Ikilisiati 1:9 - Yálá laawoo hɛɓɛ (dc)

⁹ Mɛ̨nįɠaai gu kaa gaai yiihu, yaa lɔ ɓə pai kɛi nwɔ̨nɔ̨; mɛ̨nįi aa tɛɛ yaa lɔ nwɔ̨nɔ̨ pai kɛi. Mɛ̨nį ta hvo a nįnɛ̨ yələkɔlɔn mu.

Yálá laawoo hɛɓɛ

⁹ Mɛ̨nįɠaai gu kaa gaai yiihu, yaa lɔ ɓə pai kɛi nwɔ̨nɔ̨; mɛ̨nįi aa tɛɛ yaa lɔ nwɔ̨nɔ̨ pai kɛi. Mɛ̨nį ta hvo a nįnɛ̨ yələkɔlɔn mu.

Bible

⁹ Mɛni pɔlɔi wɔ́lɔ kɛ̂i a pâi kɛ̂i. M̀ɛni da va kɛ nyii ve ta wɔ́lɔ kɛ ni. Mɛni nina da fé ŋ̀éniɛi ŋí su.

Ikilisiati 1:9 Referans Kwoze

Ikilisiati 3:15

Mɛ̨nįi kɛi yiihu, da yii pai kɛi, yiliɠaa daa gbɛa wɔlɔ kɛ. Mɛ̨nįɠaai daa tɛɛ, Yálá a hvaa mą ə pənə yɛ kɛ.

Ikilisiati 6:10

ɉɛn kpɔ gaa yɛnɛ̨ɛ̨, laa kaa wɔlɔ gəlee ɓa. Ɛlɛɛ, bələi nu kan gaa la, gu gɔlɔn. Nu da naa tɛɛ mąąmun di hva kiti kɛ.

Ikilisiati 2:12

Ŋą́ kɛ bɔ ŋą́ kili mɛ̨nį tɔlɔ kaa, bələi viɛlaɓoɔi la dɛɛ kilikpɛɛgwəi ɓa da ɓowo. Yili pulu, gɛ́ gbɔwɔ ɓa: Nui pai heei tɔɔlaa hu a mą́ą́hvalin, gili kaa pai kɛi ɲəi ə tɛɛ la nuą wɔlɔ daa tɔɔlaa kɛ dɔwɔ diɛ?

M̀ɛni-lɛɛi 21:1

Yili pulu, ŋį́ yələkɔlɔn nįnɛ̨ da lɔi nįnɛ̨ di kaa, mąąhɔlɔɓo, ɲələkɔlɔn dɔlɔɔ, da lɔi dɔlɔɔ tii kɛ laa, di kwɛlɛɛn, ɛlɛɛ, gboloyá hvo kɛa kɛ laa.

Ikilisiati 7:10

Mąą hvo nɛ̨ɛ̨li gu hvo kɛ mą: Lə mɛ̨nį ɓa, wɛi lɛlɛɛi kɛ háákələi ɓa? Kilimąą mun na woo hvə li.

Ɉeremi 31:22

Ə́ kaa lɛɛi tɔɔi yai yai ɛlɛɛ ɉu mįnɛ̨ lɔwai, Nɛ̨ɛ̨non gwɛli teɠɛɛ? Ya pa Yai-Laa aa mɛ̨nį nįnɛ̨ pɛli lɔi mɛ̨i, Nɛ̨ɛ̨nu kaa hulɔnu kwɛlii.

Piɛrə veelɛ 2:1

Tɔlɔɔ tɔlɔɔ, lɛɛ loloɓo nuą di kɛ Yálá nwɔ nuą lɔwai; kaa kpɛli, lɛɛ kalan gɛ nuą kaa pai kɛi ka lɔwai. Di kaa pai lɛɛ kalan bələ tamąą lɔi ka lɔwai, ə lɛɛ, diɛ lənə di Nwun Nąmu Jesus ɓa, yii di nwun mąąɓo, yili pulu, diɛ nwun napili mąą kpuɔ di kpɔɔ ɓa.

Azaya 43:19

Mɛ̨nį nįnɛ̨ɠaa kɛ hiɛ ka ɲɛ̨i ɲə́i, di kaa mun kɛa ɓɔn ɉi, ka hvo mɔ̨ɔ̨ gbaɠala kaai? A neelee, gáá pai pələ laai lɔi pun ɉu, gɛ́ nu tɛɛ kpaaləɠaa kulɔ kpomóɠaa hu.

M̀ɛni-lɛɛi 21:5

Ɛlɛɛ, nui tii kɛ heeni dɔɔkpəlin ɉu, yɛ mą: «'Ɓɛ kaa, gáá mɛ̨nį kəlee pui nįnɛ̨ kɔlɔi.» Yili pulu, yɛ mą́ą́: «'Bɛ̨ɛ̨, yɛ mą: Nwooɠaa ŋɛ̨i kaa a mɛ̨nį leelee, ɛlɛɛ, a tɛ̨ą.»

Ikilisiati 1:10

Akɛ mɛ̨nį ta a kɛ laa, guɔ kɛ mą: «Mɛ̨ni nįnɛ̨ ɓaa a yii!» Gu mo kpɔ a tɛ̨ą, mɛ̨nį tɔ̨nɔ̨i tii aa wɔlɔ kɛ li, ɓɛlɔwai gu hvo kɛ la yɛnɛ̨ɛ̨.