Bib sou entènèt

Ikilisiati 2:17 - Yálá laawoo hɛɓɛ (dc)

¹⁷ Yili ɓə gɛ, Yɛnɛ̨ɛ̨ wɛli yɛ kpɛɛ mą́ą́. Yaan, ŋą́ą́ gaa kpɔ, yii kpɔ nuą da gɛ lɔi mɛ̨i, da lɔpee wɛli hva ɉón, gəlee kaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Gade chapit la Kopi

Yálá laawoo hɛɓɛ

¹⁷ Yili ɓə gɛ, Yɛnɛ̨ɛ̨ wɛli yɛ kpɛɛ mą́ą́. Yaan, ŋą́ą́ gaa kpɔ, yii kpɔ nuą da gɛ lɔi mɛ̨i, da lɔpee wɛli hva ɉón, gəlee kaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Gade chapit la Kopi

Bible

¹⁷ Ŋá ɣéniɛ kpɔ̀ara, kpɛ́ni fêi, núu-kpune ŋɔmɔ̃lɛ-laai káa a maloŋ-too-maa tee-tee ŋ́ɛi. Gélee káa nɔ́ kpɛ́ni-kpɛni. Gáa nɔ́ yɛ̂ɛ núu a kɛ̀ vãai kpɛ̂i.

Gade chapit la Kopi

tounen moute ⬆

Ikilisiati 2:17
20 Referans Kwoze

Ikilisiati 2:11

Yili pulu, ŋą́ą́ gaa, kólóɠaa da mɔ̨nɔ̨ɠaai kpɔ ŋą́ mįi, yii lɔ ŋą́ gɔlɔn, ya ɓaa: Gəlee kaa lɔ a kpɛli-kpɛli mɛ̨nį, yɛ nu aa kɛi hvaŋą tənən dɔɔ. Nuą kɛ mɛ̨nį yɛnɛ̨ɛ̨, dɔlɔ leelee hvo mą.

Zôna 4:8

Ɓɛlɔwai hvóló ə kulɔ la, Yálá ə hvaŋą ta tɛɛ yɛ həɠə hvóló kulɔi pələ, a gələn ŋąą. Hvóló ə Ɉonasə nwuɔ̨ kələn gbɔ yɛ kɛ ə hvowa. Ə mo yɛ mą: «Ɉáá hviɛlaɓoɔi gɛ́ɛ́ yɛnɛ̨ɛ̨ ɓa.»

Ikilisiati 4:2

Yii ŋį́ gaa yili hu, ya ɓaa: Nuąi daa haa, di nwun na nɛ̨ɛ̨i ə tɛɛ nu hvulúɠaa diɛ.

Habakukə 1:3

Lə mɛ̨nį ɓa, mɛ̨nį kpəlaan ŋąą ɓə ə́ kaa gaai? Ɛlɛɛ, yɛ́ hvaa mą, yɛ́ mɛ̨nį ɲɔ̨n gɛ nuą kɛi kaa? Ŋą́ ɲɛ̨́i hee gwɛ́lɛ, nwąnąlɔ da mɛ̨nį ɲɔ̨n nɔ ɓə ŋą́ gaa; hvaa kɛɛ, da kiti mɛ̨nį lɔ ɓə gaa kɛɛnąą kəlee.

Zôna 4:3

Yili ɓa, Yai-Laa ɉə́ɠə, mąąhɔlɔɓo, ɉáá hviɛlaɓoɔi gɛ́ɛ́ yɛnɛ̨ɛ̨ ɓa.»

Izikiɛ 3:14

Yálá nwɔ Kilii ə gbə́ŋə́ nwɔ̨nɔ̨ ə li a ɲą́ą́ nąąlɔwai; ŋą́ kɛi li, níí ɲąą nwąnąą gwə́i, níí holiɛ kɛ, Yai-Laa yee pɛlɛɛi kɛ mɛ̨́i kpɔ a nwala wala.

Ikilisiati 6:9

Viɛlaɓoɔi, hɛn gaa nu yəi ə gwəinɛ̨ɛ̨, ə tɛɛ nu kpɔwɔ ɲąą kɛnɛ̨ɛ̨ ɓa, mąąhɔlɔɓo, yili kaa a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 3:16

Mɛ̨nįi ŋą́ą́ gaa ɓɛ lɔi mɛ̨i, ya ka, ya ɓaa: Ɓɛi Mąąnɛ̨ɛ̨ tələnmolaa da mɛ̨nį haŋąą di hee laa, nąą ɓə nwąnąlɔ a tɔɔlaa kɛ laa.

Ikilisiati 2:22

Yili a kɛ tii, tɔlɔ lə kɛɛ kpɔ ɓə nu a ɉɔlɔɓo gólóɠaai a giliŋąhiɛ mą gəlee kɛɛ hu?

Ikilisiati 1:14

Mɛ̨nįɠaai kpɔ da tɛɛ ɓɛ lɔi mɛ̨i, ŋą́ gəlee kaa. Kɛlaa, gəlee kaa a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Mąątɛ̨nɛ̨ 89:47

Yai-Laa, ə́ kaa pai lɛɛi ə́ loo pələi ə lɛɛ ɉu mįnɛ̨ lɔwai? Ə́ lii kaa pai lɛɛi a ɉoliɛ ku pɔ, ə lɛɛ ɉu mįnɛ̨ lɔwai?

Zôo 14:13

Akɛ yá pɛli kɛ nówii lɔi mu, Yá pɛli kɛ mą́ą́kilɛi, ə lɛɛ ɉu ə́ wɔ liiholii ə tɛɛ, akɛ yá pɛli kɛ kuu tɔɔi mą́ą́, ɓɛlɔwai gíli a too la ə́ ŋą.

Tɔɔɓɛlaa dɔlɔɔ 19:4

Eli yaa kpinįi ə hvóló tɔ̨nɔ̨ hiɛ kɛ yɛ li nɔi pun ɉu. Líi ə mo laa, ə hee ɉenɛ wulu mu. Eli ə hee laa, yɛ haa huhvɛli, yɛ kɛ mą: «Oo kə! Yai-Laa! Víi aa kpɛɛ kpɔ kɛnɛ̨, ɉə́ɠə kɛa yɛnɛ̨ɛ̨, və́ hviɛlaɓo li və́ tɛɛ ną́nni diɛ.»

Lonon mo 11:15

Akɛ bələ ɓə ə́ kaa gɛi la a ɲą́ą́, viɛlaɓoɔi ə́ báá. Bələ ɓə gáá bɔ ə́ ə́ ɲɛ̨i lɛlɛɛ hee la mą́ą́, ŋą́ kulɔ mɔ̨nɔ̨i ŋɛ̨i hu.»

Ikilisiati 1:17

Ŋą́ hvilɛn gbɔ, gɛ́ diɛ: Ŋą́ mɛ̨nį kɔ́lɔn ŋąą da ɓowo mɛ̨nį di kulɔ nɔwai kɔ́lɔn; ŋą́ kili mɛ̨nį, da kilikpɛɛgwəi, di kulɔ nɔwai kɔ́lɔn. Kɛlaa, ŋą́ yili kaa lɔ yɛ nu aa kɛi hvaŋą tənən dɔɔ.

Ikilisiati 4:3

Lon di hvo ni gaa li, nwun na nɛ̨ɛ̨i, ə tɛɛ la nu heei hveelɛi tii ɓa. Mąąhɔlɔɓo, lon di hvo ni gaa li, mɛ̨nį kpəlaan ŋąąi kɛi ɓɛ lɔi mɛ̨i, hvo nąą kaa li.

Swiv nou:

Lyen patwone

Piblisite

Piblisite