Ikilisiati 12:1 - Yálá laawoo hɛɓɛ (dc)

¹ Yɛ́i ŋɛ̨i a nunwunu! Ə́ nwunu yələi tii, 'hvó lɛ̨ą ə́ pɛli Yálá ɓa. Gɛɛ ə́ pɔlɔ yələ hvo kɛ həli mą, gɛɛ hvó pa kɛ diɛ: «Yɛnɛ̨ɛ̨ kun aa hee ɉú!» Ə́ kili lɛɛ ə́ pɛli Yálá hu.

Yálá laawoo hɛɓɛ

¹ Yɛ́i ŋɛ̨i a nunwunu! Ə́ nwunu yələi tii, 'hvó lɛ̨ą ə́ pɛli Yálá ɓa. Gɛɛ ə́ pɔlɔ yələ hvo kɛ həli mą, gɛɛ hvó pa kɛ diɛ: «Yɛnɛ̨ɛ̨ kun aa hee ɉú!» Ə́ kili lɛɛ ə́ pɛli Yálá hu.

Bible

¹ Núu-tɔɔ-ŋa, káfe ǹɛɛ naa ɣéniɛ su-sãai maa lii-nɛ̃ɛi é gɛ́ ká nia kákpɛtɛ-nuui ma. Ka gɛ́ tí, tãi ka pâi lii la kápɔlɔ yêe lai, ka pâi môi kâai, “Kúfe kúɣeniɛi ŋãa-nɛ̃ɛ kula ní.”

Ikilisiati 12:1 Referans Kwoze

Woolaa 3:27

Nu ə mɔ̨nɔ̨ mįi a ə́ muhəɠə yələ hviɛlaɓoɔi.

Ikilisiati 11:8

Gwɛlanŋąąi Yálá aa dɛɛ nu lonnii pɔ, mąąnɛ̨ɛ̨ dɛitɛi kəlee həli pələ, di di kwəinɛ̨ɛ̨; ə mą kɛ, daa kwɛlan damąą kɛ. Kɛlaa, mąąnɛ̨ɛ̨ di di kili lɛɛ ɉu, diɛ kɛ: kpinį nwɔ hvóló tamąąi kɛɛ pɔ̨nɔ̨ɔ̨ ɓa. Mąąhɔlɔɓo, tínąą hva nu kilaa pɔ̨nɔ̨.

Hanwon 22:6

Lokolo lɛɛ tiikpə, ə́ galan a kpaalə mąąnɛ̨ɛ̨ ə hiɛ la, ə mą kɛ aa pɔlɔ, hva lɛ̨ą mą.

Lukə 18:16

Kɛlaa, Jesus ə nɛapɛlɛɛɠaa tii lɛɠɛ mą, yɛ diɛ: «Ka lɛapɛlɛɛ lɛɛ laa di pa bɔ́, ka hvo kpɛ̨ąn di tɔwɔ. Mąąhɔlɔɓo, nuą di kaa yɛ nɛapɛlɛɛ ŋɛ̨i, diɛ ɓə Yálá-taa tɔɔlaa kaa a di wɔɔ.

Mąątɛ̨nɛ̨ 34:11

Yalaɠaa da hvɛɠɛ, di pulu həɠə, Kɛlaa, nuąi da Yai-Laa kwɛli, di hva hvɛɠɛ a hɛn nɔpee ta.

Timote veelɛ 3:15

Ə həɠə ə́ lokolo yələ ɓa ə həli yiihu ɓa, ə́ ɉɛɓɛ́ mąąhəɠɛɛ hu wooɠaa kɔ́lɔn, da pɛli di kili tɛɛ ə́ pɔ, yai a nu lɔ nwun mąąɓo laa hu a nu laa Jesus Kristə la.

Mąątɛ̨nɛ̨ 90:10

Ku wɔ lamun yɛnɛ̨ɛ̨ kaa lɔ a kwɛlan bow mɛ̨ihveelɛ, ɉu a kwɛa, kwɛlan pow mɛ̨ihaaɓa, yili kəlee, ka gɛ lɔ laanɔ̨nwɔ̨ da mɔ̨nɔ̨ di hu; hvó gaai, da tɛɛ ɉa, kwaa mąn li.

Ikilisiati 11:10

Mɛ̨nįi kpɔ a liihɛlɛn doo nu ɓa, da ɲɔw mɛ̨nįɠaa, yiliɠaa kəlee mąą kwɛa yɛ́; mąąhɔlɔɓo, nunwunulaa, da nwɔ kpakololaa, di kaa a kpɛli-kpɛli mɛ̨nį.

Hanwon 8:17

Nuąi da nwɛ́lilakɛ, diɛ gwɛ́li a di lii kəlee, da gáá.

Samia Veerɛi 19:35

Barzilai yɛ tɔɔmun Davidə ɓa: «Kwɛlan ɲɛli kpɔ ɓə kɛa aa lɛɛ ɲə́i ɓɛ yɛnɛ̨ɛ̨-oo, yaai kwa tɔɔmun kwa həɠə kuɔ li Ɉerusalɛmə daai!

Samuɛlə dɔlɔɔ 2:26

Samuɛlə nwɛi, ə kɛi kɛnɛ̨, yɛ Yai-Laa da nu haŋąą di lii hon.

Zɛnɛse 39:2

Yai-Laa ə kɛ Ɉosɛfə pɔ, yili ɓə gɛ, mɛ̨nįi lɔpee ə kɛi ɲee too ɉu, gəlee hu ə kɛi nɛ̨ɛ̨. Ɉosɛfə ə kɛ lɔ Potifarə yəi bɛlɛ́n.

Lukə 1:15

Mąąhɔlɔɓo, gaa pai kɛi a nu kɛnɛ̨ Yálá ɲɛ̨i ɓa. Dɛa ɓa pai kɛi a lɔɔ da kpələ hɛnŋąa lɔpee nwəleen gaa ɉu. Yɛ nu nwun ɉu tinɛ̨n, mąąhɔlɔɓo, Kili-Mąąhəɠɛɛ kaa pai kɛi ɲəi ə həɠə gaa yələ ɓa ə lɛɛ la ɉu ɉaa yələ.

Samuɛlə dɔlɔɔ 16:7

Kɛlaa, Yai-Laa yɛ Samuɛlə ɓa: «Hvo ə́ kili lɛɛ nui ŋɛ̨i koloon ma, da dɔɔmɛ̨i, yili hvəi gáá bɔ. Yii nuą da gaa, yili hvəi; nuą di wɛi, da nu kɔ́lɔ ɓa kaa, Yai-Laa yɛ nu líí hu kaa.»

Zɛnɛse 39:23

Mɛ̨nįɠaai kpɔ kɛ a gaho pɛlɛ́ nwun nąmu kɛ kóló, ə gəlee lɛɛ Ɉosɛfə yəi, mąąhɔlɔɓo, Yai-Laa ə kɛ Ɉosɛfə pɔ, yɛ nwɔ mɛ̨nį kəlee hu nɛ̨ɛ̨.

Ifisiɛŋ 6:4

Káái a lon gaa-nuą, 'ká hvo ká lonni hon a di liikələn bələ di kwəi. Kɛlaa, 'ká di kulɔ ɉu, káá di hutɔɔ, 'káá di liɛwoo kɛ a wooɠaai a həɠə gu Nąmu pɔ.

Danîa 1:17

Ɉilɛlea nąąn tii, Yálá ə hvaa mą ə mɛ̨nį kɔ́lɔn ŋąą da hɛɓɛ́ kɔ́w gulɔ ɉu kɔ́lɔn ŋąą tɛɛ di pɔ, da kíli. Yálá ə hvaa mą Daniɛlə yɛ hįi wooɠaa hukulɔ.

Azaya 26:8

Bələi ə́ woo a nɛ kuɔ, ya ɓə kwa hiɛ mɛ̨i, ku kili ə ɓo a dɔɔ Yɛ́, Yai-Laa, mɛ̨nįi niihɛlɛn gaa kuɔ, ya ɓaa, ku kɛ lɔ ə́ laa ɓo mɛ̨nį hu.

Samuɛlə dɔlɔɔ 2:18

Samuɛlə nwɛi, ə kɛi nwɔ kólói kɛ Yai-Laa lííla, ə kɛ kɛa a hulɔnon, kilɛn ɉəɠə kwɛlɛɛ ə ɓo mą.

Tɔɔɓɛlaa dɔlɔɔ 18:12

Gbəli hu, gáá lɔ pai həɠəi ɓɛ, Yai-Laa nwɔ Kilii yɛ li a yɛ́ ɓɛi və́ nąą kɔ́lɔn; ə lɛɛ, ŋą́ mo Akabə ɓa, a wala ə́ kaa, gaa pai báái. Ya pa, ə həɠə múhəɠə yələ ɓa, ŋą́ ɲɔw Yai-Laa ɓa.

Samuɛlə dɔlɔɔ 1:28

Ɲą́ą́n gáá pənəi ŋą́ dɛɛ Yai-Laa pɔ, ə lɛɛ Yai-Laa yəi a yələ kəlee mɛ̨nį.» Anə ə pɛlɛ niiɓa ə kwɛli hvilɛn Yai-Laa ɓa.

Osia 7:9

Nwɛ̨ąą kaa vaŋą kpɛɛi, ɛlɛɛ nwɛi, gili hvo ɉu; yili pulu nwun nəɠa bowa yɛ pu ɉu, ɛlɛɛ mɛ̨nį ta kpaɠala hvo mą.

Zôo 30:2

Mun hɔlɔɔ, mą́ą́kpaan və kɛ di wɔ hɛn da ɓa. Di wɔ huwalawalalaa hu aa kala.

Tɔɔɓɛlaa dɔlɔɔ 14:13

Israɛlə nuą kəlee kaa pai ɉaa mɛ̨nį ɲɛ̨i kulɔi, di noo mąąhɔlɔɓo, Ɉeroboamə yəi bɛlɛ́n nuą lɔwai, yaa tɔ̨nɔ̨ gbən ɓə kiliŋąhiɛ lɛlɛɛ ə kɛ gwəi, yɛ hvilɛn na Yai-Laa Israɛlə nwɔ Yálái ɓa, yili ɓə pai gɛi yɛ laa la kámą hu.

Dutɛrɔnome 8:18

Kɛlaa, mąąnɛ̨ɛ̨ ka kili ə kɛ ɉu kaa diɛ; Yai-Laa ka wɔ Yálái ɓə hvaŋą tɛɛ ka pɔ kaa hɛn ɉɔlɔɓo la. Nwoo tii ə gwɛlɛ ka nąnni diɛ, yɛ bɔ mɛ̨nį kɛ la, yɛ bələi gaa gɛi la háákələi.

Nehemi 4:14

Ɓɛi lɔpee ka tulu woo mɛ̨n naa, ka ka ŋąąkpɔm gu kwɛlɛ, ka gu Yálái kaa pai tɔɔi gu pulu.»

Mąątɛ̨nɛ̨ 63:6

Yɛ ŋą́ pilɛ huwo wulɔ, da wulɔ di hu, kwəinɛ̨ɛ̨ wələ ə ɓo lɔ ná, gɛ́ ə́ mąątɛ̨nɛ̨ la.

Mąątɛ̨nɛ̨ 119:55

Ŋą́ gíliŋąhiɛ ə́ laa ɓa a kpinį, Yai-Laa, əgɛ, ŋį́ ɲéé kanąn ə́ wɔ tɔn ma.

Ikilisiati 11:2

Ə́ yəi hɛn gɔw lɔ mɛ̨nį tamąą hu, mąąhɔlɔɓo, ɓɛlɔwai kpaan mɛ̨nį kaa pai həli la lɔi mɛ̨i, hvó ɲələ kɔ́lɔn.

Samia Veerɛi 19:36

Yii hui ŋɛ̨i, gáá kwɛlan gaa pow mɛ̨ihaaɓa, vá kɛa pɛli hɛn nɛlɛɛ da hɛn ɲɔ̨nɔɔ di kulɔ ɉu kɛi. Tɔɔmun! Ə́ wɔ tímun hva kɛa pɛli naa mįi hɛn da gbələ hɛn nɛɛ mɛ̨nį gulɔ ɉu kɛi. Vá kɛa pɛli wələ woo hukulaa kaai, lə mɛ̨nį ɓa, ŋą́ pɛli nwɔ̨nɔ̨ lii gɛ́ kɛ a tiɛ̨ nwɔ́ mɛ̨nį nąmu tɔɔmun nwuɔ̨?