Ifisiɛŋ 5:4 - Yálá laawoo hɛɓɛ (dc)

⁴ Mąą hvo kpɛli nɛ̨ɛ̨li, lono ɲɔ̨nwɔ̨ɔ̨ɠaa, kili kpɛɛ gwəi lonoɠaa di hvo kɛ ká la, yili hva ká mąą hon; káámun, ká yee ə kɛ lɔ, Yálá hɛɠɛɛɓo mɛ̨nį hu.

Yálá laawoo hɛɓɛ

⁴ Mąą hvo kpɛli nɛ̨ɛ̨li, lono ɲɔ̨nwɔ̨ɔ̨ɠaa, kili kpɛɛ gwəi lonoɠaa di hvo kɛ ká la, yili hva ká mąą hon; káámun, ká yee ə kɛ lɔ, Yálá hɛɠɛɛɓo mɛ̨nį hu.

Bible

⁴ Lono maa liƃiɛ, ƃoo-lono, da ŋumɛ-lono fè kɛ̀ kásama, nyíi-ŋai dífe lɛlɛ níi. Kɛ́lɛ, sɛɣɛi-fei é kɛ́ káyêei.

Ifisiɛŋ 5:4 Referans Kwoze

Kolosə 3:8

Kɛlaa yiihu kani kɛa, kaa kpɛli mąn, mąąnɛ̨ɛ̨ ka mɛ̨nįɠaa ŋɛ̨i lɛɛ laa, diɛ ɓaa: liiɲąnwąną, lii kələn gwəi, nwąnąlɔɔ túwɔ́, lalan biliɛ, woo ɲɔ̨n nɔpee ta hvo kulɔ ka la.

Ifisiɛŋ 4:29

Woo ɲɔ̨n nɔpee ta hvo kulɔ ká la, kɛlaa yaamun, ká hvaa woo ə kɛ a nɛ̨ɛ̨, yɛ pɛli nu tənən dɔɔi, yɛ mɛ̨nį lɛlɛɛ kɛ mɛ̨n nuą diɛ.

Tɛsalonikə dɔlɔɔ 5:18

'ká Yálá mąmąɓo mɛ̨nį lɔpee gəlee hu, hvó gaai, yili ɓə a Yálá liiɓa ká mąą mɛ̨nį ɓa Jesus Kristə hu.

Hanwon 15:2

Kilimąą nuą hvaa woo a kili wɛli too nu ɓa a ŋąąnɛ̨ɛ̨. Kɛlaa, kilikpɛɛgwəi nuą laa hvili yɛ tɔɔ a ɓowo.

Ikilisiati 10:13

Kilikpɛɛgwəimun a nwoo kɔ́wɔ tɔɔ a kilikpɛɛgwəilaa, ə naa kulɔ a ɓowo wooi nwun və mą;

Piɛrə veelɛ 2:18

Da kpɔɔ ɲąą kɛnɛ̨ wooɠaa ɓo da kili kpɛɛ yəi woo. Nuąi daa gɛ pələ kwɛli mą daa kulɔ mɛ̨nį ɲɔ̨n gɛ nuą yee mu, nɛɛ kalan gɛ nuą ti, da gɛ pələ kwɛli mą, di pənə nwɔ̨nɔ̨ diɛ di hon bələ kwɛli a mɛ̨nį ɲɔ̨n giliŋąhiɛi gaa diɛ.

Hebreu 13:15

Yili ɓa, Jesus pɔ pələ, 'ká gu mąąwiɛ haláá kulɔ Yálá ɓa a yələ kəlee, mukulaa ɓaa: 'Ká gu kɛ lɔ Naa tɛi.

Filipə 4:6

'Ká hvo ka liihɛlɛn a mɛ̨nį lɔpee ta, kɛlaa mɛ̨nį kəlee hu, ká ká mąąkąnŋaa laa həli Yálá ɓa, a nɛ̨ɛ̨mąą woo, 'káá mąąnɛ̨ɛ̨, 'káá mąątɛ̨nɛ̨, káá ɉɛɠɛɛ ɓo.

Zûu 1:10

Nɛɛ kalan gɛ nuą tii, hɛn di hvo gɔlɔn ya ɓə da nalan. Di wɔ mɛ̨nį kɔ́lɔnŋąą kaa yɛ huwɔ, yili ɓə pai di nwun napili.

Korɛntə veelɛ 9:15

Yálá mąmą ɉɛɠɛɛ, nwɔ mɛ̨inɛ̨ɛ̨i gɔɔn mąą hvo mą, mąą mɛ̨nį ɓa.

Markə 7:22

nwɛli hon ŋąą, nu ɲɛ̨i kulaa ə ɓɛlan ɲei hɛn ɓɔ a ɲɔ̨nwɔ̨ɔ̨, gbąną laa mɛ̨nį, mɛ̨nį pili ɉu kɛɛ, tolo ɲɔ̨nwɔ̨ɔ̨ kulaa, lalan biliɛ, kpɔnŋąą kɛnɛ̨, ə mą kɛ da kilikpɛɛɲei laa.

Mąątɛ̨nɛ̨ 92:1

Mąątɛ̨nɛ̨ wələ. A wələi da doo a túwɔ́ yələ.

Zûu 1:13

Bələi tii yá a hulúún na vili tɛ mɛ̨i, bələ lɔ ɓə nuą tii da di nwumɛ̨ mɛ̨nį kulɔ la ponoŋą. Di kaa yɛ pɛmɛ̨lɛ̨n gɔw yiiɠaai di kaa lɔ gilɛ ŋą, Yálá aa kpinį kɛnɛ̨ pɛli di laa ɓa.

Korɛntə veelɛ 1:11

Káá kpɛlimąn, ká kɛ ká wɔɔ nąą kɛi ɉu, a Yálá hvɛlii ká kɛ moi kuɔ. Akɛtii, mɛ̨inɛ̨ɛ̨i tii kwa ɉɔlɔɓo a nu kpulu kɛnɛ̨ɛ̨ kɛ mɛ̨nį, yili a kɛ a Yálá hɛɠɛɛɓo mɛ̨nį ku mąą mɛ̨nį ɓa, nu tamąą yəi.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Hanwon 12:23

Nu ɲąąlaa a nɛn dɔɔ vaa woo tɔwɔ. Kɛlaa, kilikpɛɛgwəi nuą da di wɔ ɓowo mɛ̨nį kulɔ pɔ̨nɔ̨ŋą.

Piɛrə veelɛ 2:7

Ə lɛɛ, Lɔtə ŋɛ̨i kɛ a tələnmomun, yii nuą ti di wɔ túwɔ́ pələ ə kɛi nii kələn gwəi, Yálá ə nwun mąąɓo.

Mąątɛ̨nɛ̨ 33:1

Tələnmo nuą! 'Ka ka yee lɔwa Yai-Laa ɓa! Mąątɛnɛ̨ woo mąąnɛ̨ɛ̨ nu haŋąąɠaa la.

Filemɔn 1:8

Yili ɓə gaa mą, bələi mąn Kristə aa lɛɛ gbɔwɔ ɓa laa tɛɛ la bɔ́, gɛ́ pɛli ə́ tíi a ə́ kɛ mɛ̨nį,

Tɛsalonikə dɔlɔɔ 3:9

Bələi kpɔ kwa pɛli ku Yálá mąmąɓo la ká mąą mɛ̨nį hu, ku hvo kpɔ bələ kɔ́lɔn; mąąhɔlɔɓo, káá ku kwəinɛ̨ɛ̨ kɛnɛ̨ ku wɔɔ Yálái ɲɛ̨i ɓa.

Ifisiɛŋ 1:16

vá kpɛla Yálá hɛɠɛɛɓoi ká mąą mɛ̨nį ɓa; gɛ́ ká mąą mɛ̨nįɠaa laa həli nwɔ́ hvɛli wooɠaa hu.

Ɉaan 6:23

Yaan, kələn da kpɛliɠaa di həɠə Tiberiadə daai pələ, di pa, di həli ɓɛi Jesus ə Yálá hɛɠɛɛɓo laa kɔ̨nɔ̨n mąą nuą diɛ mįi.

Danîa 6:10

Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Hanwon 26:19

Bələ lɔ ɓə nui a mɛlan mowo, yɛ kɛ mą: «Ŋą́ kɛi yola kulɔ», a powa too la.