Ifisiɛŋ 5:24 - Yálá laawoo hɛɓɛ (dc)

²⁴ Bələi lɔ Yálá ŋą kpɔn kaa la Kristə woo mu, nɛ̨ąą diɛ kpɛli, di mąąnɛ̨ɛ̨ di kɛ tii di hilɛni woo mu mɛ̨nį kəlee hu.

Yálá laawoo hɛɓɛ

²⁴ Bələi lɔ Yálá ŋą kpɔn kaa la Kristə woo mu, nɛ̨ąą diɛ kpɛli, di mąąnɛ̨ɛ̨ di kɛ tii di hilɛni woo mu mɛ̨nį kəlee hu.

Bible

²⁴ Berei Kôrai-toli-kpɔŋ káa la Kôrai mui, tɔɔ ǹɛyâai máŋ dí kɛ́ ti dísinâai mu mɛni kélee su.

Ifisiɛŋ 5:24 Referans Kwoze

Ifisiɛŋ 5:33

Ə kɛ a pələi lɔpee, vilɛnŋąą káá kpɛlimąn káá: ká ká nɛ̨ąni wɛlilakɛ yɛ gbɔwɔ kpinįlee, nɛ̨ɛ̨nu ə ɉilɛ mąąwiɛ.

Taitɔ 2:7

Yɛ́ kpinįi ə́ kpɔwɔ lɛ ə́ túwɔ́ pələ hu, a kɔɔmąą lɛlɛɛ, kalan gɛ pələ mąąhəɠɛɛ hu, ə́ ɲąąlaa,

Kolosə 3:20

Lɛapɛlɛɛ, 'ká lɛɛ ká kaa-nuą woo mu, mɛ̨nį kəlee hu; yili ɓə gu Nąmu kaa gwɛlii ká yəi.

Taitɔ 2:9

Luwɔɠaa di lɛɛ di nąmįną woo ɲą mɛ̨nį kəlee hu, di tɔɔ a di nwąnąi, di di liihon, di hvo di laa hɛatoo,

Kolosə 3:22

Luwɔɠaa, ká nąmįnąi ɓɛ lɔi mɛ̨i, ká lɛɛ di woo mu mɛ̨nį kəlee hu. 'Ká hvo tí lɔ diɛ, mąąhɔlɔɓo, di ɲɛ̨i kaa káá; yɛ, ká kɛi ká wɛli too bələ kwɛli diɛ; kɛlaa, yɛ nuąi di liinɛ̨ɛ̨i di kwəi, diɛ tí gu Ną́mu ɓa a ɲɔw mąą laa.

Lɛɛ gbɔwɔ ɓa 29:35

Bələ ɓə ə́ kaa pai gɛi la Aarɔn da nonnii di mąą mɛ̨nį hu, yɛ bələi kpɔlɔ tii ŋą́ ə́ tí la, ə́ kaa pai di heei di wɔ kólói hu hvóló mɛ̨ihveelɛ yee mu.

Lɛɛ gbɔwɔ ɓa 23:13

«‹Mɛ̨niɠaa kpɔ ŋą́ mo kaa, ka gəlee hon a nɛlɛɛ, ka hvo kwɛli hvilɛn haliɠaa diɛ, nu ta hvo kpɛli di laa mɛ̨n ka la.

Lukə 10:17

Galan nɛa pu-mɛ̨ihveelɛ-kɔw-hveelɛ di pənə di pa a kwəinɛ̨ɛ̨, diɛ Jesus ɓa: «Ną́mu, ku kɛi haŋą ɲį́nɛ̨nŋąa diɛ ə́ laa hu, diɛ ku woo hon.»

Ifisiɛŋ 5:23

Mąąhɔlɔɓo, nɛ̨ɛ̨nu nwun nąmu ɓaa a ɉilɛ; yɛ bələi lɔ Kristə kaa la a gbɔn nwun nąmu, yai a kɔlɔ nwun mąąɓomun.

Ifisiɛŋ 5:25

Hinąą, káán, 'ká ká nɛ̨ąni wɛlilakɛ yɛ bələi Kristə ə Yálá ŋą kpɔn wɛlilakɛ la, ɛlɛɛ, ə gbɔwɔ kulɔ a haláá mąą mɛ̨nį ɓa.