Ikilisiati 2:16 - Yálá laawoo hɛɓɛ (dc)

¹⁶ Mɛ̨nįɠaai daa tɛɛ ɓɛ yələkɔlɔn mu, ɉu hva kpɛli kwɛa nuą daa mąn lɛ̨ą mą, kilimąą mun gili hva lɛɛ nuą ɲą. Kilimąą mun da kilikpɛɛgwəi mun da haa, nuą di hva kɛa di kiliŋąhiɛ nu heei hveelɛi tii diɛ; lə ɓə a yili kɛ tii-yoo?

Yálá laawoo hɛɓɛ

¹⁶ Mɛ̨nįɠaai daa tɛɛ ɓɛ yələkɔlɔn mu, ɉu hva kpɛli kwɛa nuą daa mąn lɛ̨ą mą, kilimąą mun gili hva lɛɛ nuą ɲą. Kilimąą mun da kilikpɛɛgwəi mun da haa, nuą di hva kɛa di kiliŋąhiɛ nu heei hveelɛi tii diɛ; lə ɓə a yili kɛ tii-yoo?

Bible

¹⁶ Táre-nuu kíli fé pâi wɔ́lɔ lɛɛ̂i núu-kpune kíli ŋá é tɛ́ɛ ƃoo-nuu ma. Ƃoo-nuu a pâi saâi nɔ́ yɛ̂ɛ berei táre-nuu a sâa lai.

Ikilisiati 2:16 Referans Kwoze

Ikilisiati 1:11

Kɛlaa, mɛ̨nįɠaai wɔlɔ gu kalaɓɔlɔni di kɛi gɛ, gwaa lɛ̨ą yiliɠaai diɛ. Nuą nwɔ̨nɔ̨ pai di muhəɠəi pulu ɓa, di pulu nuą di hvo pai di kili lɛɛi di tɔ́wɔ́ pələ hu.

Ikilisiati 9:5

Nuąi di kaa a di hvulú, di kili kaa ɉu diɛ: di kaa pai haai. Kɛlaa, nuąi daa haa, di hvo haa ŋą mɔ̨nɔ̨ kɔ́lɔn. Mąąhɔlɔɓo, daa li lɛ̨ąmąątaa.

Mąątɛ̨nɛ̨ 88:12

Nu a kɛ gámą hu, a mɔ̨ɔ̨ pɛli ə́ wɔ wɛlikɛmąąlaa hu kulɔi? Nu a kɛ ɲąmuątaa, a mɔ̨ɔ̨ ə́ wɔ tɛ̨ą mąą mɛ̨nį ta ɓo?

Lɛɛ gbɔwɔ ɓa 1:8

Nąąlɔwai, tɔɔmun nįnɛ̨ ta ə hee Eziptə nwun na, yii hvo kɛ Ɉosɛfə kɔ́lɔn.

Hebreu 9:27

Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.

Malasi 3:16

A kɛ tii, nuą da di kpɔwɔ mąą yɛɛ Yai-Laa yee mu, diɛ kpɛli, da da ɓo di kee lɔwai. Yai-Laa a nwəli tɔɔ, ə di woo mɛ̨n. Di mɛ̨nįi tii pɛ̨ɛ̨ ɉɛɓɛ́ hu, ɓɛi nuąi da ɲɔw Yálá ɓa, diɛ mąąwiɛ di laa kaa laa.

Ikilisiati 6:8

Lə ɓə Kilimąą mun ɲəi viɛlaɓoɔ ə tɛɛ la kilikpɛɛgwəi mun ma? Tɔlɔ ləi kpɔ ɓə yeehvowolomun a nwɔlɔɓo, aa kɛi ɉiɛ pələ ɲɛlɛ kɛ nuą ɲɛ̨i ɓa?

Ikilisiati 2:14

Mąąhɔlɔɓo, kilimąą mun ə ɉiɛ pələ kɔ́lɔn, Kɛlaa, kilikpɛɛgwəi mun a kɛ hiɛi yɛ ɲɛ̨ipumun yɛ ɲee pɛlɛ ɓɛ-ɓɛ. Ŋą́ mɛ̨nį tɔ̨nɔ̨ kɔlɔn, ya ɓaa; nu hveelɛi tii, mɛ̨nį tɔ̨nɔ̨ ɓə di mąąkpɔn ɉi.

Mąątɛ̨nɛ̨ 103:16

yaa lɔ ɓaa hvaŋą a tɛɛ, hva kɛa kɛ laa, ɓɛi ə kɛ laa, nąąkili hva kpɛli lɛɛ nąąi ɲą.

Mąątɛ̨nɛ̨ 49:10

Mąą nu a mɔ̨ɔ̨ pɛli lɛɛi lɔ yɛnɛ̨ɛ̨ a yələ kəlee? Akɛtii, di hvo mɔ̨ɔ̨ pai naai kámąi?

Samia Veerɛi 3:33

Yili pulu, tɔɔmun ə haa wələ too Avnɛrə mɛ̨i, yɛ mą: Mąą hvo nɛ̨ɛ̨li kɛ Avnɛrə hvo haa yɛ nuąi di ɓɛlɛ hvo diɛ,

Lɛɛ gbɔwɔ ɓa 1:6

Ɉu kwɛa kɛa, Ɉosɛfə da nąn nonnii di haa, da di muhəɠəyɔwɔɠaa kəlee.

Ikilisiati 2:15

Ya ɓə ŋą́ kɛ gbɔ́wɔ ɓa, yii kwa kilikpɛɛgwəi mun ku ŋąąkpɛɛi kaa tanɔ̨n, akɛti, lə mɛ̨nį ɓa ŋą́ kɛ a kilimąą mun? Gɛ́ gbɔ́wɔ ɓa: Yili kaa a kwəi pili mąą.

Ikilisiati 7:2

Pɛlɛ́i di kaa haa wɔlɔ ɓoi mu, nu liɛ laa hviɛlaɓoɔi, ə tɛɛ, pɛlɛ́i di kaa kulɔ-yɛnɛ̨ɛ̨ kɛi mu, ma. Mąąhɔlɔɓo nu kəlee ɲąąkpɛɛi ɓaa haa, viɛlaɓoɔi nu kəlee di di gili lɛɛ ɉu.

Ikilisiati 8:10

Ŋą́ą́ nwąnąlɔ nuą kaa, diɛ di haa kuu kɛ! Yaamun, nuą tii, di kɛi lɔ Yálá hee pɛlɛ́ mu, ya ka tii daa lɛ̨ą di túwɔ́ pələ ɓa. Yili kaa nwɔ̨nɔ̨ a kpɛli-kpɛli.

Ikilisiati 9:15

Kɛlaa, hulɔnu ta ə kɛ daai tii hu, nuą ɲɛ̨itɛɠɛɓoɔ ɉu, kili yɛ ɓo mą; ə daai tii nwun mąąɓo a nwɔ kilikɛɲəilaa. Kɛlaa, nui lɔpee ta hvo gili lɛɛ ɉulɔnui tii mąą mɛ̨nį hu.

Hanwon 14:8

Kilimąą mun gwəi pələ, kili kɛ ɲəi laa, ɓaa: nu ə gbɔwɔ hiɛ pələ ɲɛlɛ kɛ. Kɛlaa, kilikpɛɛgwəi nuą di wɔ ɓowo laa a nu lan.