Ikilisiati 11:5 - Yálá laawoo hɛɓɛ (dc)

⁵ Bələi nu a kɛ la a nu hvulú nɛ̨ɛ̨nu kwəi; hvó bələ kɔ́lɔn. Yálái hɛn gəlee pɛli, nu hva pɛli mą nwɔ̨nɔ̨ gɛ mɛ̨nįɠaa kpaɠala kaa.

Yálá laawoo hɛɓɛ

⁵ Bələi nu a kɛ la a nu hvulú nɛ̨ɛ̨nu kwəi; hvó bələ kɔ́lɔn. Yálái hɛn gəlee pɛli, nu hva pɛli mą nwɔ̨nɔ̨ gɛ mɛ̨nįɠaa kpaɠala kaa.

Bible

⁵ Núu da fé vãai tɛɛ-pere kɔ́lɔŋ kpaa máŋ berei núu-kpune maa mɛ̂ni a pîlaŋ la nɛnî mai. Bere sîi ŋí nɔ́ ƃé núu da fa târe la Ɣâla ŋɔtíi kɛ́-pere su nyii gáa a zɛŋ kélee kpɛtɛ-nuui.

Ikilisiati 11:5 Referans Kwoze

Ɉaan 3:8

Hvaŋą a kɛ tɛɛi ɓɛi gaa bɔ, yɛ́ din mɛ̨n, kɛlaa, ɓɛi ə həɠə laa, da ɓɛi gaa lii laa, hvə nąą kɔ́lɔn; pələ kpɔlɔ ɓə a kɛ la a Yálá nwɔ Kilii nwɔ nu hɔlɔɓo mɛ̨nį.»

Mąątɛ̨nɛ̨ 92:5

Mąąhɔlɔɓo, ə́ kɛ mɛ̨nįɠaa da gwə́inɛ̨ɛ̨, Yai-Laa! Ɛlɛɛ, ŋą kɛi ə́ yee ŋą kolóɠaa kaa, ŋą pili yələi, gɛ́ tomą a kwəinɛ̨ɛ̨.

Ikilisiati 8:17

Ya ɓə ŋį́ Yálá kɛ mɛ̨nįɠaa kaa, gɛ́ diɛ: nu hva pɛli Yálá kɛ mɛ̨nįɠaa hukpɛi ɓɛ yələkɔlɔn mu; bələi mąn nu kanŋaa kaa tɔɔi la a di nwąnąi diɛ gwɛli. Ə mą kɛ, kilimąą mun a kɛ diɛ: «Ŋą́ gɔlɔn!» Hva pɛli Yálá kɛ mɛ̨nįɠaa pulu kaai.

Lomaŋ 11:33

Ee Yálá nwɔ yəi kɛnɛ̨laa kpon ɉu kwɛaa ɓə-e! Nwɔ kili da nwɔ mɛ̨nį kɔ́lɔn ŋąą hu kɛnɛ̨ɛ̨ ɓə! Nu kili hva pɛli nwɔ mɛ̨nį hutɔɔ pələ kpaɠala kaai! Nwɔ pələi hukpinįɛi!

Azaya 40:28

Gbaɠala hvo mɔ̨ɔ̨ yɛ́, ɛlɛɛ, hvo ta mɛ̨n ni diɛ kɛ diɛ: Yai-Laa ɓə yələ kəlee Yálá? Ya ɓə lɔi piliɛ gee mɛ̨i pɛli, vii hva kpɛɛ, vaŋą ta hva kulɔ mą; nu hva pɛli nwɔ kili kɛ ɲəi laa kɔ́lɔn ɉii.

Mąątɛ̨nɛ̨ 104:24

Yái-Laa! Ə́ kɛ kóloɠaa tamąą ɓə tai! Ə́ gəlee kɛ a kiliŋąlaa kɛnɛ̨, lɔi laahvɛɛi a ə́ wɔ pɛli hɛnŋąąi.

Ikilisiati 7:24

Mɛ̨nįi gaa ju, ŋąą kɛnɛ̨ pələ, da gbon ɉu kwɛa pələ, gbɛɛ ɓə a pɛli gbaɠala kəlee kaai?

Mąątɛ̨nɛ̨ 40:5

Nwun nąnɛ̨ɛ̨mun maa nui a gilitɔɔ Yai-Laa ɓa, yai hva too huɲąŋą kɛnɛ̨ nuą pɔ; da nuąi lɛɛ mɛ̨nį aa di nwun ɉu lan.

Zôo 38:4

Ə́ kɛ mįnɛ̨, ɓɛlɔwai ŋį́ kɛi lɔi kɔ́wɔ hvilɛn na? Ɉukulɔ mą́ą́, mąąhɔlɔɓo, yáá ə́ kpɔwɔ kɛ a mɛ̨nį kɔ́lɔnmun.

Zôo 37:23

Gaa a Huwalawala Kəlee Nąmu, gu hva pɛli həlii ma, gɛnɛ̨ɛi yeetɛɛmąą laa hu, gɛnɛ̨ɛ tələnmolaa hu. Gaa a tələnmolaa Nąmu, hva nu ta nwɔ tɛ̨ą mɛ̨nį kpəlaan.

Zôo 5:9

Ya ɓə a mɛ̨nį kpɛa kpɛa kɛ, yii nu kili hva gbaɠala kaa. Mɛ̨nį kpɛa kpɛai nu hva pɛli nonon ɉii.

Ikilisiati 1:6

Hvaŋą a tɛɛ ə yɛɛ hɛɠɛɛ, ə tɛɛ ə tɛ yánwuɔ̨ pələ, ə pənə ə tinɛ̨n; yili pulu, ɓɛ pələi ə həɠə la, ə pənə yɛ li nąą pələ.

Ikilisiati 1:13

Mɛ̨nįɠaai da kɛ tɛɛi yələkɔlɔn mu, ŋą́ gəlee mąąkpɛɛ kpɔ a nɛlɛɛ, a nwɔ́ kili mɛ̨nį, əgɛ, ŋą́ di kɛ mɛ̨nį nwun gɔlɔn. Kɛlaa, yili kaa a líihɛlɛn da yii Yálá a doo nu lonnii diɛ.

Ikilisiati 3:10

Kólói Yálá ə naa nu lonnii nwuɔ̨, ŋą́ą́ mąąkpɛɛ.

Ikilisiati 3:11

Yálá ə mɛ̨nį kəlee lɛlɛ ə bɛli nwɔ yələ ɓa. Mɛ̨nįɠaai Yálá ə gɛ, di lɛlɛɛi lɔ a di wɔ yələ. Ɛlɛɛ, Yálá ə Yálá-taa kili too nu hu. Kɛlaa, ə mą kɛ tii, nu hva pɛli Yálá kɛ mɛ̨nįɠaa kɔ́lɔn ɉi, ə həɠə kpɔ gɔwɔ tɔɔi yələ ɓa, ə həli la naa kulɔi ɓa.

Ikilisiati 11:4

Nu a ɲɔw yɛ kɛ diɛ: «Gwɛlan ŋɛ̨i ɓa, tulɔ mɛ̨nį kaa ləi ŋɛ̨i-o?» A wala kɛ tii, «Vaŋą tɛɛ pələ kaa ləi ŋɛ̨i?» Mąą nu hva hihɛn ɉi, yaan hva hihɛn da ma hɔlɔɓo.