Ikilisiati 11:1 - Yálá laawoo hɛɓɛ (dc)

¹ Ə́ kɔ̨nɔ̨n gulɔ ə́ la, ə́ bili yɛa, ə́ hee, yələ ta, ɉu a kɛnɛ̨ yɛ pa ə́ pɔ.

Yálá laawoo hɛɓɛ

¹ Ə́ kɔ̨nɔ̨n gulɔ ə́ la, ə́ bili yɛa, ə́ hee, yələ ta, ɉu a kɛnɛ̨ yɛ pa ə́ pɔ.

Bible

¹ Ka kásɛŋ-kaoi tɛ́ɛ sɛŋ-kao lâai kɛ́ kwaa ma laai kɛ̂-pere su. Ǹaa a nàmu, ka pâi zɔlɔ ƃôi da gêni.

Ikilisiati 11:1 Referans Kwoze

Ikilisiati 11:6

Yili ɓa, 'humó a ə́ wɔ hihɛn ɉiɛ, ə həɠə yələ wala pɔ ɓa, ə həli la yələ wulii ɓa, hvo kpɛla mą. Mąąhɔlɔɓo, ə́ kɛ kólóɠaai tii lɔwai, yii pai kɛi a nɛlɛɛ hvo gɔlɔn, ɛlɛɛ, akɛ gəlee ɓə tɔ̨nɔ̨ kaa pai kɛi ɉu, hvó gɔlɔn.

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

Maafîu 10:42

Nui lɔpee a kpələ kɔ́wɔ ɲąątɔ̨nɔ̨ tɛɛ nɛapəlɛɛ ŋɛ̨i ta pɔ, mąąhɔlɔɓo, nwɔ́ kalan non ni, mąą nui a mąą hvɛla hɔlɔɓo.»

Korɛntə veelɛ 9:6

Ká kili ə pu ɉu káá: Nu a ɉin tiikpə, dɔlɔ tiikpə lɔ ɓə a ɉɔlɔɓo, ɛlɛɛ, nui a ɉin gɛnɛ̨, dɔlɔ kɛnɛ̨ lɔ ɓə a ɉɔlɔɓo.

Azaya 32:20

Ka nwun na kaa pai nɛ̨ɛ̨i, ka káá pai ka wɔ tíiɠaa kɛi tɛɛyáɠaa kwɛlɛ, kaa ka wɔ nįŋɛ̨ɠaa, da ka wɔ ɓɛlaaɠaa lɛɛ laa di kpɔwɔ ɓa, ka hva di kpulɔn.

Lukə 14:14

Akɛ yá yili kɛ, nwun na nɛ̨ɛ̨mun maa a yɛ́. Mąąhɔlɔɓo, hɛn da hvo di yəi, di hvo gwələ kulɔi. Kɛlaa da gwələ kulɔ yɛ́ a telmo nuą nwun ɲələ, diɛ kulɔ haaɓɛlaa lɔwai.»

Azaya 32:8

Kɛlaa, kaalon nwɛi, kaalon giliŋąhiɛ ɓə gaa mą, ɲɛ̨i pɔ̨nɔ̨ mɛ̨nįɠaa lɔ ɓə a ɲee lɔ ɉu.

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Hanwon 22:9

Nui nwɔ kɛɛ kaa lɛlɛɛ, a lúwɔ́ hɔlɔɓo, mąąhɔlɔɓo, aa nwɔ kɔ̨nɔ̨n ta tɛɛ yeehvowolomun bɔ.

Hanwon 11:18

Nwɔ túwɔ́ pələ ɲɔ̨n tii a nwɔ pɛ́lɛ́i hɛŋɛnɛn haa pɔ pələ, yɛ nwun na pili.

Maafîu 10:13

Akɛ bɛlɛi tii mu nuą da di yee hee ka mui, ka wɔ liilaai a kɛ diɛ. Kɛlaa, da wala di yee hee ka mu, ka wɔ liilaai a lɛɛ ka yəi.

Samia Veerɛi 17:29

kwɛi nwulɔ, nįŋɛ̨ wulɔ, ɓɛlaaɠaa, nįŋɛ̨ huwɔ kpuɔɠaa, di paa la di dɛɛ Davidə da nwɔ nuąi di pɔ a di kɔ̨nɔ̨n. Mąąhɔlɔɓo, di kɛi kɛ diɛ: «Nuąi ŋɛ̨i daa pulu həɠə a mɔlɔ nɔi pun ɉu, di hvii aa kpɛɛ.»

Levetekɔ 19:25

Gwɛlan nɔɔli nąą kɛa, ka pɛli má ta mįi, bələ ɓə ka wɔ wuluɠaai ta kaa pai kɛi pɛlɛi la mą a kwɛlan gəlee. Ɲą́ą́ ɓə gáá a Yai-Laa ka wɔ Yála.

Ikilisiati 3:6

Hɛn gwɛli yələ kaa mą, ɉɛn tii lan ɲələ yɛ ɓo mą. Hɛn naaikɛ yələ kaa mą, bili yələ yɛ ɓo mą.

Maafîu 25:17

Nui tii veelɛ hɔlɔɓo, ə li ə veelɛ kwɛli ə bɛlɛ veelɛi tii ɓa.