Ifisiɛŋ 6:12 - Yálá laawoo hɛɓɛ (dc)

¹² Nu kan hvə gu kaa kɔ pɛlɛi mą, kɛlaa, ɲɛnɛ̨ɛ̨ hu kpiniɛ ŋɛ̨i ɲąąwooɓo kili, ɉu hvaŋą, ɉu heeɓolaai tɔɔlaa kɛi, mɛ̨nį ɲɔ̨n gɛ kiliɠaai di kaa yələ kwəi, diɛ ɓə.

Yálá laawoo hɛɓɛ

¹² Nu kan hvə gu kaa kɔ pɛlɛi mą, kɛlaa, ɲɛnɛ̨ɛ̨ hu kpiniɛ ŋɛ̨i ɲąąwooɓo kili, ɉu hvaŋą, ɉu heeɓolaai tɔɔlaa kɛi, mɛ̨nį ɲɔ̨n gɛ kiliɠaai di kaa yələ kwəi, diɛ ɓə.

Bible

¹² Kpɛ́ni fêi, kúfe kɔ̂i núu-kpune pɔ, kɛ́lɛ, kúkaa kɔ̂i nuu-mɛi-ƃelai pɔ, nyíi-ŋai díkaa a ŋwála-wala-ƃelai. Díkaa a tãi ŋí su-lɔii kpiniɛi su-nuu tuɛ-ƃela nyɔ́mɔɔ-ŋa, dí ƃo a nyînaŋ nyɔ́mɔɔ-ŋa nyînaŋ nyɔ́mɔɔ-ŋai pɔ taai.

Ifisiɛŋ 6:12 Referans Kwoze

Kolosə 1:13

Aa gu kulɔ kpinį ŋą luwɔlaa yəi, aa gu lɔ nwɛlikɛmąą lon ŋą tɔɔlaa hu.

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Ifisiɛŋ 2:2

Ká kɛi ká wɔɔ yɛnɛ̨ɛ̨ kɛ nɛ̨ŋɛ̨n ɉu, a hvilɛn ká mo, ɲɛnɛ̨ɛ̨ ŋɛ̨i nwɔ yálá pulu, a yai ɉeɛ yələkɔlɔn da lɔi di lɔwai, a gilii tii yiihu a kɛ kulɔ nwoo mu nuą ɲąąhɛn ɉi.

Kolosə 2:15

Ə ɲąąwooɓolaa da hvaŋąlaa di mąąkpoloon, ə di too nu kəlee ɲɛ̨i ɓa. Ə di pu gɔwɔ mu, a ŋą kolɔwa hvaŋą.

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Ifisiɛŋ 1:21

Ɲąąwooɓo laa, Huwalawalalaa, Hvaŋą laa, Hééɓolaa, ɛlɛɛ, da laa huwui lɔpee, ɉeɛi kpɔ gəlee mɛ̨i; hvo lɔ a ɲɛnɛ̨ɛ̨ ŋɛ̨i hu mɛ̨nį, kɛlaa, ə mą kɛ, ɲɛnɛ̨ɛ̨ yii pai, ɉu.

Lomaŋ 8:38

A tɛ̨ą, náái na gɛ́, haa ɓə, yɛnɛ̨ɛ̨ kɛɛ ɓə, malakaɠaa ɓə, heemɛ̨ilaa ɓə, háákələi ɓə, tinąą ɓə, huwalawalaɠaa ɓə,

Ifisiɛŋ 3:10

Bələ ɓə, ə həɠəla yiihu ɓa, ɲąąwooɓo laa da huwalawala laai yələkɔlɔn ɉu pələ, Yálá ŋą kpɔn háálai ɓə, da Yálá ŋą kilikɛɲəi tamąąi tii gbaɠa la gɔlɔn naa.

Ifisiɛŋ 1:3

Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

Korɛntə dɔlɔɔ 15:50

Yii gɛ́ ŋą́ mo káá, ną́n nonnii, ya ka: Kɔlɔ da ɲąmą di hva pɛli Yálá-taa tɔɔlaa hɔlɔɓoi. Hɛn gɔhɔɓoɔ, hva pɛli hɛn mąąhəɠɛɛ ɉɔlɔɓoi.

Piɛrə dɔlɔɔ 3:22

yai tɛi ə mo yələkɔlɔn ɉu, ə hee Yálá ɓa-mįi-yee hu pələ, a yai, malakaɠaa, hééɓolaa kəlee da hvaŋą laa kəlee kaa ɲee mu.

Hebreu 12:1

Yili ɓa tii kani, guɔ kpɛlimąn, gu mąątinɛ̨nŋąąi a gɛla kpulu kɛnɛ̨ɛ̨, tiɛ̨ wiɛ da nɛ̨ŋɛ̨nŋaai da pɛli di gu kɔ́wɔ la yili, gu ɓo yiliɠaa diɛ, 'gu bu. Ɛlɛɛ, 'gu tɔɔ a gu nwąnąi, gu gu liikpələ, gilɛi ŋɛ̨i gaa gu kɔwɔ ɲą, gu ɉəɠə, gu həli la naa kulɔi;

Ɉaan 14:30

Və́ kɛa pai mɛ̨nį tamąą ɓoi kaa, mąąhɔlɔɓo, ɲɛnɛ̨ɛ̨ ŋɛ̨i hu tɔɔ mun gaa pai. A tɛ̨ą, ɲee hvo tɛɛ li mą́ą́.

Ɉaan 12:31

Yiihu, ɲɛnɛ̨ɛ̨ ŋɛ̨i kiti teei lɔwai a həli, di kaa pai gití kalai ɉu tɔɔmun ma, di gbɛ.

Ɉaan 16:11

Yii hvilɛn na gití mɛ̨nį ɓa, ɲɛnɛ̨ɛ̨ ŋɛ̨i hu tɔɔmun nwɛi, gití a gbɛa tee.

Zôo 2:2

Yai-Laa yɛ ɓilihi ɓa: «Ə́ həɠə mį?» Ɓilihi yɛ mą: «Ŋą́ həɠə gɔ́wɔ́i hiɛi lɔi mɛ̨i.»

Lukə 22:53

Ɓɛlɔwai ŋį́ kɛ la ka lɔwai a yələ kəlee, Yálá hee pɛlɛ́ mu, ka hvo kɛi tunwon mą́ą́. Kɛlaa, ka wɛi nąą lɔwai aa həli, ka kpinį nwɔ yeetɛɛmąą laa.

Lukə 13:24

«Ka ka lɔ pələ kwɛli bɛlɛ́ laaləi logolo ɓa. Mąąhɔlɔɓo, nu tamąą kaa pai kɛi bɔ di lɔ, kɛlaa, di hvo pai pɛli mą.

Timote veelɛ 2:5

Ɛlɛɛ nwɔ̨nɔ̨, hɛn nuą kaa mąąkɔ̨nwɔ̨i, nu hva ɉɔlɔɓo, hvo kɛli, a hiɛ a gbaalə.

Maafîu 16:17

Jesus ə mo Piɛrə ɓa, yɛ mą: «Simɔn, Ɉonasə lon ɉulɔnu, ə́ nwun na nɛ̨ɛ̨i; mąąhɔlɔɓo dɛ̨ą ŋɛ̨i yaa mo, nu hvəə a nɛ nu ɓa; hvɛɛ Ną́n Yálá yai gaa yələkɔlɔn ɉu, ya ɓə a pɛli nɛi nu ɓa.

Hebreu 12:4

'Ká hvo nii kpɛli lɛɛ li, gɔi ŋɛ̨i kɔi ká nɛ̨ŋɛ̨n ni, a liikpələ laa, ká ɲąmą hvo pu,

Galatə 1:16

ə Non nɛ mą́ą́, ə gɛ, ŋį́ mąą wɛlɛɛ lɛlɛɛ laa həli huwu takpɛliɠaa diɛ, və́ nwún dɔɔ a nui lɔpee ta;

Markə 4:19

Kɛlaa, yɛnɛ̨ɛ̨liihɛlɛnŋąą, da hɛn gɔw nwɔ ɲɛ̨i kulɔ bɔ, ə mą kɛ, yɛnɛ̨ɛ̨ nwɔ ŋąąnɛɛɠaa da kpinįn a diɛ, ə di hvinatɔn, di hva pɛli ɓai.

Korɛntə veelɛ 11:14

Yili hva nu ta kwəi pili, mąąhɔlɔɓo, ɓilihi yaa gbɛlimąn, a kpɔwɔ kɛ yɛ kɛɛ pono malaka.