Ikilisiati 2:10 - Yálá laawoo hɛɓɛ (dc)

¹⁰ Hɛn kpɔ ɲɛ̨́i kɔ́w ə kɛ bɔ ə gaa, ŋą́ gəlee lɛ mą. Mɛ̨nį ɲąąnɛ̨ɛ̨ ta hvo kɛ laa, yii və́ da kɛ. Kólói kpɔ ŋą́ gɛ, ŋą́ gəlee tɔlɔ hɔlɔɓo. Yii mąąnɛ̨ɛ̨ kɛ ŋą́ nííɓa kɛ ɉu, ŋą́ yili kəlee kɛ.

Yálá laawoo hɛɓɛ

¹⁰ Hɛn kpɔ ɲɛ̨́i kɔ́w ə kɛ bɔ ə gaa, ŋą́ gəlee lɛ mą. Mɛ̨nį ɲąąnɛ̨ɛ̨ ta hvo kɛ laa, yii və́ da kɛ. Kólói kpɔ ŋą́ gɛ, ŋą́ gəlee tɔlɔ hɔlɔɓo. Yii mąąnɛ̨ɛ̨ kɛ ŋą́ nííɓa kɛ ɉu, ŋą́ yili kəlee kɛ.

Bible

¹⁰ Sɛ́ŋ kélee ŋ́ɛi a kâa gàai, ŋ̀wɛ́li à ńzôŋ, ŋa zìɣe. Fa kâa lii-nɛɛ mɛ̀ni da naa lɛ̀ɛ. Lii-nɛ̃ɛ mɛni kélee wɛ́li è kɛ̀ ḿâ. Zɛŋ kélee ŋa kâa zɔlɔ ƃô ŋ́gɛ mɛni sui, m̀ɛni a ńii làa, kpɛ́ni fêi, ŋátii vela-fêi káa kɛ̀ tí.

Ikilisiati 2:10 Referans Kwoze

Ikilisiati 9:9

Ə́ wɔ yɛnɛ̨ɛ̨ ɲąąnɛ̨ɛ̨ kulɔ ká ə́ wɛlikɛmąą nɛ̨ą, ɲíi kuu kpuɔ lon ŋɛ̨i Yálá aa dɛɛ ə́ pɔ, ɉu. Yili lɔ ɓə gaa a mɔ̨nɔ̨i ə́ kaa mįi ɓɛ lɔi mɛ̨i, dɔlɔ.

Ikilisiati 5:18

Yili pulu, Yálá a hɛn gɔw da yee la hvólón dɛɛ nu pɔ, mąą nu yɛ pɛli gɛ kóló dɔlɔ kulɔi, yili kaa a Yálá yəi mɛ̨inɛ̨ɛ̨.

Ikilisiati 3:22

Yili ɓa, yii ŋą́ gaa ya ka: Yii lɔ nɛlɛɛ nu lonnii diɛ, ya ɓaa: Di di ɲąąnɛ̨ɛ̨ kulɔ di kɛ kóló hu. Yii lɔ mąąnɛ̨ɛ̨ ə gwəinɛ̨ɛ̨ ɉu, yaa lɔ li. Mąąhɔlɔɓo, mɛ̨nįi pai tɛɛi nu haa pulu, hva lɛɛ heeni hvo gaa!

Mąątɛ̨nɛ̨ 119:37

Ɲɛ̨́i həɠə ɲą́ą́koloon mɛ̨nįɠaa pulu! 'Pənə ə́ dóó nwų́nų kɔ́lɔi, əgɛ, ŋį́ ə́ liiɓa kɛ.

Mąątɛ̨nɛ̨ 128:2

Ə́ kaa pai ə́ kɛ kóloɠaa dɔlɔ mį́i. Ə́ nwun na nɛ̨ɛ̨i, ə́ pɔɔ ɓaa yɛnɛ̨ɛ̨ ɲąąnɛ̨ɛ̨.

Zɔ̂ŋ Maa-ŋuŋ 2:16

Gbala ə tɔɔ, mɛ̨nįɠaai ɲɛnɛ̨ɛ̨ ŋɛ̨i hu diɛ ɓaa: kɔlɔ liiɓa mɛ̨nįɠaa, ɲɛ̨i kɔw nwɛiɠaa ɛlɛɛ, da nu kilitɔɔ mɛ̨nį, ɲəi hɛnŋaa diɛ, a kpɔwɔ ɲąąkɛnɛ̨, di hva həɠə Nąn Yálá pɔ pələ, yɛnɛ̨ɛ̨ ɓɛ mɛ̨nįɠaa li.

Ikilisiati 2:22

Yili a kɛ tii, tɔlɔ lə kɛɛ kpɔ ɓə nu a ɉɔlɔɓo gólóɠaai a giliŋąhiɛ mą gəlee kɛɛ hu?

Ikilisiati 11:9

Yɛ́i a nunwunu, ə́ wɔ nunwunulaa ɲąąnɛ̨ɛ̨ kulɔ, ə́ ɲąąnɛ̨ɛ̨ kulɔ nąąlɔwai. Yii kpɔ a nɛ̨ɛ̨ yɛ́, gɛ. Yii yá gaa a nɛlɛɛ, yili kɛ. Kɛlaa, ə́ kili lɛɛ ɉu a nɛlɛɛ, yɛ́ kɛ: Yálá kaa pai ə́ kɛ mɛ̨nįɠaa tii kəlee kiti teei.

Ikilisiati 6:9

Viɛlaɓoɔi, hɛn gaa nu yəi ə gwəinɛ̨ɛ̨, ə tɛɛ nu kpɔwɔ ɲąą kɛnɛ̨ɛ̨ ɓa, mąąhɔlɔɓo, yili kaa a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Hanwon 23:5

Mąąhɔlɔɓo, ɓɛlɔwai ə́ ɲɛ̨i a tɔɔ la mą, yɛ́ kɛ yaa ɉon, nąąlɔwai ɓə a kwɛlɛɛn na, a kɛ yɛ goon a kɛ mą, ə koon yɛ tɛ yələ kwəi yɛ nwɛ̨nį kɛnɛ̨.

Zôo 31:1

Kwa ɲɛ̨́i kɔ́w ku mįnɛ̨ həɠə, hvo halakpɛla kaa hįį.

Nwun mąąɓo 14:2

bulu pənəi ə mo ə pa bɔ taai, ə mo nee da nąn diɛ, yɛ diɛ: «Ŋą́ą́ Filisti nɛ̨ɛ̨nu ta kaa Timna daai, gáá bɔ ka li ka mąą mɛ̨nį ɓo, ŋą́ ɉəɠə a nɛ̨́ą.»

Zɛnɛse 6:2

Yálá lon ɉinąą di lɔi mɛ̨i nɛ̨ąą lɛlɛi kaa, diɛ daɠaa həɠə a di nɛ̨ąni.

Zɛnɛse 3:6

Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Ikilisiati 5:10

Nu nwɔ hɛn gɔw hu a kɛnɛ̨ lɔ, mįi nuą diɛ tamą. Tɔlɔ lə kɛɛ kpɔ ɓə gaa yili hu, akɛ, ɉɛn gɔwi tii ɲəi, ɲɛ̨i gaa dɔɔi mą yaa lɔ hvəi?

Ikilisiati 6:2

ya ɓaa: Nu ta ka tii Yálá aa hvaa mą, aa hɛn gɔw da yeelahvólóon dɛɛ bɔ, ɛlɛɛ, mąąwia. Nui tii, hɛn kpɔ gaa bɔ, aa gəlee hɔlɔɓo, Kɛlaa, Yálá hva nɛɛ laa hvo nwɔ hɛnŋąą tii ɲąąnɛ̨ɛ̨ kulɔ; nu takpɛli ɓə a ɲąąnɛ̨ɛ̨ kulɔ. Yili kaa a kpɛli-kpɛli mɛ̨nį da mɔ̨nɔ̨ ɲąąnwąnąą mįiɛ.

Ikilisiati 9:6

Di wɔ wɛlikɛmąąlaa, di wɔ wɛlikpɛɛmąąlaa, di wɔ tolo kulaa, gəlee daa haa. Mɛ̨nįɠaai kɛi lɔi mɛ̨i, di wɔ nąą hvo ɉu.

Ikilisiati 2:1

Ŋą́ kɛ gbɔwɔ ɓa: «Hɛn kpɔ Yɛnɛ̨ɛ̨ ɓɛ kwəinɛ̨ɛ̨ a dɛɛ nu pɔ, hvo kɛli ŋą́ gɔlɔn, da bɔ ɲąąnɛ̨ɛ̨.» A tɛ̨ą, yili yaa kpɛli gaa lɔ a kpɛli-kpɛli mɛ̨nį.

Ikilisiati 2:24

Mɛ̨nį ɲąąnɛ̨ɛ̨i lɔ gaa nu yəi, ya ɓaa: Ə kɔ̨nɔ̨n mįi, ə gbələ, ɛlɛɛ, ə gwəinɛ̨ɛ̨ kɛ kóló dɔlɔ hu. Ŋą́ gaa gɛ́ diɛ Yálá ɓə a nu kɔ́ a yili.

Ikilisiati 5:17

Yii lɔ kɛa ŋą́ gaa a ŋąąkpɛɛi, ya ka: Yii viɛlaɓoɔi nu lonnii mąą mɛ̨nį ɓa, ya ɓaa: Nu nwɔ kɛ yɛnɛ̨ɛ̨ hu, ə naa mįi, ə gbələ, ə gɛ kóló ɲąąnɛ̨ɛ̨ kulɔ ɲɛnɛ̨ɛ̨ ŋɛ̨i Yálá ə dɛɛ bɔ ɉu; yili lɔ ɓə gaa a nu nwɔɔ nąą.

Ikilisiati 8:15

Yii ɓaa nwɛ́i, ŋą́ kwəinɛ̨ɛ̨ kulɔ, mąąhɔlɔɓo, hɛn gaa a nu lonnii di wɔ nwuna nɛ̨ɛ̨ ɓɛ lɔi mɛ̨i, ya ɓaa: di di laa mįi, di di kpələ, di di ɲąąnɛ̨ɛ̨ kulɔ. Volói ŋɛ̨i Yálá ə dɛɛ nu lonnii pɔ lɔi mɛ̨i, yili lɔ ɓə mąąnɛ̨ɛ̨ ə kɛ di kɛ kóló pɔ.