Ifisiɛŋ 4:4 - Yálá laawoo hɛɓɛ (dc)

⁴ Kɔlɔ kaa tanɔ̨n, Kili ə ɓo tanɔ̨n, bələi lɔ, 'ka təliɛ la hɛn dɔ̨nɔ̨ ɓa, ká ɲɛ̨i ə ɓo kilitɔɔlaa tanɔ̨n dɔwɔ;

Yálá laawoo hɛɓɛ

⁴ Kɔlɔ kaa tanɔ̨n, Nįį ə ɓo tanɔ̨n, bələi lɔ, 'ka təliɛ la hɛn dɔ̨nɔ̨ ɓa, ká ɲɛ̨i ə ɓo kilitɔɔlaa tanɔ̨n dɔwɔ;

Bible

⁴ Kpono tɔnɔ nɔ́ ƃe naa da M̀ɔlêŋ tɔnɔ, yɛ̂ɛ berei máŋ dí kátòli la kili-kɛ-zu tɔnɔ su kátoli-wooi sui.

Ifisiɛŋ 4:4 Referans Kwoze

Ifisiɛŋ 2:18

Ɛlɛɛ, Kristə háálai ɓə, guɔ mąn, diɛi tii mąn, gwa pɛli lɛɠɛi la gu Nąn Yálá ɓa, Kili-Mąąhəɠɛɛ tanɔ̨n ti hu.

Ifisiɛŋ 4:1

Gáá kani ká mąąnɛ̨ɛ̨i, gu Nąmu nwɛi hu, ɲą́ą́ ŋɛ̨i gaho ŋą, gɛ́, ká ká wɔɔ yɛnɛ̨ɛ̨ kɛ, a dəliɓo wooi too ká wəlii, mąą hon bələ;

Ifisiɛŋ 1:18

ə ká kili laaɓo nwɔ kɛɛ ponoi tɔwɔ, mɛ̨nįi ə ká təli mą, yai ká ɲɛ̨i kaa dɔwɔ, káá pɛli gɔlɔn ɉii, da nwɔɔ mąąwiɛlaa hu kɛnɛ̨ pələ, ya ɓaa, gwɛlin tii gaa ká kɔ́i ɉu, ka mąąhəɠə nuą;

Korɛntə dɔlɔɔ 12:20

Nu tɔɔ-tɔɔi kaa mą tamąą, kɛlaa, kɔ́lɔ tɔ̨nɔ̨ li.

Kolosə 1:5

Gilitɔɔmąą laai gaa ká mąąkpɔn ɉii yələkɔlɔn ɉu, mąą kilitɔɔmąą laai tii ɓə di naa həli káá, a tɛ̨ą woo, ya ɓaa, nwɛlɛɛ lɛlɛɛ,

Ifisiɛŋ 5:30

Gu hvo mɔ̨ɔ̨ a gɔ́lɔ tii tɔɔ-tɔɔnŋaa?

Zɔ̂ŋ Maa-ŋuŋ 3:3

Nui a gilitɔɔmąą laa taaləi tii kɔwɔ hvilɛn mɛ̨i, a gbɔwɔ mąąhəɠə, yɛ bələi Yaa tii a Jesus, mąąhəɠɛɛi la.

Piɛrə dɔlɔɔ 1:21

Yaa ɉáálai, káá laa Yálá la, yai nwun, ə gulɔ haa yəi, ə gɔ a mąąwiɛlaa, gɛ pələi tii, ká wɔɔ laa na laa, da wɔɔ kilitɔɔmąą laa kɔwɔ hvilɛnŋąąi la Yálá ɓa.

Taitɔ 2:13

guɔ gu wɔɔ Yálá kɛnɛ̨i da gu Nąmu Jesus Kristə, gu ɓalomun ŋą hvoló mąąwia mąąkpɔn na a kilitɔɔmąą laa.

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Tɛsalonikə veelɛ 2:16

Gu Ną́mu Jesus Kristə yaa kpinįlee da gu Ną́n Yálá, diɛi gu wɛlila kɛ, ɛlɛɛ, ə gu liilaa, a yii kpɛɛ hvo mą, da kilitɔɔmąą laa lɛlɛɛ,

Kolosə 3:15

Gɛ́! Kristə nwɔ liilaa yii Yálá ə ka təli mą, əgɛ, ka kɛ a nu tɔ̨nɔ̨, ə ɉeei kaa ka nįį hu, 'ká kɛ a mɛ̨inɛ̨ɛ̨ hu kɔ́lɔn nuą.

Ifisiɛŋ 2:22

Kristə hu ɓə, káá kpɛlimąn, káá ká tɔɔi hɔlɔɓo la, bɛlɛ́ tɔɔ hɛnŋaa lɔwai, káá kɛ la a Yálá nwɔ pɛlɛ́, Yálá nwɔ Kilii háálai.

Ifisiɛŋ 2:16

Kristə ə nu huwu hveelɛi tii kɛ a nu tanɔ̨n, yɛ di lɔwai ponnaa kulɔ da Yálá ni, kolɔwa háálai, kolɔwa mɛ̨i ɓə ə yowolaa paa laa.

Maafîu 28:19

'Ka li yɛnɛ̨ɛ̨ nąą kəlee, ka nu kəlee kalan, ka di kɛ a nwɔ́ kalan nɛa. Ka di mąąwaa Ną́n Yálá da Non da Kili-Mąąhəɠɛɛ laa hu.

Ɉeremi 14:8

Israɛlə kilitɔɔi ɓaa yɛ́, mąąwɛli mɛ̨nį a həli kuɔ, yɛ́ ɓə yá kulɔ ɉu, lə ɓə kɛ, yaai, ə́ kaa túwɔ́i yɛ yá kɛ a nwea nɔi? Yɛ ya kɛ a hiɛ kulɔ mun, yii gaa lɔ kpinį tɔ̨nɔ̨ kɛ?

Taitɔ 3:7

Ə gɛ, yii kɛa gu mąą aa həɠə ŋą mɛ̨inɛ̨ɛ̨ háálai, gu kɛ kɛa, yɛ bələi gilitɔɔmąą laa tii kaa la, a ɲɛnɛ̨ɛ̨ nįnɛ̨ hɔlɔɓo nuą kwɛlin.

Timote dɔlɔɔ 1:1

Polə, Jesus Kristə ŋą kɛla, yɛ bələi gu nwun mąąɓomun Yálá ə dí la, da Jesus Kristə yai a gu wɔ kilitɔɔi.

Korɛntə dɔlɔɔ 10:17

Yɛ bələi nɛɠɛ kaa la tanɔ̨n, gu kaa lɔ ti a kɔlɔ tɔ̨nɔ̨; hvo gaai, gu kəlee nɛɠɛ tɔ̨nɔ̨i ti ɓə gwa ɉɔlɔɓo.

Korɛntə veelɛ 11:4

Gbala ə tɔɔ, ká hvaa mą, nui lɔpee a tɔɔ, yɛ ká mąąkwɛli a Jesus takpɛli mąą mɛ̨nį, a Jesus ku hvo ta ká mąąkwɛli li a mąą mɛ̨nį. Awala kɛ tii, káá ká yee hee ka mąąkwəli woo takpɛli mu, a kilii ká hvo ta ɉɔlɔɓo li. Awala nwɔ̨nɔ̨ kɛ tii, di wɛlɛɛ lɛlɛɛ takpɛli laa həli káá, yii ká hvo ta ɉɔlɔɓo li kpɛli, ɛlɛɛ, káá ká yee hee mu a nwalawalaa.

Gɛlaɠaa 15:11

Kɛlaa yaamun, gwaa gaa a tɛ̨ą, guɔ gu Ną́mu Jesus nwɔ mɛ̨inɛ̨ɛ̨ hu ɓə gu ɓalo laa, ə mą kɛ diɛ, kpɛli.»

Ɉeremi 17:7

Kɛlaa, nui a gilitɔɔ Yai-Laa ɓa, lúwɔ́ kaa mą. Yai-Laa a kɛ a gilitɔɔi.

Lomaŋ 11:29

Mąąhɔlɔɓo, Yálá nwɔ mɛ̨inɛ̨ɛ̨, nwɔ təliɓo hva ɉəɠə mą.

Mąątɛ̨nɛ̨ 122:8

Gáá kɛi diɛ: «Liilaa ə kɛ ə́ pɔɔli,» ną́n nonnii da mɛ́laa di mąą mɛ̨nį ɓa.