Ifisiɛŋ 5:18 - Yálá laawoo hɛɓɛ (dc)

¹⁸ 'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Kilii.

Yálá laawoo hɛɓɛ

¹⁸ 'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Nįį.

Bible

¹⁸ Ŋwãai fe kákɛ̀, nyíi gáa a gɛ́-ɣeniɛ ŋuŋ fuloŋɔɔi; kɛ́lɛ, kálaa e fɛɛ a M̀ɔlêŋ,

Ifisiɛŋ 5:18 Referans Kwoze

Hanwon 20:1

Lɔɔ a nu kɛ a yɛlɛkulɔɉumun, lɔɔ kpəɠiɛ yɛ hvaa too. Nui a gbɔwɔ lɛɛ a lɔɔ ŋą hon, hva pɛli kɛi a kilimąą mun.

Lomaŋ 13:13

Ká gu kaa kɛɛpono hu, 'ká gu túwɔ́ a tələnmolaa. Gu hvo ɓowo pələ kɛ, gu hvo too lɔɔ kpələ kpun ɉu, gu hvo gu laai lɛɛ, gu hvo kɛ lɔ a wɛli hon nuą. Ɛlɛɛ, gu hvo hvaa kɛ, gu hvo tolo kulɔ.

Lukə 1:15

Mąąhɔlɔɓo, gaa pai kɛi a nu kɛnɛ̨ Yálá ɲɛ̨i ɓa. Dɛa ɓa pai kɛi a lɔɔ da kpələ hɛnŋąa lɔpee nwəleen gaa ɉu. Yɛ nu nwun ɉu tinɛ̨n, mąąhɔlɔɓo, Kili-Mąąhəɠɛɛ kaa pai kɛi ɲəi ə həɠə gaa yələ ɓa ə lɛɛ la ɉu ɉaa yələ.

Azaya 5:22

Kpalo ɓɛlaai diɛ, di kaa a lɔɔ kpələ kuláaɠaa, di yee tɛɛ nu kəlee ɓa lɔɔ kpəɠiɛɠaa humui.

Korɛntə dɔlɔɔ 5:11

Kpələ! Ŋą́ mo ɉɛɓɛ́ hu, gɛ́i: Nui gu Nąn naa kaa mą, mąą nu a kɛ a wɛlikɛnmun, awala kɛ tii, a kɛ a hɛn nwɛlimun, a nui a kwɛli hvilɛn hali ɓa, a wala kɛ tii, a laa kalamun, a lɔɔ-hon, a nwuɔ̨mun; ká nu taaləi ti ká mąą mɛ̨nį ta hvo pɛlɛ gee ɓa, 'ká hvo mąn kɔ̨nɔ̨n mįi gee ɓa.

Gɛlaɠaa 11:24

Barnabasə, ə kɛ a nu haŋąą, Kili-Mąąhəɠɛɛ yɛ ɓo bɔ, da laa na laa. Nu kpulu kɛnɛ̨ ə hvilɛn gu Ną́mu pulu.

Tɛsalonikə dɔlɔɔ 5:7

Nuąi yíi, kpinį hu ɓə da yíi laa, nuąi a lɔɔ-hon, kpinį ɓə lɔɔ a di hon ną;

Lukə 12:45

Kɛlaa, akɛ, góló kɛmun tii a giliŋąhiɛ, yɛ kɛ mą: ‹Námu hvo pai pai ɉa.› Ə pɛlɛ kɛa mɛlaa koló kɛ nuą diɛ, yɛ di kɛlɛ, yɛ nąą mį́į́ yɛ pilɛ, yɛ gbələ yɛ ɓo a lɔɔ hon.

Lukə 11:13

Akɛ kaa ŋɛ̨i a túwɔ́ pələ ɲɔ̨n gulɔ nuą, ka pɛli hɛn nɛlɛɛ tɛɛ ka lonnii pɔ, gu hvo mun kɛ, ka Nąn yələkɔlɔn ɉu. A Kili-Mąąhəɠɛɛ tɛɛ nuą da vɛli mą di pɔ.»

Korɛntə dɔlɔɔ 6:10

ə kɛ a nwuɔ̨ nuą, ə kɛ a wɛa hɛn ɉəɠə nuą, ə kɛ a lɔɔ honŋaa, ə kɛ a nu laa kala nuą, ə kɛa gbąną-gbąną hɛn ɉəɠə nuą; di tai lɔpee heei hvo Yálá nwɔ tɔɔlaai hu.

Taitɔ 1:6

Di tɛitɛi, di mąąnɛ̨ɛ̨i di kɛ a nuąi hɔn və diɛ, di ɓo a nɛ̨ą tanɔ̨n nąmu, di lonnii di ɓo a laa na nuą, di hvo di hɔn mo túwɔ́ pələ ɲɔ̨n mɛ̨nį ta lɔpee hu, di woo mɛ̨nŋąą.

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Azaya 55:1

Kaai kpɔ kpələ wɛli kaa kaa, 'ka pa ya kɛɛnąą; ə mą kɛ nu ta kaa laa wali hvo ɲəi, ka pa lɔ, 'ka kɔ̨nɔ̨n vɛli, ka ka laa mįi, 'ka pa ka ka kpələ, yɛ ə kɛ a lɔɔ a wala kɛti nįŋɛ̨ ɲįnįya; wali mɛ̨nį hvo ɉu, hɛn da ya mɛ̨nį hvo ɉu.

Dutɛrɔnome 21:20

Diɛ galanɉonŋąą diɛ: «Ku lon ga, hva ku woo mɛ̨n, ɛlɛɛ, aa gwɛli tee, aa nwɔ yɛnɛ̨ɛ̨ hon a ɲɔ̨nwɔ̨ɔ̨ yɛ ɓo lɔ hvóló kəlee a lɔɔ hon.»

Korɛntə dɔlɔɔ 11:21

Mąąhɔlɔɓo, nu tɛitɛi a mąąhulɔ, gɔ̨nɔ̨n ə paa la, ə ɉəɠə, a kɛ kɛa tii, pulu yɛ nu taɠaa kpɔlɔɔn, lɔɔ a daɠaa hon.

Wɛli 1:4

'Ɲéé hon, gwəli! Gu gilɛ həɠə! Yɛ́ ɓə a nwɔ́ tɔɔmun; 'gwəli; ə́ yəi bɛlɛ́ lon mu. Yɛ́ lɔ ɓə a gu wɔ kwəinɛ̨ɛ̨, da gu wɔ ɲąŋą kulaa! Gu ə́ wɔ wɛlikɛmąąlaa mąą ɲąŋą kulɔ, ə tɛɛ lɔɔ ɓa. Tɛ̨ą kaa nɛ̨ɛ̨lɛa pɔ, di ə́ wɛli la kɛ.

Zɛnɛse 9:21

Ə viɲə lɔɔ ta kpələ a hvóló ta, nɔɔ ə ɉon, ə gbuwulu ɓo, ə tɛɛ ə laa ɲəi ɉəɠə pɛlɛ́ mu.

Maafîu 23:25

«Tɔ́n galamɔ̨ɔ̨ɠaa ka Farisiɛ̨ɠaa, kpalo ɓɛlaai kaa! Mąąhɔlɔɓo, ka kpələ kɔ́wɔ da gəgənŋąa pulu pələ waa, kɛlaa, ɉu pələ laa hveelɛ a nwuɔ̨ hɛnŋąa da ka wɔ túwɔ́ pələ ɲɔ̨n giliŋąhiɛɠaa.

Azaya 25:6

Yai-Laa Mɛ̨nį Kəlee ŋą Hééɓomun, gaa pai hɛli kɔ̨nɔ̨n bɛlii nu kəlee ɓa ɲee ŋɛ̨i nwuɔ̨, a huwɔ wulaa kɔ̨nɔ̨n, da lɔɔ nɛ̨ɛ̨ɠaa, huwɔ wulɔɠaa, da lɔɔ nɛ̨ɛ̨.

Mąątɛ̨nɛ̨ 69:12

Ŋį́ ɓíi haɠa too gwą́ną́, yɛ haa a too nu ɓa, ɛlɛɛ, ŋą́ą́ kɛ a di wɔ laapuɉu hɛn, yili mąą mɛ̨nį ɓa.

Maafîu 24:49

Ɛlɛɛ, ɓɛlɛɛ mɛlaa diɛ yɛ di kɛlɛ, ə li ə tɔɔ lɔɔ honŋąą pɔ diɛ di kpələ diɛ di laa mįi.

Wɛli 7:9

Gɛ́ diɛ: «Hvo kɛli ŋą́ tɛ dowui ŋɛ̨i hu, ŋą́ ɲéé pɛlɛ nwun ma gɔnwɔn ɉu.» Ə́ ɲįnį ə kɛ ɲə́i yɛ viɲə ɓá. Ə́ nɔ̨ɔ̨ mąą kun nɛ̨ɛ̨ ə pu mą́ą́, yɛ mąątí wulɔ.

Levetekɔ 10:9

«Yɛ́ ka ə́ lonnii, ɓɛlɔwai ka kɛi li la gee kaa kələ mu, ka hvo lɔɔ kpələ, da kpələ hɛn a nu hon, ə gɛ ka hvo pa haa, ka mąą tɔ́n ni, a yələ kəlee ka ka huwuhu nuą, yili hva ɉəɠə mą.

Ɉaan 2:10

yɛ mą: «Nu ya nuą təli kwəinɛ̨ɛ̨ mɛ̨nį ɓa, lɔɔ nɛɛ ɓə ya gbɛa dɛɛ tɔwɔ, nuą da gbələ kɛa kɛnɛ̨, yii hvo nɛ̨ɛ̨li kɛnɛ̨ ə yili lɛɛ kɛa pulu. Kɛlaa ə́ wɛi, yii hvo nɛ̨ɛ̨li ya ɓə yaa dɛɛ tɔwɔ, yaa nɛɛ lɛɛ pulu.»