Ikilisiati 11:8 - Yálá laawoo hɛɓɛ (dc)

⁸ Gwɛlanŋąąi Yálá aa dɛɛ nu lonnii pɔ, mąąnɛ̨ɛ̨ dɛitɛi kəlee həli pələ, di di kwəinɛ̨ɛ̨; ə mą kɛ, daa kwɛlan damąą kɛ. Kɛlaa, mąąnɛ̨ɛ̨ di di kili lɛɛ ɉu, diɛ kɛ: kpinį nwɔ hvóló tamąąi kɛɛ pɔ̨nɔ̨ɔ̨ ɓa. Mąąhɔlɔɓo, tínąą hva nu kilaa pɔ̨nɔ̨.

Yálá laawoo hɛɓɛ

⁸ Gwɛlanŋąąi Yálá aa dɛɛ nu lonnii pɔ, mąąnɛ̨ɛ̨ dɛitɛi kəlee həli pələ, di di kwəinɛ̨ɛ̨; ə mą kɛ, daa kwɛlan damąą kɛ. Kɛlaa, mąąnɛ̨ɛ̨ di di kili lɛɛ ɉu, diɛ kɛ: kpinį nwɔ hvóló tamąąi kɛɛ pɔ̨nɔ̨ɔ̨ ɓa. Mąąhɔlɔɓo, tínąą hva nu kilaa pɔ̨nɔ̨.

Bible

⁸ Tãi ká káa la ɣele mai, ka kɛ́ ɣéniɛ ŋ̀aa nɛ̃ɛ kulâi. Kɛ́lɛ ka gɔ́lɔŋ a gɛɛ núu fa tûa fɛ̂ɛ m̀olôŋ. Nyíŋi kélee káa nɔ́ kpɛ́ni-kpɛni.

Ikilisiati 11:8 Referans Kwoze

Ɉaan 12:35

Jesus yɛ diɛ: «Kɛɛ pono kaa ni ka pɔ a lɔwai ta wolo. Ɓɛlɔwai kɛɛ ponoɔi la, ka hiɛ, ə gɛ, kpinį hvo pa ka hon, mąąhɔlɔɓo, nui a hiɛ kpinįi hvo dɔwɔ kɔ́lɔn.

Dutɛrɔnome 32:29

Ə li kɛ kili kaa diɛ, də li gbaɠala kaa, də li kili hɔlɔɓo di tinąą mɛ̨nį hu.

Zooɛ 2:2

Volói tii kaa a tɛɛhilɛ kpinį yɛ ɓo a tulɔ kpinį. Gaa a yələ yɛɛ hvóló, a tulɔ kpinįn ŋį hvóló. Gaa yɛ tulɔ kpinį a pɛlɛ ɲeeɠaa diɛ, Beeləɠaai ka! Di kpulu hu kɛnɛ̨, hɛn da hva tɔɔ di la. Ku hvo ta yili ɲɔ̨nwɔ̨mąn gaa li; Ku hvo nwɔ̨nɔ̨ pai ɲɔ̨nwɔ̨mąn gaai.

Ikilisiati 7:14

Ɓɛlɔwai ɲɛnɛ̨ɛ̨ ɲąą a nɛ̨ɛ̨ la gu yəi, ka gu gu kwəinɛ̨ɛ̨. Ɲąąnwąnąą a həli la guɔ, ka gu gu kiliŋąhiɛ, ɲąąnɛ̨ɛ̨ da ɲąąnwąnąą, Yálá kɛ mɛ̨nį ɓaa a gəlee, Ə yili kɛ tii, əgɛ, nu hvo pɛli Yálá kɛ mɛ̨nįɠaa kpun ɉu kaai.

Zûu 1:18

Di mo kaa diɛ: yɛnɛ̨ɛ̨ ɲąąkpɛɛi lɔwai, nuą kaa pai kɛi yɛ́lɛ́i kaa, di hvilɛn ŋąą di kpɔwɔ liiɓa pulu diɛ gɛ.

Ɉeremi 13:16

Gɛɛ hvitili hvo pu, kpinį hvo pɛlɛ kaa, kaa ka kɔ́wɔ tuwɔ ɲeeɠaa ɓa; kaa kɛɛpono mąą kpɔn, Kɛlaa mąą yɛ pənə a tɛɛhilɛ kpinį, a tulɔ kpinį hu tɛɠiɛ, 'ka Yai-Laa ka wɔ Yálái mąąwiɛ.

Ikilisiati 8:15

Yii ɓaa nwɛ́i, ŋą́ kwəinɛ̨ɛ̨ kulɔ, mąąhɔlɔɓo, hɛn gaa a nu lonnii di wɔ nwuna nɛ̨ɛ̨ ɓɛ lɔi mɛ̨i, ya ɓaa: di di laa mįi, di di kpələ, di di ɲąąnɛ̨ɛ̨ kulɔ. Volói ŋɛ̨i Yálá ə dɛɛ nu lonnii pɔ lɔi mɛ̨i, yili lɔ ɓə mąąnɛ̨ɛ̨ ə kɛ di kɛ kóló pɔ.

Ikilisiati 8:12

Nɛ̨ŋɛ̨n ɉəɠəmun danɔ̨n gbən a pɛli ə mɛ̨nį ɲɔ̨n damąą bələ kulɔ, Kɛlaa yaamun, yɛ lamun yɛnɛ̨ɛ̨. Ɲą́ą́ gbį́nįi gílí kaa ɉu, gɛ diɛ: «Nuąi da ɲɔw Yálá ɓa, diɛ ɓə di kaa a lúwɔ́ lonnii, mąąhɔlɔɓo, diɛ ɓə Yálá nwɔ Heeɓolaa kɔ́lɔn.

Ikilisiati 6:11

Bələi lɔ gwa hɛatoo la kɛnɛ̨, bələ lɔ ɓə gwa lan na. Yili dɔlɔ ɓaa a lə?

Maafîu 22:13

«Tɔɔmun ə mo nwɔ tínuą diɛ, yɛ diɛ: ‹Ka nui ŋɛ̨i yee laa bulu, ka ɲili, ka gɔwɔ kwaną yili, ka bili ɲɛnɛ̨ɛ̨ gbinį hu ɓɛi wɔ́lɔ́ da ɲį́n ɲa mįi di kaa laa.›»

Ikilisiati 6:6

Ə mą kpɛli kɛ aa kwɛlan nwaa-hveelɛ kɛ yɛnɛ̨ɛ̨, a kɛ a wala ɲąąnɛ̨ɛ̨ kulɔ, lə ɓə yili a gɛ nu ɓa? Kɛlɛi nɔ̨ɔ̨-nɔ̨ɔ̨ hɛn gəlee ŋąąkpɛɛi kaa tanɔ̨n-e?

Ikilisiati 4:16

Nu kpulu kɛnɛ̨ ɓə ə kɛ di nwun na. Kɛlaa, ə mą kɛ tii, həɠə gee pɔ yii gaa pulu yɛ pa, di hvo pai di kwəinɛ̨ɛ̨i mąą mɛ̨nį hu. Mąąhɔlɔɓo, mɛ̨nįɠaa tii kaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 4:8

Nu ta a kɛ laa, veelɛ hvo mą, yaa tɔ̨nɔ̨ lɔ ɓə nwɛi hu yɛnɛ̨ɛ̨; ɉiɛ gee pulu hvo mą, gaayɔwɔ hvə mą, ɛlɛɛ, lon və kpɛli mą. Kɛlaa, hva kpɛla kóló kɛɛ ɓa, yɛ mɔ̨nɔ̨ mįi, hvóló kəlee gaa lɔ hɛn gɔw gwɛliɛ hu; bələi mąn a góló himąi tii kɛ la, hva ɲąąnɛ̨ɛ̨ kulɔ ɉɛn gaa gwɛlii ɉu, yɛ kɛ gbɔwɔ ɓa: Akɛti, gbɛɛ kpɔ ɓə gáá ɉɛn ŋɛ̨i kwɛlii ma-oo?. Yili kaa nwɔ̨nɔ̨ a mɛ̨nįi a nu kwəi pili mą, ɛlɛɛ, nu nwɔ yɛnɛ̨ɛ̨ kɛ pələ a kɛ tii, yili ɲąąnwąnąąi.

Ikilisiati 2:26

Yaan, nui nwɛli kaa Yálá ɓa, a gɔ́ a kili, mɛ̨nį kɔ́lɔn ŋąą, nwun gɛ ɉu laa da yíi la nɛ̨ɛ̨. Kɛlaa, a kóló laa nɛ̨ŋɛ̨n ɉəɠəmun nwuɔ̨, yili yɛ hɛn gwɛli a nui nwɛli kaa Yálá ɓa, nwɔɔ. Yili yaa kpɛli gaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 2:19

Mąą nu kaa pai kɛi a kilimąą mun, a wala kɛ tii, kilikpɛɛgwəi mun? Nu ta hvo yili kpaɠala kɔ́lɔn. Kɛlaa, hɛn kpɔ ŋą́ gwɛli gɛ́ kóló hu da nwɔ́ kili mɛ̨nį hu, gəlee kaa pai lɛɛi nui pai mą́ą́hvalin ɉi ɲəi. Yili kəlee kaa a kpɛli-kpɛli mɛ̨nį.

Ikilisiati 2:17

Yili ɓə gɛ, Yɛnɛ̨ɛ̨ wɛli yɛ kpɛɛ mą́ą́. Yaan, ŋą́ą́ gaa kpɔ, yii kpɔ nuą da gɛ lɔi mɛ̨i, da lɔpee wɛli hva ɉón, gəlee kaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 2:15

Ya ɓə ŋą́ kɛ gbɔ́wɔ ɓa, yii kwa kilikpɛɛgwəi mun ku ŋąąkpɛɛi kaa tanɔ̨n, akɛti, lə mɛ̨nį ɓa ŋą́ kɛ a kilimąą mun? Gɛ́ gbɔ́wɔ ɓa: Yili kaa a kwəi pili mąą.

Zôo 18:18

Da gulɔ kɛɛ pɔ̨nɔ̨ hu, diɛ bili kpinį hu, naa ə kpɛɛ yɛnɛ̨ɛ̨.

Zôo 15:23

A kɛ gílɛ həɠəi yɛ gɔ̨nɔ̨n gwɛli, kɛlaa mįnɛ̨ ɓə a ɉɔlɔɓo laa? Gili kaa ɉu yɛ kɛɛnąą kpinɛ̨ɛ̨ ɓə mąąkpɔn ɉii.

Zôo 14:10

Kɛlaa, nu kan nwɛi a haa, a lɛɛ lɔ ti, nu a haa, di hva gɛi kaa.

Zôo 10:22

Ɓɛi nąą yələwala kaa a ɉu kpinɛ̨ɛ̨, ɓɛi haa a nąą kpinį a yələ kəlee. Nąą yələ ɓɔɔ ə ɓo a kpinį hu tɛɠiɛ.

Ikilisiati 9:7

Yili ɓa, ə́ laa mįi, ə́ wɔ lɔɔi kpələ a ə́ kwəinɛ̨ɛ̨; mąąhɔlɔɓo, Yálá aa ə́ kɛ mɛ̨nįɠaa hu nɛ̨ɛ̨.

Ikilisiati 11:2

Ə́ yəi hɛn gɔw lɔ mɛ̨nį tamąą hu, mąąhɔlɔɓo, ɓɛlɔwai kpaan mɛ̨nį kaa pai həli la lɔi mɛ̨i, hvó ɲələ kɔ́lɔn.

Zôo 10:21

Gáá kɛa pai lii yali bulu hva kɛ ɉu. Kɛɛnąą kpinɛ̨ɛ̨ nuą pɔ taai.

Zôo 14:12

bələ lɔ ɓə nu a haa la, hva pənə hvo nwun. Ə lɛɛ ɉu yələkɔlɔn ə tɛɛ la, di hvo pai di muhəɠəi. Di hvo pai pənəi di hvo nwun.

Mąątɛ̨nɛ̨ 49:20

Gaa pai lii nąnni pɔɔli, di hvo kɛa pai kɛɛ pɔ̨nɔ̨ kaai.