Ifisiɛŋ 4:32 - Yálá laawoo hɛɓɛ (dc)

³² 'Ká kɛ a ká liinɛ̨ɛ̨ ká kwəi, ká keeni pɔ, 'ká ká keeni mąąwɛli kaa, 'ká ká keeni mąąhvaalɛɛ, yɛ bələi Yálá ə ká mąąhvaalɛɛ la Kristə hu.

Yálá laawoo hɛɓɛ

³² 'Ká kɛ a ká liinɛ̨ɛ̨ ká kwəi, ká keeni pɔ, 'ká ká keeni mąąwɛli kaa, 'ká ká keeni mąąhvaalɛɛ, yɛ bələi Yálá ə ká mąąhvaalɛɛ la Kristə hu.

Bible

³² Sɔŋ-lɛlɛ da lii-lɛlɛ dí kɛ́ káyêei kákîe-ni mɛni ma. Ka kákîe-ni su-mɛni lɛɛ nɔ́ yɛ̂ɛ berei Ɣâla e kasu-mɛni lɛɛ la Kôrai sârai.

Ifisiɛŋ 4:32 Referans Kwoze

Markə 11:25

Ɓɛlɔwai ka káá Yálá hvɛli la mɛ̨nį ta hu, akɛ mɛ̨nį ta kaa ka nu ta ka lɔwai, gbɛa mąą nu mąąhvaalɛɛ. Ya ɓə a gɛ ka Nąn yii gaa yələi ə kaa kpɛli ka mąąhvaalɛɛ ka kɛ nɛ̨ŋɛ̨nŋąą diɛ.

Korɛntə veelɛ 2:10

Nui ka mąąhvaalɛɛ, ɲą́ą́ gbɛlimąn, ŋą́ mąąhvaalɛɛ. Mąąhɔlɔɓo, mɛ̨nįi ŋį́ nɛɛ a kpɛli, akɛ mun hɔlɔɔ, ŋį́ mɛ̨nį ta lɛɛ a kpɛli, ŋą́ gɛ tii ká mąą mɛ̨nį ɓa, Kristə ɲɛ̨i ɓa.

Ifisiɛŋ 5:1

'Ká Yálá pɔɔ kɔɔn, hvo gaai, ká káá a nwɛlikɛmąą lonnii;

Lukə 6:35

Yaamun, ka ka yowoɠaa wɛli la kɛ, ka mɛ̨inɛ̨ɛ̨ kɛ diɛ, ka kwələ tɔɔ diɛ ka hvo gbɛ. Akɛti, ka wɔ hvɛla kulɔ kaa pai kɛnɛ̨i, ə lɛɛ, ka kɛ a Yálá lonni. Mąąhɔlɔɓo, nuąi di hvo mɛ̨inɛ̨ɛ̨ kɔ́lɔn, a mɛ̨inɛ̨ɛ̨ kɛ diɛ; ə mą kɛ túwɔ́ pələ ɲɔ̨n gɛ nuą.

Lukə 6:37

«Ka hvo nui lɔpee ta kiti tee. Əgɛ, Yálá hvo pa ka kiti tee. Ka hvo nui lɔpee ta kɛ a hɔn mąą mun, əgɛ, Yálá hvo pa ka kɛ a hɔn mąą nuą. Ka nuą mąąhvaalɛɛ, əgɛ, Yálá ə pa ka mąąhvaalɛɛ.

Korɛntə dɔlɔɔ 13:4

Wɛlikɛmąąlaa liikpəlɛɛi, wɛlikɛmąąlaa a kpɔnmąą kɛ, hva tolo kulɔ, hɛn nwɛli laa hvo wɛlikɛmąąlaa hu, kpɔɔ ɲąą kɛnɛ̨ hvo wɛlikɛmąąlaa hu.

Lukə 17:4

Ə mą kɛ aa nɛ̨ŋɛ̨n ɉəɠə yɛ́ gee mɛ̨i mɛ̨ihveelɛ hvóló tɔ̨nɔ̨ yee mu, ɛlɛɛ, ə pənə, ə pa ə́ pɔ gee mɛ̨i mɛ̨ihveelɛ, yɛ kɛ yɛ́: mą́ą́hvaalɛɛ; mąąnɛ̨ɛ̨ ə́ mąąhvaalɛɛ.»

Maafîu 6:12

Ku kɛ nɛ̨ŋɛ̨nŋąą mąąhvaalɛɛ, yɛ bələi yiiɠaai da ɓaɠa ɓo kuɔ kwa di mąąhvaalɛɛ la.

Mąątɛ̨nɛ̨ 145:9

Yai-Laa nwɔ mɛ̨nį lɛlɛɛi nu kəlee pɔ, nii nɛ̨ɛ̨i gwəi nwɔ pɛli hɛnŋąą kəlee pɔ.

Zɔ̂ŋ Maa-ŋuŋ 2:12

Nónii pɛlɛɛɠaa, gáá ɉɛɓɛ́ ŋɛ̨i tɛɛ káá, ká wɔɔ nɛ̨ŋɛ̨nŋaa mąąhvaa aa lɛɛ Jesus laa mąą mɛ̨nį ɓa.

Lomaŋ 12:10

Gɛ́, lee-lon nwɛlikɛmąąlaa ə ka yili ka kee ɓa, ká wɛlikpɛɛmąąlaa kpɛ ká lɔwai.

Zɔ̂ŋ Maa-ŋuŋ 1:9

Akɛ gwa hvaa gu wɔ nɛ̨ŋɛ̨nŋaa diɛ, kulɔ nwoo ɓa laa da tələnmo laa hu, yɛ Yaa, a gu wɔ nɛ̨ŋɛ̨nŋaa mąąhvaalɛɛ, ɛlɛɛ, yɛ gu wɔ tuwɔ pələ ɲɔ̨nŋaa kəlee waa guɔ.

Korɛntə veelɛ 2:7

Viɛlaɓoɔi ká mąąhvaalɛɛ, ká niilaa, ə gɛ, niiɲą hvo pa nəi nwąną hvo tɛɛ ɲɛ̨n ɉu.

Zĩi 5:11

Ká kaa gaai, nuąi liikpələ laa kulɔ, gu kaa di mąątɛ̨nɛ̨i; ká Ɉobə nwɔ liikpələ laa mąą pələ mɛ̨n, ɛlɛɛ, bələi gu Nąmu ə nwɔ yɛnɛ̨ɛ̨ laa kulɔ la, ká gaa; mąąhɔlɔɓo, Ną́mu ŋą mɛ̨nį lɛlɛɛi, ɲee laahvɛɛi a mɛ̨inɛ̨ɛ̨.

Korɛntə veelɛ 6:6

mąąhəɠəlaa hu, mɛ̨nį kɔlɔnŋąą hu, liikpələ laa hu, lii nɛ̨ɛ̨gwəi hu, a Kili-Mąąhəɠɛɛ, a wɛlikɛmąą laa leelee,

Lukə 11:4

Ku mąąhvaalɛɛ mɛ̨nį ɲɔ̨nŋąai kwa kɛ gɛi mąą mɛ̨nį ɓa. Mąąhɔlɔɓo, nuą da mɛ̨nį ɲɔ̨n gɛ a kuɔ, kwa di mąąhvaalɛɛ. Hvó hvaa mą ɓilihi hvo ku ŋąąhɛɠi.›»

Lukə 1:78

Mąąhɔlɔɓo, ɲɛ̨imąąwɛli kaa kɛnɛ̨ kaa kuɔ Yálá yəi. Ya ɓə pai kɛɛ pono kɛnɛ̨ yɛɛi ku mɛ̨i yɛ pələi yələ wala pɔ hvóló liɛn gaa la.

Azaya 57:1

Tələnmo lon a haa, nu ta hva yili kaa a mɛ̨nį wala wala, da nu lɛlɛɛɠaa həɠə di yəi bɛlɛ́n, ɛlɛɛ, nu ta hva gaa yɛ kɛ, kili ɲɔ̨nwɔ̨ɔ̨ ka tii a gɛ, diɛ tələnmomun nwuɔ̨.

Hanwon 19:22

Hɛn da gwɛli nu yəi ya ɓaa a kulɔ nwoo ɓa laa, yili ɓa, yeehvowolomun viɛlaɓoɔi lɛɛmun ma

Hanwon 12:10

Tələnmomun ə nwɔ taatɛlɛɛɠaai mąą kpaan gɔlɔn, Kɛlaa, nwąnąlɔ nuą kwəi ɲɔ̨nwɔ̨ɔ̨i diɛ.

Mąątɛ̨nɛ̨ 112:9

A mɛ̨inɛ̨ɛ̨ kpɛa-kpɛa kɛ yeehowolo mun ma, nwɔ tələnmolaa kaa a yələ kəlee mɛ̨nį, a nwun muhəɠə a ɲɛ̨i pono.

Rutə 2:20

Naomi yɛ Rutə ɓa: «Ŋą́ą́ gaa gɛ́ diɛ: Yai-Laa ə nwoo kwɛlɛ Elimelɛkə da non ɉinąą hveelɛi tii daa haa diɛ, ya ka aa bɔ mɛ̨nį kɛ kuɔi ŋɛ̨i a nu hvulúɠaa kuɔ. Yai-Laa ə lúwɔ́ too ɉulɔnui tii ɓa. Boozə kaa a gu wɔ nu, diɛ ɓə mąą nɛ̨ɛ̨ di gu mąą mɛ̨nį ɲɛ̨i kulɔ.»

Piɛrə veelɛ 1:7

Yili pulu, ka nɛɛ laa pɛlɛ ka wɔ Yálá kɔ́lɔn ŋąą ɓa, ka wɛlikɛmąąlaa pɛlɛ ka wɔ nɛ̨ɛ̨laa ɓa.

Gɛlaɠaa 28:2

Maltə nuą di ku hon gbɔ a nulaa yii naa hvo kɛ too li. Hvo gaai di nwɔ̨n gɛnɛ̨ hee, a ku kəlee ku mąą mɛ̨nį, mąąhɔlɔɓo, túlɔ aa kɛ pu, ɛlɛɛ, gwɛlɛ yɛ pa.

Samia Veerɛi 7:21

Ə́ woo kwɛlɛi ə́ mo, da laai ə mo a ə́ lii, ya ɓə gɛ yɛ́ mɛ̨nį ɲɛ̨i kɛnɛ̨ɛ ŋɛ̨i kəlee kɛ la, yɛ́ nɛ ə́ wɔ tímun ɓa.

Hanwon 19:11

Mɛ̨nį ɲąąkaamun nii kələn naa walaai gwəi, ɛlɛɛ, mąąwiɛ mɛ̨nį ɓaa, ə gili kulɔ lalan ɉu.

Ɉeremi 38:12

Nubi mun Ɛvɛd-Melɛkə yɛ Ɉeremi ɓa: «Ɉəɠəɠaa ŋɛ̨i yili ə́ kpumui gɔ́tɔ́yɛli ɓa.» Ɉeremi ə gɛ tii,