛ̨ɛ̨ laa ə kulɔ.»

Zĩi 3:17

Kɛlaa, kilii a həɠə yələi pələ, nwɛi, mąąhəɠɛɛi, yili pulu, niilaa, ɉon nɛlɛɛ, yɛ hvaa kpɛɛ, naahvɛɛ a ɲɛ̨imąąwɛli kaa, hva hu yɛɠɛ kɛ, nɛn və na hveelɛ.

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Zôo 32:8

Kɛlaa, tɛ̨ą kili kaa nu hu, Ya ɓaa: Huwalawala Kəlee Nąmu Yálá nwɔ Kilii.

Zɛnɛse 7:1

Yai-Laa ə mo Noe ɓa yɛ mą: «'Lɔ gələn ɉu, yɛ́ ka ə́ yəi bɛlɛ́n nuą kəlee. Hvo gaai, ŋą́ą́ ə́ kaa ə́ ɓɛlaa lɔwai, ə́ tələnmoɔi ɲɛ̨́i ɓa.

Ikilisiati 1:14

Mɛ̨nįɠaai kpɔ da tɛɛ ɓɛ lɔi mɛ̨i, ŋą́ gəlee kaa. Kɛlaa, gəlee kaa a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Zôo 38:36

Gbɛɛ ɓə a ya hvɛɛ mɛ̨nį lɛɛ kwɛa la, yɛ gbaɠala lɛ nwɛ̨nį ɓa? Gbɛɛ ɓə yələ ɓɔi gɔlɔn gili tɛɛ tɛ́ɛ́hilɛ pɔ?

Mąątɛ̨nɛ̨ 39:6

Hvo gaai, yáá nwɔ́ hvólóɠaai hu kpuwɔ kɛnɛ̨, ɛlɛɛ, nwɔ́ yɛnɛ̨ɛ̨ kaa kpɔ a lə, ə́ ɲɛ̨i ɓa? A tɛ̨ą, nu hu kilinŋąą kaa lɔ ə́ ɲɛ̨i ɓa hvɔan-hvɔan, yɛ hvaŋą.

Mąątɛ̨nɛ̨ 51:6

Ŋą́ą́ nɛ̨ŋɛ̨n ɉəɠə yɛ́, yɛ́ kɔw taanɔ̨n gbən, yɛ́ kpɔ ɓə, mɛ̨nįi ɲɔ̨nwɔ̨ɔ̨ ə́ ɲɛ̨i mu, ŋą́ą́ gɛ; yili ɓa, yá kɛi ɉɔ́n mo, yɛ́ tɛ̨ą mɛ̨nį li, yá kɛi ɉútɔɔ, tɛ̨ą kaa ə́ pɔ, ɛlɛɛ, yɛ́ kitii mąą kulɔi hvo mą.

Hanwon 2:6

Mąąhɔlɔɓo, Yai-Laa ɓə a kili tɛɛ nu pɔ. Ya ɓə nwun gɛ ɉu da mɛ̨nį kɔ́lɔn ŋąą da kulɔ na.

Ikilisiati 1:13

Mɛ̨nįɠaai da kɛ tɛɛi yələkɔlɔn mu, ŋą́ gəlee mąąkpɛɛ kpɔ a nɛlɛɛ, a nwɔ́ kili mɛ̨nį, əgɛ, ŋą́ di kɛ mɛ̨nį nwun gɔlɔn. Kɛlaa, yili kaa a líihɛlɛn da yii Yálá a doo nu lonnii diɛ.

Ikilisiati 2:25

Hvo gaai, nu hva pɛli kɔ̨nɔ̨n ɉɔlɔɓoi, hvo ɲąąnɛ̨ɛ̨ gulɔ, akɛ, Yálá hvo hvaa li mą.

Ikilisiati 3:10

Kólói Yálá ə naa nu lonnii nwuɔ̨, ŋą́ą́ mąąkpɛɛ.