Ifisiɛŋ 5:21 - Yálá laawoo hɛɓɛ (dc)

²¹ 'Káái kpɔ ká ɲɔw Kristə ɓa, 'ká lɛɛ ká keeni woo mu a mąąwiɛlaa.

Yálá laawoo hɛɓɛ

²¹ 'Káái kpɔ ká ɲɔw Kristə ɓa, 'ká lɛɛ ká keeni woo mu a mąąwiɛlaa.

Bible

²¹ Ka kɛ́ kákîe-ni mu Kôrai ŋɔyao-maai su.

Ifisiɛŋ 5:21 Referans Kwoze

Filipə 2:3

'Ká hvo mɛ̨nį lɔpee ta kɛ a wɛli kpɛɛ mąąlaa, a wala kɛ ti, nu ta hvo gbɔwɔ kɛnɛ̨ kiliŋąhiɛ kɛ; kɛlaa, kpɔwɔ mąą yɛɛ laa hu, ka ka ɓɛlaa kaa yɛ, ká tɛɛ-mąąɠaa.

Ifisiɛŋ 5:24

Bələi lɔ Yálá ŋą kpɔn kaa la Kristə woo mu, nɛ̨ąą diɛ kpɛli, di mąąnɛ̨ɛ̨ di kɛ tii di hilɛni woo mu mɛ̨nį kəlee hu.

Ifisiɛŋ 5:22

Nɛ̨ąą, 'ká lɛɛ ká hilɛni woo ɲą, yɛ bələi ká gɛ la gu Nąmu ɓa.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»

Hebreu 13:17

Nuąi da kɛ ká mąąkwɛlii, 'ká lɛɛ di woo mu, ɛlɛɛ, ká ká kpɔwɔ lɛɛ di yəi. Mąąhɔlɔɓo, diɛ ɓə da kɛ ka nįiɠaa mɛ̨ikaai, ɛlɛɛ, diɛ ɓə pai yili gwɛlan mo kɛi Yálá ɓa. Ká gɛ tii, da di kɛ-kólói tii a kwəinɛ̨ɛ̨, hva kɛ a lííholi, yili dɔlɔ lɔpee hva kɛ mą ká yəi.

Piɛrə dɔlɔɔ 2:17

'Ká nu kəlee ɓɛlɛ kɛ mą, 'ká ká nąn nonnii wɛlilakɛ. 'Ká ɲɔw Yálá ɓa, 'ká tɔɔmun mɛlɛ kɛ mą.

Timote dɔlɔɔ 3:4

Ə kɛ a pɛlɛ́ nąmu lɛlɛɛ, ɲee pɛliɛ nonnii diɛ, di ɓo nwoo mu, nwumɛ̨ mąą laa hu.

Galatə 5:13

Ka wɛi, ną́n nonnii, ká lɛɛ mɛ̨nį ka kpɔwɔ yee kɔnma mɛ̨nį ɓə, Kristə ə ka təli la, kɛlaa, ká hvo nɛɛ gbɔwɔ yee kɔnma laai ti kaa yɛ, mɛ̨nį ká laa ɉu, káá kɔ́lɔ liiɓa kɛ. Kɛlaa wɛlikɛmąą laa hu, 'ká kɛ a ká keeni di wɔɔ tínuą

Timote dɔlɔɔ 2:11

Kalan gɛi lɔwai, nɛ̨ɛ̨nu mąąnɛ̨ɛ̨ ə naapilɛ, ə lɛɛ nwoo mu laa kɛ.

Korɛntə dɔlɔɔ 16:16

'Ká lɛɛ nu ɓɛlɛmąąɠaa tii woo mu, da nuąi kóló kɛi kee ɓa, di yee ə ɓo mɔ̨nɔ̨ tɔ̨nɔ̨ hu.

Hanwon 24:21

Nón, ɲɔw Yai-Laa ɓa, da tɔɔmun. Nuąi da nɔgili kɛ, diɛ mɛ̨nįɠaa mąąhvalin, 'hvó too di pɔ.

Nehemi 5:15

Nɔi ɲąąwooɓo nuą tɔlɔɔ-tɔlɔɔɠaai kɛ dɔ́wɔ, di kɛi too nɔi lonnii mɛ̨i, diɛ kɔ̨nɔ̨n gulɔ di yəi, da lɔɔ, ɛlɛɛ yili pulu diɛ wali kwələ pow nąąn ɉəɠə di yəi. Di yee pɔ nuą kpɛli mąn, di kɛi hee nuą mɛ̨i. Kɛlaa nwɛi, və́ tíwɔ́ tii, mąąhɔlɔɓo, ŋį́ ɲɔw Yálá ɓa.

Kɔlɔnikɔ Veerɛi 19:7

Yili ɓa tii, ka ɲɔw kani Yai-Laa ɓa! 'Ka mɛ̨nįi tii lɛɛ ka kwəi, 'ka gɛ! Hvo gaai, hvulu, ɲɛ̨ikɔlɔn, nɔgwəi, hvo Yai-Laa gu wɔɔ Yálái nwɛi hu.»

Piɛrə dɔlɔɔ 2:13

'Ká lɛɛ nwun nąmįną kəlee woo mu, gu Nąmu mąą mɛ̨nį ɓa, yɛ ə kɛ a tɔɔmun yai heeɓo laa kaa ɲəi,

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Nehemi 5:9

Ɛlɛɛ, gɛ́ diɛ: «Yii ŋɛ̨i ka káá gɛi, hvo pɛli li ɉu. Kɛlaa, mąąnɛ̨ɛ̨ ka gu hiɛ gu wɔ Yálái nwɔ ɲɔw mąą laa hu, ə gɛ, gu hvo pa nwunmɛ̨ hį́i takpɛliɠaa ɲɛ̨i ɓa, diɛi di kaa a gu yowoɠaa.

Kɔlɔnikɔ Maa-ŋuŋ 29:24

Nɔi ɲąąwooɓo nuą kəlee, gulaaɠaa kəlee, da tɔɔmun Davidə lonnii kəlee di kɛ tɔɔmun Salomɔn woo ɲą.

Zɛnɛse 16:9

Yai-Laa nwɔ malaka yɛ mą: «Pənə ə́ li, ə́ nąmu Sarai pɔ, ə́ ə́ kpɔɠɔmąąyɛɛ ɲee mu.

Korɛntə veelɛ 5:11

Yii kani, bələi mąąnɛ̨ɛ̨ gu ɲɔw la gu Nąmu ɓa, nu kəlee ə gɔlɔn, kwa tɔɔ a ku nwąnąi, kuɔ nuą kilaa pono, ɛlɛɛ, Yálá ɲɛ̨i ɓa, ku mąą mɛ̨nį hu ponoɔi. Nwɔ́ɔ́ kwəi pələ, mą́ą́ mɛ̨nį hu ponoɔi káá kpɛlimąn ká kili hu pələ.