Ifisiɛŋ 5:25 - Yálá laawoo hɛɓɛ (dc)

²⁵ Hinąą, káán, 'ká ká nɛ̨ąni wɛlilakɛ yɛ bələi Kristə ə Yálá ŋą kpɔn wɛlilakɛ la, ɛlɛɛ, ə gbɔwɔ kulɔ a haláá mąą mɛ̨nį ɓa.

Yálá laawoo hɛɓɛ

²⁵ Hinąą, káán, 'ká ká nɛ̨ąni wɛlilakɛ yɛ bələi Kristə ə Yálá ŋą kpɔn wɛlilakɛ la, ɛlɛɛ, ə gbɔwɔ kulɔ a haláá mąą mɛ̨nį ɓa.

Bible

²⁵ Sinâa, ka kánɛyâai wɛ́li yɛ̂ɛ berei Kôrai e Kôrai-toli-kpɔŋ wɛ́li la e gbîŋ tɛɛ mɛni ma,

Ifisiɛŋ 5:25 Referans Kwoze

Piɛrə dɔlɔɔ 3:7

Hinąą kaa kpɛlimąn, 'ká ká nɛ̨ąni ká ɲíi kɛ a nɛlɛɛ, ká kili ə pu ɉu, káá, di kɔlɔ hvįikpɛɛi, 'ká di mąąwiɛ, gbala ə tɔɔ, ká diɛni ká káá pai yɛnɛ̨ɛ̨ hɔlɔɓoi a ká kwɛlin, yili ɓə a gɛ, mɛ̨nį ta hva kpɛ̨ąn ka wɔ hvɛli woo tɔwɔ.

Kolosə 3:19

Hinąą, 'ká ká nɛ̨ąni wɛlilakɛ, 'ká hvo ɲíiɓo laa wala di yəi.

Ifisiɛŋ 5:28

Bələ kpɔlɔɔ ɓə mąąnɛ̨ɛ̨ hulɔnu yaa kpɛlimąn, ə nɛ̨ą wɛlilakɛ la, yɛ gbɔwɔ kpinįlee. Nui nɛ̨ą wɛlikaa mą, gbɔwɔ kpinįlee wɛlikaa mą.

Zɛnɛse 2:24

Yili ɓə gaa mą, hulɔnu a həɠə nąn bɔ, ə həɠə nee pɔ, ə yili nɛ̨ą ɓa, da yaa di kɛ a nu tɔ̨nɔ̨.

Ifisiɛŋ 5:33

Ə kɛ a pələi lɔpee, vilɛnŋąą káá kpɛlimąn káá: ká ká nɛ̨ąni wɛlilakɛ yɛ gbɔwɔ kpinįlee, nɛ̨ɛ̨nu ə ɉilɛ mąąwiɛ.

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Galatə 1:4

gu Nąmui tii ɓə gbɔwɔ kulɔ a haláá gu wɔɔ nɛ̨ŋɛ̨nŋaa mąą mɛ̨nį ɓa, ə gɛ, ə gu kulɔ ɲɛnɛ̨ɛ̨ ŋɛ̨i hu mɛ̨nį ɲɔn ɲee kɔnma, yɛ bələi Yálá liiɓa kaa la, yai a gu Nąn.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

Galatə 2:20

ŋą́ kɛli kɛa yɛnɛ̨ɛ̨ kɛ, və́ gɛi gbɔ́wɔ́ ɓa, Kristə ka tii yɛnɛ̨ɛ̨ kɛi ɉú. Gbala ə tɔɔ, ɲɛnɛ̨ɛ̨ yii ŋɛ̨i gáá gɛi nu kɔlɔ hui, gáá gɛi laa na laa hu, Yálá lon ŋɛ̨i nwɛ́lilakɛi, yɛ gbɔwɔ kwɛlɛ mą́ą́ mɛ̨nį ɓa, ɉáálai.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą

Zɛnɛse 24:67

Isaakə da nɛ̨ą Rebeka di lɔ nee Sara yəi bɛlɛ́n. Isaakə ə nɛ̨ą Rebeka wɛlilakɛ. Da yaa di di kee liilaa Isaakə nee Sara haa pulu.

Maafîu 20:28

Yili ɓə gaa mą, Nu lon ə pa, ə gɛ, ə kɛ a nuą di wɔ kólo kɛmun, ə gɛ ə gbɔwɔ kwɛlɛ nu kpulu kɛnɛ̨ nwun mąąɓo mɛ̨nį ɓa.»

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Ɉaan 6:51

Ɲą́ą́ ɓə gáá a kɔ̨nɔ̨n vúlu mąą, yai həɠə yələi. Nui a da mįi, a yɛnɛ̨ɛ̨ hva kpɛɛ hɔlɔɓo. Yaan, gɔ̨nɔ̨n ŋį́ dɛɛ nuą pɔ ya ɓaa a gbį́nį́, yai ŋį́ gwɛlɛ yɛnɛ̨ɛ̨ nuą ɓola mɛ̨nį ɓa.»

Samia Veerɛi 12:3

Ɲeehowolo mun tii, hɛn nɔpee ta hvo kɛ ɲəi hvo kɛli lɔ ɓɛlaa haa lon dɔ̨nɔ̨ gbən mə ə ɲa, yɛ gɔ̨nɔ̨n gɛ, mɛlaa tii da ɉulɔnui tii lonnii di kɛi kɛnɛ̨ di kee pɔ. Kɔ̨nɔ̨n kɛ a mįi, gbuɔ ɓə kɛ a dɛɛ mɛlaa pɔ, da yaa di kpələ kɔ́wɔ ə kɛ tɔ̨nɔ̨, diɛ laa kpin dɔ̨nɔ̨ ŋą. Mɛlaa tii ə kɛ ɉulɔnui tii ɲɛ̨i ɓa yɛ non nɛ̨ɛ̨nu.

Timote dɔlɔɔ 2:6

yaa ɓə gbɔwɔ kulɔ a haláá nu kanŋaa mąą mɛ̨nį ɓa. Gɛla hvaai di mo a guuii di ɉee, yaa li;

Ifisiɛŋ 5:24

Bələi lɔ Yálá ŋą kpɔn kaa la Kristə woo mu, nɛ̨ąą diɛ kpɛli, di mąąnɛ̨ɛ̨ di kɛ tii di hilɛni woo mu mɛ̨nį kəlee hu.

Wɛli 1:11

Ku kaa wəlii kwɛli pɛlii yɛ́ a hɛni, ku wali kwɛli hɛlɛn mą.