Ifisiɛŋ 4:9 - Yálá laawoo hɛɓɛ (dc)

⁹ «Ə tɛ yələi!» Yili mukulaa ɓaa: Ə gbɛa yɛɛ kpɔ ə həli lɔi mu.

Yálá laawoo hɛɓɛ

⁹ «Ə tɛ yələi!» Yili mukulaa ɓaa: Ə gbɛa yɛɛ kpɔ ə həli lɔi mu.

Bible

⁹ Kwà mò kûɛ, “E tɛ̀ ŋ̀elei su,” zu-kulai ƃa a yeŋ máŋ ǹɔii mu-pere.

Ifisiɛŋ 4:9 Referans Kwoze

Ɉaan 3:13

Mąąhɔlɔɓo, nu ta hvo ta tɛ li yələi, hvo kɛ li lɔ Nu Lon yii həɠə yələkɔlɔn ɉu.

Maafîu 12:40

Mąąhɔlɔɓo, bələi lɔ Ɉonasə ə hvóló haaɓa da kpinį haaɓa kɛ la hɔ̨nwɔ̨lee kwəi, gboloyá hu, bələ lɔ ɓə Nu Lon gaa pai hvóló haaɓa da kpinį haaɓa kɛi la kámą hu.

Ɉaan 6:33

Mąąhɔlɔɓo, gɔ̨nɔ̨n Yálá a dɛɛ nu pɔ, ya ɓaa yii həɠə yələi ə pa yɛnɛ̨ɛ̨, əgɛ, ə yɛnɛ̨ɛ̨ hva kpɛɛ tɛɛ nuą pɔ.»

Hanwon 30:4

Gbɛɛ ɓə aa ta tɛ yələi, aa pənə aa yɛɛ? Gbɛɛ ɓə aa ta hvaŋą hon aa ɲee laa kpulu mą? Gbɛɛ ɓə aa ta yá pu mąą həɠə hu, aa gbulɔn? Gbɛɛ lɔi ɲɛn naa? Mąą nu laa ɓaa gbɛɛ? Non naa ɓaa pai kɛi a gbɛɛ? Gbaɠala lɛ mą́ą́ akɛ ə́ gɔlɔn?

Mąątɛ̨nɛ̨ 63:9

Ŋą kanąn yɛ́ a níi kəlee, Yɛ́n, yáá ə́ ɓa-mįi-yee too ɉú.

Hebreu 2:9

Kɛlaa, lə ɓə gwa pɛli gaai yiihu? Nui gɛ pələ tawolo too malakaɠaa di wɛi mui, yai a Jesus, ɉaa mɔ̨nɔ̨i tii ə mįi mąą mɛ̨nį ɓa, ə mąąwiɛlaa da lɛlɛ laa hɔlɔɓo, a mąą hon ɉɛn. Yili ɓa tii, Yálá ŋą mɛ̨inɛ̨ɛ̨ háálai, ə haa kɔlɔn, nu kanŋaa kəlee mąą mɛ̨nį ɓa.

Ɉaan 20:17

Jesus yɛ mą: «Hvó kanąn mą́ą́, mąąhɔlɔɓo, və́ nii tɛ li Ną́n bɔ yələi. Kɛlaa, li ya Ną́n nonnii kaa ə́ mo diɛ, yɛ diɛ: Gáá li Ną́n da ka Nąn bɔ, nwɔ́ Yálá da ka wɔ Yálá pɔ.»

Mąątɛ̨nɛ̨ 8:5

Lə kpɔ ɓaa a nu kan, yai yá ə́ kili kɛ mą! Lə kpɔ ɓaa a nu, yai yá mąą liihɛlɛn ɉee?

Zɛnɛse 11:5

Yaan, Yai-Laa ə yɛɛ, ə gɛ, ə daai tii mąąkpɛɛ, ɛlɛɛ bɛlɛ́i ŋɛ̨i nuą kaa dɔɔi, ə gaa.

Hebreu 2:7

Ə́ gɛ pələ tawolo too malakaɠaa di wɛi mu, Ə́ mąąwiɛ laa da lɛlɛ laa hee nwuɔ̨ a mąą hon ɉɛn;

Ɉaan 8:14

Jesus ə di woo pulu pənə yɛ diɛ: «Ŋą́ą́ kɛi gbɔ́wɔ́ mąą kɛla hvaa ɓoi, yili kaa a tɛ̨ą. Mąąhɔlɔɓo, ɓɛi ŋą́ həɠə laa, da ɓɛi gaa lii laa, ŋą́ nąą kɔ́lɔn. Kɛlaa ka wɛi ɓɛi ŋą́ həɠə laa, da ɓɛi gaa lii laa, ka hvo nąą kɔ́lɔn.

Ɉaan 6:62

Akɛti, yələi ka Nu Lon kaa la, yɛ tɛ yələi ɓɛi ə həɠə laa, kaa gɛ ləi?

Ɉaan 6:58

Gɔ̨nɔ̨n ka kalapɔlɔni di mįi nɔi pun ɉu, di haa; kɛlaa, gɔ̨nɔ̨n ŋɛ̨i həɠə yələi nwɛi, nu a da mįi a yɛnɛ̨ɛ̨i kpɛɛ hvo mą hɔlɔɓo.»

Ɉaan 6:51

Ɲą́ą́ ɓə gáá a kɔ̨nɔ̨n vúlu mąą, yai həɠə yələi. Nui a da mįi, a yɛnɛ̨ɛ̨ hva kpɛɛ hɔlɔɓo. Yaan, gɔ̨nɔ̨n ŋį́ dɛɛ nuą pɔ ya ɓaa a gbį́nį́, yai ŋį́ gwɛlɛ yɛnɛ̨ɛ̨ nuą ɓola mɛ̨nį ɓa.»

Ɉaan 6:41

Ə həɠə ɲələ ɓa, Ɉuifəɠaa líí ə holi bɔ, mąąhɔlɔɓo, aa kɛ diɛ: «Ɲą́ą́ ɓə gáá a Yálá-taa kɔ̨nɔ̨n.»

Ɉaan 6:38

Mąąhɔlɔɓo, Və́ həɠə li yələi və́ pa nííɓa kɛ mɛ̨nį ɓa, kɛlaa nui dɔ́ɔ́ niiɓa kɛ mɛ̨nį ɓə.

Azaya 44:23

Yələ kɔ́lɔn, 'tomą a kwəinɛ̨ɛ̨, mąąhɔlɔɓo, Yai-Laa aa gɛ mɛ̨nį kɛ, 'ka ɓələn a kwəinɛ̨ɛ̨, lɔi mu pələ lɔiɠaa, yeeɠaa, 'ka tómą a kwəinɛ̨ɛ̨, ə mą kɛ wɛla, da ɉu wuluɠaa, mąąhɔlɔɓo, Yai-Laa aa Ɉakɔbə nwun mąąɓo, ɛlɛɛ aa nwɔ mąąwiɛ lɛ Israɛlə lɔi hu!

Mąątɛ̨nɛ̨ 139:15

Ną́ą́ ta hvo loo li yɛ́, ɓɛlɔwai ŋį́ kɛ la loo pələi, diɛ ɉéé gíila, yɛ da kɛi həɠə pala kɛɛ nąą loɔ ɓa.

Lɛɛ gbɔwɔ ɓa 19:20

Yai-Laa ə lɛɛ Sinai yee tɔ́n na, Ə Moisə təli, Moisə ə tɛ.

Izikiɛ 31:14

Yili ə kɛ tii, ə gɛ, wului lɔpee, ə mą kɛ gaa ya kwɛlɛ, hvo gbɔwɔ ɲąą kɛnɛ̨, nwun və hee tulɔ kpinįn ma; ə gɛ wulu ta lɔpee, ə mą kɛ daa ya pu mą a nɛlɛɛ, hvo nwun dɛ mɛlaa mɛ̨i. Mąąhɔlɔɓo, haa pɛ̨ɛ̨i gəlee nwuɔ̨, lɔi mu pələ lɔiɠaa hu, yɛnɛ̨ɛ̨ nuą lɔwai, a nuąi daa yɛɛ kámą hu.