Ikilisiati 2:18 - Yálá laawoo hɛɓɛ (dc)

¹⁸ Gólóɠaai kpɔ ŋį́ gɛ́ ɓɛ lɔi mɛ̨i, mɔ̨nɔ̨ɠaai kpɔ ŋą́ mįi ɓɛ lɔi mɛ̨i, gəlee wɛli aa kpɛɛ mą́ą́. Mąąhɔlɔɓo, gəlee kaa pai lɛɛi a nui pai mą́ą́hvalin ɉi, nwɔɔ.

Yálá laawoo hɛɓɛ

¹⁸ Gólóɠaai kpɔ ŋį́ gɛ́ ɓɛ lɔi mɛ̨i, mɔ̨nɔ̨ɠaai kpɔ ŋą́ mįi ɓɛ lɔi mɛ̨i, gəlee wɛli aa kpɛɛ mą́ą́. Mąąhɔlɔɓo, gəlee kaa pai lɛɛi a nui pai mą́ą́hvalin ɉi, nwɔɔ.

Bible

¹⁸ Ŋ́gɛ mɛni-ŋai kélee ƃɛlɛ a kpɛ̀ɛ ŋ́goi, kpɛ́ni fêi, ŋa pâi gélee lɛɛ̂i núu da kpɛ́ni-ŋa yêei.

Ikilisiati 2:18 Referans Kwoze

Mąątɛ̨nɛ̨ 49:10

Mąą nu a mɔ̨ɔ̨ pɛli lɛɛi lɔ yɛnɛ̨ɛ̨ a yələ kəlee? Akɛtii, di hvo mɔ̨ɔ̨ pai naai kámąi?

Mąątɛ̨nɛ̨ 39:6

Hvo gaai, yáá nwɔ́ hvólóɠaai hu kpuwɔ kɛnɛ̨, ɛlɛɛ, nwɔ́ yɛnɛ̨ɛ̨ kaa kpɔ a lə, ə́ ɲɛ̨i ɓa? A tɛ̨ą, nu hu kilinŋąą kaa lɔ ə́ ɲɛ̨i ɓa hvɔan-hvɔan, yɛ hvaŋą.

Korɛntə dɔlɔɔ 3:10

Mɛ̨inɛ̨ɛ̨ Yálá ə gɛ mą́ą́ ɉaalai, ɲą́ą́ yɛ yɛlɛkɛmun nɛlɛɛ, ŋą́ gɔ́wɔ hvilɛn, nu ta kpɛli ə dɔɔ. Kɛlaa, nu kəlee ə gɛ a nɛlɛɛ nwɛi tɔɔ pələ hu.

Lukə 12:20

«Kɛlaa, Yálá ə mo ɉulɔnui tii ɓa, yɛ mą: ‹Kili kpɛɛ gwəimun! Háákələi, kpinįi ŋɛ̨i hu, ə́ kaa haai. A kɛ tii, ɉɛnŋąą tamąą ŋɛ̨i yáá gbɔn gee ɓa, gbɛɛ nwɔɔ li?›»

Ikilisiati 9:9

Ə́ wɔ yɛnɛ̨ɛ̨ ɲąąnɛ̨ɛ̨ kulɔ ká ə́ wɛlikɛmąą nɛ̨ą, ɲíi kuu kpuɔ lon ŋɛ̨i Yálá aa dɛɛ ə́ pɔ, ɉu. Yili lɔ ɓə gaa a mɔ̨nɔ̨i ə́ kaa mįi ɓɛ lɔi mɛ̨i, dɔlɔ.

Ikilisiati 5:18

Yili pulu, Yálá a hɛn gɔw da yee la hvólón dɛɛ nu pɔ, mąą nu yɛ pɛli gɛ kóló dɔlɔ kulɔi, yili kaa a Yálá yəi mɛ̨inɛ̨ɛ̨.

Ikilisiati 4:3

Lon di hvo ni gaa li, nwun na nɛ̨ɛ̨i, ə tɛɛ la nu heei hveelɛi tii ɓa. Mąąhɔlɔɓo, lon di hvo ni gaa li, mɛ̨nį kpəlaan ŋąąi kɛi ɓɛ lɔi mɛ̨i, hvo nąą kaa li.

Ikilisiati 2:26

Yaan, nui nwɛli kaa Yálá ɓa, a gɔ́ a kili, mɛ̨nį kɔ́lɔn ŋąą, nwun gɛ ɉu laa da yíi la nɛ̨ɛ̨. Kɛlaa, a kóló laa nɛ̨ŋɛ̨n ɉəɠəmun nwuɔ̨, yili yɛ hɛn gwɛli a nui nwɛli kaa Yálá ɓa, nwɔɔ. Yili yaa kpɛli gaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 1:13

Mɛ̨nįɠaai da kɛ tɛɛi yələkɔlɔn mu, ŋą́ gəlee mąąkpɛɛ kpɔ a nɛlɛɛ, a nwɔ́ kili mɛ̨nį, əgɛ, ŋą́ di kɛ mɛ̨nį nwun gɔlɔn. Kɛlaa, yili kaa a líihɛlɛn da yii Yálá a doo nu lonnii diɛ.

Ikilisiati 1:3

Yɛnɛ̨ɛ̨ nuą da kóló walawalaɠaa kɛ, Kɛlaa, tɔlɔ lə kɛɛ kpɔ ɓə da ɉɔlɔɓo ɉu?

Mąątɛ̨nɛ̨ 17:14

Yai-Laa, ə́ yee ə di kpɛ lɔi mɛ̨i, di həɠə yɛnɛ̨ɛ̨, di kulɔ nu kanŋaa lɔwai. Yili kpɔ ɓə mąąnɛ̨ɛ̨ ə həli diɛ yɛnɛ̨ɛ̨ ɓɛ. 'Di pilɛ a mɛ̨nį ɲąąnwąnąąi ə́ naa di tɔwɔi! Di lonnii di pilɛ ɉu, di da lɛɛ di kwəi lonnii tɔwɔ.

Ikilisiati 2:11

Yili pulu, ŋą́ą́ gaa, kólóɠaa da mɔ̨nɔ̨ɠaai kpɔ ŋą́ mįi, yii lɔ ŋą́ gɔlɔn, ya ɓaa: Gəlee kaa lɔ a kpɛli-kpɛli mɛ̨nį, yɛ nu aa kɛi hvaŋą tənən dɔɔ. Nuą kɛ mɛ̨nį yɛnɛ̨ɛ̨, dɔlɔ leelee hvo mą.

Ikilisiati 2:21

Ɓɛ kaa lə, nu ta a kóló kɛ a kili, ə gɛ a nwun gɛ ɉu laa; a mɛ̨nį kɔlɔn ŋąą, Kɛlaa, yii gaa mą ya ɓaa: nwɔ kólói tii dɔlɔ a lɛɛ nui hvo gólói tii ta kɛ li ɲəi. Yili a kɛ tii, mąą nu aa kpɛli-kpɛli kóló kɛ.

Ikilisiati 3:22

Yili ɓa, yii ŋą́ gaa ya ka: Yii lɔ nɛlɛɛ nu lonnii diɛ, ya ɓaa: Di di ɲąąnɛ̨ɛ̨ kulɔ di kɛ kóló hu. Yii lɔ mąąnɛ̨ɛ̨ ə gwəinɛ̨ɛ̨ ɉu, yaa lɔ li. Mąąhɔlɔɓo, mɛ̨nįi pai tɛɛi nu haa pulu, hva lɛɛ heeni hvo gaa!