Ifisiɛŋ 5:20 - Yálá laawoo hɛɓɛ (dc)

²⁰ Yələ kəlee, mɛ̨nį kəlee hu, 'ká Nąn Yálá hɛɠɛɛɓo, gu Ną́mu Jesus Kristə laa hu.

Yálá laawoo hɛɓɛ

²⁰ Yələ kəlee, mɛ̨nį kəlee hu, 'ká Nąn Yálá hɛɠɛɛɓo, gu Ną́mu Jesus Kristə laa hu.

Bible

²⁰ ka sɛɣɛi-fei tɛɛ Kúnâŋ Ɣâla pɔ a tãi kélee sɛŋ kélee mɛni ma Kúnuu-namui Zîsɛ Kôrai láai su.

Ifisiɛŋ 5:20 Referans Kwoze

Kolosə 3:17

Mɛ̨nįi lɔpee ká pɛli moi, awala kɛ tii, káá gɛ, 'ká gəlee kɛ gu Ną́mu Jesus laa hu, káá gu Nąn Yálá mąmąɓo la, ɉaalai.

Tɛsalonikə dɔlɔɔ 5:18

'ká Yálá mąmąɓo mɛ̨nį lɔpee gəlee hu, hvó gaai, yili ɓə a Yálá liiɓa ká mąą mɛ̨nį ɓa Jesus Kristə hu.

Hebreu 13:15

Yili ɓa, Jesus pɔ pələ, 'ká gu mąąwiɛ haláá kulɔ Yálá ɓa a yələ kəlee, mukulaa ɓaa: 'Ká gu kɛ lɔ Naa tɛi.

Filipə 4:6

'Ká hvo ka liihɛlɛn a mɛ̨nį lɔpee ta, kɛlaa mɛ̨nį kəlee hu, ká ká mąąkąnŋaa laa həli Yálá ɓa, a nɛ̨ɛ̨mąą woo, 'káá mąąnɛ̨ɛ̨, 'káá mąątɛ̨nɛ̨, káá ɉɛɠɛɛ ɓo.

Ifisiɛŋ 5:4

Mąą hvo kpɛli nɛ̨ɛ̨li, lono ɲɔ̨nwɔ̨ɔ̨ɠaa, kili kpɛɛ gwəi lonoɠaa di hvo kɛ ká la, yili hva ká mąą hon; káámun, ká yee ə kɛ lɔ, Yálá hɛɠɛɛɓo mɛ̨nį hu.

Tɛsalonikə veelɛ 1:3

Ną́n nonnii, mąąnɛ̨ɛ̨ ku Yálá mąmąɓo a yələ kəlee ká mąą mɛ̨nį ɓa, ɛlɛɛ, yili kpɔ ɓə bɛliɛ ɉu, gbala ə tɔɔ, ká wɔɔ laa na laa kaa lɔ yɛ tɛ tɔwɔ, ɛlɛɛ, nwɛlikɛmąą laai ká yəi ka kee mąą mɛ̨nį ɓa, ɉu kaa lɔ mą yɛ kɛnɛ̨ ká kəlee ká yəi;

Mąątɛ̨nɛ̨ 34:1

Davidə nwɔ wələ. Ɲələi Davidə ə gbɔwɔ kɛ la a ɓowomun Abimelɛkə ɲɛ̨i ɓa, yili yɛ gbɛ, Davidə yɛ həɠə laa.

Tɛsalonikə veelɛ 2:13

Yii ɓaa ku wɛi, ku mąąnɛ̨ɛ̨i kuɔ Yálá hɛɠɛɛɓo a yələ kəlee ká mąą mɛ̨nį ɓa, ną́n nonnii, káái ká wɛlikaa gu Nąmu ɓa. Mąąhɔlɔɓo, Yálá ə gbɛa ká həɠə ɉu, a gɔwɔ tɔɔi lɔwai, ə gɛ, ká nwun mąą ə ɓo Kili-Mąąhəɠɛɛ háálai, yai a nu mąąhəɠə, laai ká mo tɛ̨ą la, ɉáálai.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Azaya 63:7

Gáá pai Yai-Laa nwɔ mɛ̨inɛ̨ɛ̨ɠaa hukulɔi, nwələɠaai da Yai-Laa laa tɛ, mɛ̨nįɠaai Yai-Laa ə gɛ kuɔ, di mąą mɛ̨nį ɓa, a nwɛlikɛmąąlaa kɛnɛ̨i ə gɛ, Israɛlə nwɔ pɛlɛ́i ɓa, bələ ə ɉon na a lii nɛ̨ɛ̨ gwəi, yɛ mɛ̨inɛ̨ɛ̨ tamąą kɛ mą.

Zôo 1:21

Yɛ diɛ: «Bələi lɔ néé ə gaa la a gbúwulu, bələ lɔ ɓə gáá pai pənəi la. Yai-Laa ɓə gɔ́. Yai-Laa ɓə pənə ə ɉəɠə. Mąąwiɛ ə kɛ Yai-Laa laa ɓa.»

Korɛntə dɔlɔɔ 1:4

Ŋą́ Yálá hɛɠɛɛ ɓo kaa mąą mɛ̨nį ɓa kpɛla pələi hvo mą, mɛ̨inɛ̨ɛ̨i aa gɛ kaa Jesus Kristə hu, mąą mɛ̨nį ɓa.

Ɉaan 15:16

Kaa hvəə ɉə́ɠə́ ɉu, ɲą́ą́ ɓə ka həɠə ɉu, ŋį́ ka kɛ a nwɔ́ tínuą, ə gɛ, ka ɓai, ə lɛɛ ka yəi; ya ɓə a gɛ, yii lɔpee ka vɛli Ną́n mą náá hu, ə dɛɛ ka pɔ.

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!

Filipə 1:3

Ŋą́ nwɔ́ Yálá hɛɠɛɛɓo, ɓɛlɔwai lɔpee ka nąą kili a too la ŋą́.

Gɛlaɠaa 5:41

Gɛlaɠaai di həɠə dɔ́n vili nąmįną lííla a di kwəinɛ̨ɛ̨, diɛ li, mąąhɔlɔɓo, Yálá aa hvaa mą daa kɛ a nuąi mąąnɛ̨ɛ̨ di di mɔ̨nɔ̨ɓo Jesus laa mąą mɛ̨nį ɓa.

Tɛsalonikə dɔlɔɔ 3:9

Bələi kpɔ kwa pɛli ku Yálá mąmąɓo la ká mąą mɛ̨nį hu, ku hvo kpɔ bələ kɔ́lɔn; mąąhɔlɔɓo, káá ku kwəinɛ̨ɛ̨ kɛnɛ̨ ku wɔɔ Yálái ɲɛ̨i ɓa.

Lomaŋ 1:8

Gɛɛ və́ mɛ̨nį lɔpee ta ɓo, gáá nwɔ Yálá hɛɠɛɛɓoi Jesus Kristə laa hu ka mąą mɛ̨nį ɓa. Mąąhɔlɔɓo, nu kəlee kaa ka wɔ laa na mɛ̨nį mąą kɛla hvaa ɓoi a nɛlɛɛ.

Korɛntə dɔlɔɔ 15:24

Yili pulu ɓə, yɛnɛ̨ɛ̨ ŋąą a kpɛɛ la, ɓɛlɔwai gaa pai dɔɔlaa tɛɛi la Nąn Yálá pɔ, a kpɛɛ kɛa a heemɛ̨ilaa kəlee, heeɓolaa kəlee, da huwalawala kəlee hukalaa.