Ikilisiati 10:13 - Yálá laawoo hɛɓɛ (dc)

¹³ Kilikpɛɛgwəimun a nwoo kɔ́wɔ tɔɔ a kilikpɛɛgwəilaa, ə naa kulɔ a ɓowo wooi nwun və mą;

Yálá laawoo hɛɓɛ

¹³ Kilikpɛɛgwəimun a nwoo kɔ́wɔ tɔɔ a kilikpɛɛgwəilaa, ə naa kulɔ a ɓowo wooi nwun və mą;

Bible

¹³ Ƃoo-nuu a pɛ̂lɛ lónoɔɔ ma a ƃoo-pere é gbéli kpɛ́ɛ a ƃoo-pere.

Ikilisiati 10:13 Referans Kwoze

Hanwon 29:9

Kilimąą mun, da kilikpɛɛgwəi mun da kɛ kili haɠa ɓa, gilimun ə nwąnąi pu-o, ə ɉon a yɔla-o, kilikpɛɛgwəi mun va ɲąą kaa.

Ɉaan 12:10

Ɉaláá laa həli nuą kpɛa-kpɛa di Lazarə baa mɛ̨nį kili tee di kwəi.

Lukə 11:38

Farisiɛ̨ ŋɛ̨i Jesus təli gwəi ə pili mą, ɓɛlɔwai ə gaa la yɛ Jesus hvo kɛ mąą waa li yɛ bələi di wɔ tɔ́n mąą liɛwoo kaa la.

Lukə 6:11

Nuą tii kɛ laa, gəlee líí ə holi kpɔ kɛnɛ̨, diɛ di kee ni mąąni kɛ diɛ kɛ mą: «Lə ɓə gwa pɛli gu gɛ a Jesus ŋɛ̨i?»

Lukə 6:2

Farisiɛ̨ taɠaa di mo diɛ kɛ mą: «Lə mɛ̨nį ɓa, mɛ̨nį tɔ́n dɔɔi ma háákələi hvólói mąą mɛ̨nį ɓa, ka káá gɛi?»

Maafîu 2:16

Yii kɛa Herodə ə gbaɠala kaa yɛ, kilimąą nuą daa mowo, nii ə hvoli kpɔ a mɔlɔ. Ə nuą tɔɔ Bɛtleɛmə daai da gwɛlɛ taaɠaa kəlee hu, ə gɛ, di lɛapɛlɛɛ yiiɠaai di kaa kwɛlan gaa tɔ̨nɔ̨ a wala kɛ tii hveelɛ, di di paa, yɛ pələi maageɠaa di nokoloi kaa mɛ̨nį gilaa pono tɛɛ la bɔ.

Tɔɔɓɛlaa veelɛ 6:31

Yili pulu, tɔɔmun ə gwɛla, yɛ mą: «Háákələi, Safatə lon Elise nwunganin a lɛɛ ŋą, Yálá hvo yɛnɛ̨ɛ̨ nɛ̨ɛ̨ mą́ą́!»

Tɔɔɓɛlaa veelɛ 6:27

Tɔɔmun yɛ mą: «Akɛ Yai-Laa a wala pa hvo kpɔnmąą tɛɛ ə́ pɔ, lə kpɔ ɓə ŋą́ pɛli ŋą́ gɛ yɛ́? Hɛn da lɔpee hvo kɛa laa; mɔ̨nun və gələ hu, viɲə ɓá hvo kɛa ɲá kulɔi.»

Samia Veerɛi 19:41

Tɔɔmun da Kimhamə ni di lɛɛ di kee pɔ, də li Gilgalə daai. Ɉuda nuą kəlee da Israɛlə nuą bələ tɔ̨nɔ̨, diɛ ɓə kpɔmąą tɛɛ tɔɔmun bɔ, di ɲa teen na.

Nwun mąąɓo 14:15

Voló mɛ̨ihveelɛ yələ, ɉilɛlɛai diɛ Samsɔn nɛ̨ą ɓa: «A kɛ tii, ku mąą kpoloon mɛ̨nį ɓə ka ku tə li la? Akɛ hvo bɔ ku hvo ə́ kələn, yɛ́ ka ə́ nąn ɲəi bɛlɛ́n nuą, li ə́ too ə́ hilɛ mu ə ɉanwon tii mukulaa lɛ yɛ, ə́ pa ə́ nɛ kuɔ.»

Ikilisiati 7:25

Yili ɓa, ŋą́ gbɔ́wɔ́ lɔ mɛ̨nį kwɛliɛ hu da mɛ̨nįɠaa kɛ mɛ̨nį nwun; ŋą́ kɛ bɔ, ŋą́ kili mɛ̨nį kaa. Yii ŋį́ gaa ya ɓaa: Nwąnąlɔ da kilikpɛɛgwəi di kaa a ɓowo mɛ̨nį.

Ikilisiati 10:14

A kɛ tii kɛa, hva kɛa naapilɛ. Yaan, nu hvo ɉaa pulu mɛ̨nį kɔlɔn, gbɛɛ a pɛli nɛi mą?

Hanwon 13:16

Kiliŋąlaamun a mɛ̨nį kɛ a gili. Kilikpɛɛɲəimun yɛ nwɔ ɓowo laa tɔɔ ɲɛ̨i.

Ikilisiati 5:2

Mąąhɔlɔɓo, nu a kɛi hvaa tamąą, a da ɓo, yii hvo giliŋąhiɛ li mą, ɛlɛɛ, bələi lɔ, liihɛlɛn a kɛnɛ̨ la nu ɓa, bələ lɔ ɓə ya hįi ɲɔ̨nwɔ̨ɔ̨ɠaa kaa la.