Ifisiɛŋ 4:31 - Yálá laawoo hɛɓɛ (dc)

³¹ Woo ɲɔ̨n, liikələn gwəi, lííholi, lii ɲąnwąną, háŋąmąą da lalan, mɛ̨nįɠaa tii di mąą hvo nɛ̨ɛ̨li ká lɔwai, da nwąnąlɔɔ huwui lɔpee gəlee.

Yálá laawoo hɛɓɛ

³¹ Woo ɲɔ̨n, liikələn gwəi, lííholi, lii ɲąnwąną, háŋąmąą da lalan, mɛ̨nįɠaa tii di mąą hvo nɛ̨ɛ̨li ká lɔwai, da nwąnąlɔɔ huwui lɔpee gəlee.

Bible

³¹ Ka ƃó lii-ŋwana ma, lii-nyɔŋ, sóoŋ, larâŋ, da ŋɛi-kpala-sii kélee.

Ifisiɛŋ 4:31 Referans Kwoze

Kolosə 3:8

Kɛlaa yiihu kani kɛa, kaa kpɛli mąn, mąąnɛ̨ɛ̨ ka mɛ̨nįɠaa ŋɛ̨i lɛɛ laa, diɛ ɓaa: liiɲąnwąną, lii kələn gwəi, nwąnąlɔɔ túwɔ́, lalan biliɛ, woo ɲɔ̨n nɔpee ta hvo kulɔ ka la.

Ikilisiati 7:9

Mąą hvo nɛ̨ɛ̨li nu hvo níiholi ɉą, kilikpɛɛgwəi mun mə níiholi laa nɛ̨ɛ̨.

Piɛrə dɔlɔɔ 2:1

'Ká ká yee kulɔ kani nwąnąlɔɔ mɛ̨nį kəlee hu, gbąną mɛ̨nį kəlee, lɛɛ mɛ̨nį kəlee, hɛn nwɛli laa da laa pələ ɓo.

Zĩi 1:19

Nąn nonnii nwɛ́likɛmąą nuą, ká káá a kilimąą nuą. 'Ká ká mąą hulɔ, mɛ̨nį mɛ̨n mɛ̨nį ɓa ɉa, kɛlaa, 'ká hvo humo a hvaa ɉa, 'ká hvo ká lííholi ɉa,

Kolosə 3:19

Hinąą, 'ká ká nɛ̨ąni wɛlilakɛ, 'ká hvo ɲíiɓo laa wala di yəi.

Zĩi 3:14

Kɛlaa, tolo a kɛ ká hu, da wɛlikpɛɛmąą laa, ká hvo ká kpɔwɔ ɲąąkɛnɛ̨, ɛlɛɛ, ká hvo lɛɛ pɛlɛ tɛ̨ą ɓa a ká túwɔ́ pələ.

Ifisiɛŋ 4:26

Ká líí a holi, 'ká hvo nɛ̨ŋɛ̨n ɉəɠə; hvóló hvo laa kpɔlɔ ɲą, ká wɔ lííholi ə ɓo ni ɉu.

Zɔ̂ŋ Maa-ŋuŋ 3:12

Gu hvo gɛ yɛ Kain, yai kɛ a mɛ̨nį ɲɔ̨n nwɔɔ, ə nəɠə nwun dee. Ə nwun dee lə mɛ̨nį ɓa? Gbala ə tɔɔ, ɲee pɔ mɛ̨nįɠaa ɲɔ̨nwɔ̨ɔ̨i kɛ, ya pa nəɠə nwɛiɠaai haŋąą.

Mąątɛ̨nɛ̨ 101:5

Nui a mɛlaa laa kala loo pələi, gáá pai nwumɛ̨i, tɛɠɛɓoɉu kɛɛ kaa, ɲɛ̨i kulɔbɔ kili, vá pɛli niilaai di pɔ.

Zĩi 4:11

'Ká hvo mɛ̨nį ɲɔ̨n mo a ká kee laa, ną́n nonnii. Nui a mɛ̨nį ɲɔ̨n mo a nu ta laa, a wala kɛ tii, ə gití tee, aa mɛ̨nį ɲɔ̨n mo a dɔ́n naa, ɛlɛɛ, aa dɔn gití tee. Kɛlaa, yɛ́n, yá dɔn giti teei, yáá kɛ a kití teemun, ɛlɛɛ hvó kɛli a dɔ́n bɔ yíiɓomun.

Hanwon 26:20

Kwɛi a wala kɛ nwɔ̨n ma, a luwun, hiɛ nɔwai kɛmun a wala kɛ laa, hvaa hva too.

Taitɔ 1:7

Hvo kɛli, nui a kɛ gbɔn nwun na, yai a Yálá ŋą hɛn gɔwii laai kɛmun, ə kɛ a nui hɔn və mą, hvo kɛ a ɲɛ̨itɛ hvaaɓomun, a liikələn gwəi mun, a lɔɔ kpələmun, a hvaa kɛmun, hvo kɛ a hvulu hɛn gwɛlimun.

Timote dɔlɔɔ 3:11

Nɛ̨ąąi da kɛ a gbɔn ɉu mɛ̨nįɠaa ɲɛ̨i kulɔ nɛ̨ąą diɛ kpɛlimąn, mąąnɛ̨ɛ̨i di kɛ a nu mąąwiaɠaa, di hvo kɛ a laa pələɓo kɛ nuą, di ɲąąlaa, diɛ kulɔ di woo ɓa mɛ̨nį kəlee hu.

Korɛntə veelɛ 12:20

Ɲɔw kaa ɉú, gɛ́ kɛ ŋą́ pa, və́ pa ká kaa yɛ bələ, gáá la bɔi; ɛlɛɛ, kaan káá gáá yɛ bələi ká la bɔ və́ kɛ la. Gáá ɲɔwi, kiti hvo pa kɛ ká lɔwai, tolo, lííholi, hvaa, laa kala, laa pələ ɓo, tɛɠɛɓo ɉu, da mɛ̨nį yɔhɔ-yɔhɔɠaa.

Korɛntə dɔlɔɔ 14:20

Ną́n nonnii, yii hvilɛn na mɛ̨nį hutɔɔ ɓa, 'ká kɛ yɛ lɛapɛlɛɛ, yii ɓaa mɛ̨nį ɲɔ̨n nwɛi, 'ká kɛ ɉu, a lɛapɛlɛɛ, kɛlaa, mɛ̨nį hutɔɔ mɛ̨nį hu, 'ká kɛ a nu mąąpɔlɔɔɠaa.

Hanwon 29:22

Nui níiholi laa nɛ̨ɛ̨, a hvaa too. Nui níi kələn ŋąą gwəi, a nɛ̨ŋɛ̨n diɲɛ gee mɛ̨i.

Hanwon 14:17

Nui a níiholi ɉa, a ɓowo mɛ̨nį kɛ, lamąnąnmun yɛ gbɔwɔ wɛli kpɛɛ nuą diɛ.

Hanwon 10:18

Nui a wɛlikpɛɛmąą mɛ̨i kpulu, nɛn gaa na hveelɛ. Nui a laamąąhiɛ kɛ, ɓowomun ni.

Hanwon 10:12

Wɛlikpɛmąą a hvaa too, Kɛlaa, wɛlikɛmąą a nɛ̨ŋɛ̨n gəlee mɛ̨i kpulu.

Timote dɔlɔɔ 5:13

Yɛ bələi kóló hvo la diɛ, di nwun yɛ ɓo la tii pɛlɛ́-hvŋąn gəlee mu, hvo lɔ lɛɛ la a tíi kpɛɛ mɛ̨nį diɛ, kɛlaa, di woo tamąą di la, di laa kpɔn və hee li, di laa hva kpɛ mɛ̨nįɠaa hu, mɛ̨nį hvo lɛɠɛ li diɛ ya ɓə da ɉukulɔ.

Galatə 5:20

hali kɔ mɛ̨nį, kááhɛn ɉəɠɛɛ, yowolaa, woo taɠa mąą, tolo, liikələ gwəi, wɛa túwɔ́, ɓɛlaɓolaa da kpɔn daɠa mɛ̨nį,

Korɛntə dɔlɔɔ 5:8

Yili ɓa, ká gu gu wɔɔ hɛli pu kan, hvo kɛ a lɛɠɛi dɛ hɛn bɔlɔ pɔlɔ, hvo kɛ a kili ɲɔ̨nwɔ̨ɔ̨ da túwɔ́ pələ ɲɔ̨n. Kɛlaa, ká gu gɛ a lɛɠɛ yii gala hɛn və ɉu, kwəi kwələlaa hu da tɛ̨ą hu.

Lomaŋ 3:14

Di kumɔ laa hvɛɛ a nɛ̨ŋɛ̨n naa.

Hanwon 25:23

Hvaŋąi a tɛɛ yɛ tɛ, a tulɔ pu, bələ lɔ ɓə laamąąhiɛ a hvaa too la.

Hanwon 18:8

Nui a mɛlaa laa ɓo, vaa woo kaa yɛ lówohɛn, a yɛɛ kpɔ nu lii pɔ, yɛ həli nu yɛlɛ ɓa.

Hanwon 6:19

lɛɛ kɛla hvaa ɓomun, nui a hvaa too leegaaɠaa lɔwai.

Mąątɛ̨nɛ̨ 140:11

Nwɔ̨n deŋą ə yɛɛ di mɛ̨i, yɛ tulɔ, di di pili ɓoloon gɛnɛ̨ hu, di hvo kulɔ laa.

Mąątɛ̨nɛ̨ 64:3

Nóó ɲɛ̨nikɛ-nuąi da ɲabalɔ mą́ą́, diɛ, Mą́ą́ kwɛa mɛ̨nį ɲɔ̨n gɛ nuąi di nwun dɔɔi, diɛ.

Mąątɛ̨nɛ̨ 50:20

Yá hee, ə́ nąn non lɔ ɓə naa kaa ə́ la, yɛ́ ə́ lee-lon naa mąąhiɛ.

Mąątɛ̨nɛ̨ 15:3

Hva mɛlaa mąą mɛ̨nį pili ɉu, hva ɲɔ̨nwɔ̨mąn nu ɓɛlɛ kpɛɛ mą.

Samia Veerɛi 19:27

Mefibosɛtə yɛ tɔɔmun ma: «Tɔɔmun, nwɔ́ mɛ̨nį Nąmu, mɛ̨nįi laa mą́ą́ ya ka: nwɔ́ kóló kɛ mun mə mówo. Mąąhɔlɔɓo, ə́ wɔɔ luwɔi ə mo yɛ diɛ: ‹Gáá nwɔ́ hoohvaalən ɉąą yili, ŋą́ tɛ mɛ̨i, kwa tɔɔmun ni kwə li›, mąąhɔlɔɓo, ə́ wɔɔ luwɔi kɔ́wɔ hvo ɲəi.

Zɛnɛse 37:4

Ɉosɛfə niɛni di gaa diɛ, di nąn aa di ləɠə wɛli la kɛ aa dɛɛ diɛ. Ɉosɛfə wɛli ə kpɛɛ niɛni diɛ ə tɛɛ gɛi ɓa. Di hvo kpɛli kɛi nwɔ mɛ̨nį lɛlɛɛ ɓo.

Zɛnɛse 27:41

Ə həɠə ɲələ ɓa, Esau da Ɉakɔbə di hvo kɛ nɛ̨ɛ̨li, núwɔ́ nwuɔ̨ mɛ̨nįi tii ɓa. Esau ə gili tee gwəi pələ yɛ: «Ną́n a pa kulɔi taai, ɉaa mɛ̨i ɓə ŋą Ɉakɔbə paa laa.»

Zɛnɛse 4:8

Ə kɛ lɔ a yələ ta, Kain yɛ nəɠə Abɛlə ɓa: «Pa gwəli ə́ náálɛ.» Lii kɛa di moi, Kain ə wolo nəɠə Abɛlə ɓa, ə baa.

M̀ɛni-lɛɛi 12:10

Yili pulu, ŋį́ woo kɛnɛ̨ ta mɛ̨n yələ kwəi, yɛ kɛ mą: «Nu ɓalo yələ ka, gu wɔɔ Yálái ŋą tɔɔlaa yələ ka, da ŋą yəi kɛnɛ̨laa, ɛlɛɛ, Kristə ŋą Hééɓolaa yələ ka; mąąhɔlɔɓo, nui kɛ a gu nąn nonnii kálámąɓomun, daa bili, a yai kɛli di kálámąɓo Yálá ɓa a kpinį da hvóló.

Zɔ̂ŋ Maa-ŋuŋ 3:15

Nui nąn non nwɛli hvo mą, nu paamun ni. Ɛlɛɛ, káá kpinįi ká kili kaa ɉu, yíipoo hvo nu paamun ɉu.

Taitɔ 2:3

'Mo nwɔ̨nɔ̨, palaanɛ̨ąɠaa diɛ kpɛlimąn diɛ, di wɔ yɛnɛ̨ɛ̨ kɛ pələ ə kɛ a ɉaŋąą: di hvo kɛ a laamąąhiɛ kɛ nuą, di hvo di kpɔwɔ tɛɛ lɔɔ pɔ, diɛ nuą mąąkwɛli mɛ̨nį lɛlɛɛ ɓa,

Timote veelɛ 2:23

Kɛlaa, mowo hɛa kpɛli-kpɛli too nuą tii, 'ə́ mąąkwɛa diɛ. Ə́ kili kaa ɉu, hvaa lɔ ɓə a doo nuą lɔwai.

Timote dɔlɔɔ 3:3

hvo kɛ a lɔɔ kpələmun, hvo kɛ a kpilɛn gɔmun, kɛlaa, nwɔ mɛ̨nį lɛlɛɛ, hvo kɛ a hvaa kɛmun, hvo kɛ a hɛn nwɛlimun.

Gɛlaɠaa 21:30

Daai nąą kəlee ə kɛ lɔ ɉuwu-ɉuwu, nuą diɛ həɠə kɛɛnąą tamąą diɛ pa. Di Polə hon di kulɔ la Yálá hee pɛlɛ́ mu, di bɛlɛ́ɠaa laa kpulu.

Ɉeremi 6:28

Nu huwui ŋɛ̨i kəlee kaa a kulɔ nwoo mu nuą, di kili walawalaa; diɛ ɓo a laa kala nuą, di walawalaa yɛ kwɛli kpəlee a wala kɛ tii kwɛli kpɔlu. Di kəlee di kaa a lɔi kala nuą, túwɔ́ pələ ɲɔ̨n gulɔ nuą.

Hanwon 29:9

Kilimąą mun, da kilikpɛɛgwəi mun da kɛ kili haɠa ɓa, gilimun ə nwąnąi pu-o, ə ɉon a yɔla-o, kilikpɛɛgwəi mun va ɲąą kaa.

Hanwon 19:12

Tɔɔmun a níiholi, gaa yɛ Yala a kɛi kpəɠi, Kɛlaa, a ɲɛ̨i lɛlɛɛ hee yɛ́, gaa yɛ nɛnɲá.

Samia Veerɛi 19:43

Ɉuda nuą kəlee di Israɛlə nuą kəlee woo pulu pənə diɛ mą: «Mąąhɔlɔɓo, tɔɔmun gaa a ku kpįnį ɓa mun, yili a nwąną kaa lə mɛ̨nį ɓa? Akɛtii, tɔɔmun ɲəi hɛn da ɓə ku mįi? Awala kɛ tii, mɛ̨nį ta ɓə ə gɛ kuɔ?»

Samia Veerɛi 13:22

Absalɔn hvo mɛ̨nį lɔpee ta ɓo Amnɔn laa mɛ̨i a ɲɔ̨nwɔ̨ɔ̨ ə mą kɛ a nɛlɛɛ. Kɛlaa, nwɛli ə kpɛɛ mą, mąąhɔlɔɓo, aa too mąąhala Tamarə mɛ̨i.

Zɛnɛse 37:21

Rubɛn ə di woo mɛ̨n, kɛlaa nwɛi, ə kɛ bɔ ə Ɉosɛfə nwun mąą kɔ̨nwɔ̨. Yɛ diɛ: «'Ka gu hvo baa,

Timote veelɛ 3:3

di kili walawalaa, di nwun va tínɛ̨n, di laa-pələɓoɔ, di ɲąą hvo laa li, di ɲąniɛ, di ɓo a mɛ̨nį lɛlɛɛ ɲowo;

Ɉeremi 9:4

Diɛ di kee ni ɓowo. Nu ta hva tɛ̨ą ɓo, daa di nɛn mąą kwɛli lɛɛ kɛɛ ɓa. Daa kala, di hva kɛa pɛli pənəi di hvo pa bɔ́. Di hɔn mąą hva kɛa hvalin.

Mąątɛ̨nɛ̨ 37:8

'Liiholi lɛɛ laa, ə́ nii kələn gwəi lɛɛ laa. 'Hvó ə́ líiholi, naa kulɔi hvo lɛlɛ li.

Ifisiɛŋ 4:22

Hvo kɛli, ká ká yee kulɔ ká yíi pələ pɔlɔ-pɔlɔ hu, ɲíi pɔlɔ-pɔlɔ kɔlɔi tii kɛ káá, 'ká gulɔ káá, a yai ɉu a kala; a ɓowo ɲɛ̨i kulɔ bɔ, laa pɔɔ;

Ifisiɛŋ 4:25

Káá kulɔ kɛa lɛɛ yee kɔnma; 'ká tɛ̨ą ɓo kɛa ká kee ɓa, gbala ə tɔɔ, gu kaa a gu keeni tɔɔ-tɔɔnŋaa.