Bib sou entènèt

Ikilisiati 1:16 - Yálá laawoo hɛɓɛ (dc)

¹⁶ Ŋą́ kɛ gbɔwɔ ɓa: Ɲą́ą́ ka, ŋą́ą́ kɛnɛ̨, ŋą́ą́ kili hɔlɔɓo; ŋą́ą́ tɛɛ dɔɔɓɛlaa yiiɠaa kpɔ daa tɛɛ dɔ́wɔ́, ɓɛ Ɉerusalɛmə diɛ. Yaan, nwɔ́ mɛ̨nį kɔ́lɔn ŋąą, da gíli ə kɛnɛ̨ yɛnɛ̨ɛ̨ mɛ̨nį kɔ́lɔn ŋąą hu a neelee.

Gade chapit la Kopi

Yálá laawoo hɛɓɛ

¹⁶ Ŋą́ kɛ gbɔwɔ ɓa: Ɲą́ą́ ka, ŋą́ą́ kɛnɛ̨, ŋą́ą́ kili hɔlɔɓo; ŋą́ą́ tɛɛ dɔɔɓɛlaa yiiɠaa kpɔ daa tɛɛ dɔ́wɔ́, ɓɛ Ɉerusalɛmə diɛ. Yaan, nwɔ́ mɛ̨nį kɔ́lɔn ŋąą, da gíli ə kɛnɛ̨ yɛnɛ̨ɛ̨ mɛ̨nį kɔ́lɔn ŋąą hu a neelee.

Gade chapit la Kopi

Bible

¹⁶ Ŋá mò ńii su ńyɛ̂ɛi, “Ŋa ƃɔlɔ, ŋátarei su a kɛ́tɛ é tɛɛ diai kélee dîa da wɔ́lɔ kɛ́ a kâloŋ-ŋa Zerusâlɛŋ. Ŋa mɛni támaa maa kɔ́ri, ŋaátarei su a kɛ́tɛ a tɛɛ dîa ɣele ma.”

Gade chapit la Kopi

tounen moute ⬆

Ikilisiati 1:16
20 Referans Kwoze

Ikilisiati 2:9

Ŋą́ kɛ a nui kɔ́lɔn ə kɛ mą. Gɔ́lɔn ŋąąi kɛ, mą́ą́wia ə tɛɛ nuą kpɔ tɔɔlaa kɛ dɔ́wɔ́ Ɉerusalɛmə diɛ. Ə mą kɛ tii, nwɔ́ kili mɛ̨nį ta hvo kulɔ mą.

Tɔɔɓɛlaa dɔlɔɔ 10:7

Və́ kɛi mɛ̨nįɠaa tii kaa a tɛ̨ą, mąąhɔlɔɓo, və́ nii kɛ pa li və́ di kaa a ɲɛ̨́i kɔ́w. Dɛ̨ą bələ tɔ̨nɔ̨ lɔ ɓə di mo mą́ą́; ə́ wɔ kili kɛ ɲəi laa, da ə́ wɔ kɛ pələɠaa tɛɛi yii ŋą́ mɛ̨n a diɛ-woo mą.

Hebreu 5:14

Kɛlaa, nuąi daa di mąą-nu-laa kpɛɛ, di wɛi, kɔ̨nɔ̨n nwalawala ɓə da mįi; diɛi tii daa tɛɛ yɛnɛ̨ɛ̨ mɛ̨nį tamąą hui, diɛ ɓə mɛ̨nį tamąą hukpɛ kili kaa diɛ, da pɛli di mɛ̨nį lɛlɛɛ da ɲɔ̨nwɔ̨ɔ̨ di kulɔ ɉu kɛ.

Mąątɛ̨nɛ̨ 4:4

Ka kili ə kɛ ɉu, káá, Yai-Laa aa bílɛ a nwɔ mɛ̨inɛ̨ɛ̨ níiɓamun mąą mɛ̨nį ɓa. Ŋą́ Yai-Laa təli, aa nwóó mu hon.

Kɔlɔnikɔ Veerɛi 2:12

Gáá kani yɛlɛmun da tɛɛ yɛ́ yiihu, a mɛ̨nį kɔ́lɔnmun, naa ɓaa a Hiramə-Abi.

Danîa 4:30

Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Ɉeremi 22:14

Nui a kɛ diɛ: «Gáá nwɔ́ pɛlɛ́i tɔɔi, gɛ́, ɲələi pələ nwɛiɠaa mu kpɛa kpɛa, gɛ́ naaləi pɛlɛɛɠaa kɛ mą. Yɛ kpitili wulu ɓɛla pɛlɛ bɛlɛ́ nwąną ɓa bɛlɛ́n bələ, yɛ nwɔ̨nɔ̨ pənə yɛ gbɔlu.»

Mąątɛ̨nɛ̨ 77:6

Gɛ́ gíliŋąhiɛ, tɔwɔ-tɔwɔ yələɠaa hu, gɛ́ gíliŋąhiɛ gwɛlanŋaai wɔlɔ daa tɛɛ diɛ.

Tɔɔɓɛlaa veelɛ 5:20

Gehazi yai a Yálá nwɔ nu ŋą tímun, yɛ gbɔwɔ ɓa: «Gálamɔ̨ɔ̨ hvo gɛ li hvo ɲee hee Aramə mun Naaman nwɔ mɛ̨inɛ̨ɛ̨ mu, yai ə paa la bɔ; yii kpɔ Yai-Laa kaa a vulú, gáá gilɛ həɠəi ŋą́ laŋąn mą, ə gɛ, ŋą́ hɛn da hon ɲəi.»

Tɔɔɓɛlaa dɔlɔɔ 5:9

Yálá ə kili da nwun gɛ ɉu laa tɛɛ Salomɔn pɔ kpɔ a ɉu kɛnɛ̨, mɛ̨nįi a nu kwəi pili mą gbaŋala kaa laa walaa, gulɔ nɔwai kɛ laa walaa yɛ gboloyá kwɛlɛ ɲɛ̨ą kɔ́w.

Ikilisiati 2:1

Ŋą́ kɛ gbɔwɔ ɓa: «Hɛn kpɔ Yɛnɛ̨ɛ̨ ɓɛ kwəinɛ̨ɛ̨ a dɛɛ nu pɔ, hvo kɛli ŋą́ gɔlɔn, da bɔ ɲąąnɛ̨ɛ̨.» A tɛ̨ą, yili yaa kpɛli gaa lɔ a kpɛli-kpɛli mɛ̨nį.

Ikilisiati 2:15

Ya ɓə ŋą́ kɛ gbɔ́wɔ ɓa, yii kwa kilikpɛɛgwəi mun ku ŋąąkpɛɛi kaa tanɔ̨n, akɛti, lə mɛ̨nį ɓa ŋą́ kɛ a kilimąą mun? Gɛ́ gbɔ́wɔ ɓa: Yili kaa a kwəi pili mąą.

Ikilisiati 3:17

Yili ɓə gɛ, gɛ́ gbɔ́wɔ́ ɓa: Yálá kaa pai nu haŋąą da nwąnąlɔmun di kiti teei. Mąąhɔlɔɓo, mɛ̨nį kəlee da nwɔ yələ ɓə, ɛlɛɛ, Yálá kaa pai nu kɛ mɛ̨nįɠaa kəlee kiti teei.

Swiv nou:

Lyen patwone

Piblisite

Piblisite